Свет
Пад на продажбата на автомобили во јануари на рускиот пазар
Рускиот пазар на автомобили, кој до само пред неколку години беше на пат да стане најголем во Европа, потона во јануари за 24 отсто на годишно ниво.
Тоа е последица на лошата состојба на вкупната руска економија, која влезе во рецесија, а инфлацијата сега е најголема во последните 16 години, пренесува Б92.
Здружението на европски авто-компании во соопштението наведува дека годишниот пад на продажбата во Русија дојде по големиот раст на побарувачката кон крајот на минатата година, кога клиентите брзаа да купат странски автомобили пред поскапувањето.
Руската рубља загуби повеќе од половина од својата вредност последната година, а поголем дел во текот на есента.
Русите побрзаа парите кои бргу ја губат вредноста, да ги инвестираат во купување на скапи трајни добра и автомобили, пред трговците да ги кренат цените за да ги усогласат со надолниот курс на рубљата.
Меѓу најголемите губитници се Опел, кој има пад на продажбата од 75 отсто во Русија и Цитроен, чија продажба опаднала за 72 отсто.
Продажбата на автомобили беше слаба целата мината година додека руската економија влегуваше во рецесија, но 2,4 отсто закрепнала во декември. /крај/б92/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Градоначалникот на Чилпасинго убиен шест дена по преземањето на функцијата во Мексико
Алехандро Аркос, градоначалникот на Чилпансинго, главниот град на мексиканската држава Гереро, е убиен во неделата, помалку од една недела по преземањето на функцијата, потврди гувернерот на државата.
Аркос е убиен само шест дена откако станал градоначалник на Чилпанцинго во југозападно Мексико, град со околу 280.000 жители, пренесува Ројтерс.
„Поради неговото убиство, целата заедница на државата Гереро тагува и не исполнува со гнев“, рече гувернерката на таа држава Евелин Салгадо во изјавата споделена на социјалните мрежи.
Свет
Западноафриканските земји најавуваат подобра жетва, но какаото и чоколадото нема да поевтинат
Клучните производители на какао во Западна Африка, Гана и Брегот на Слоновата Коска најавуваат дека бербата на плодовите од какаото ќе биде поуспешна од претходните сезони, но дека е извесно дека тоа нема да ја намали цената на чоколадото на светските берзи.
Временските услови се подобри, а локалните производители добија пестициди за контрола на какао болестите и очекуваат приносите да бидат значително повисоки од минатата година, пренесува Блумберг.
Бербата започнува веќе во октомври.
Свет
Тони Блер: Бомбардирањето на НАТО беше правилно, стојам со народот на Косово
Поранешниот премиер на Велика Британија, Тони Блер, во Приштина истакна дека „интервенцијата на НАТО пред 25 години била вистинската работа“ и дека „застанува со граѓаните на Косово“.
„Да се биде овде, буди длабоки емоции. Му честитам на народот на Косово за храброста и непоколебливата решителност да ја искористат за ослободување на земјата. Тогаш се уверив дека тоа е вистинската работа и денеска стојам со народот на Косово со убедување“, рече Блер на заедничката конференција со претседатката на Косово, Вјоса Османи.
Блер додаде дека очекува Косово во иднина да стане дел од Европската Унија.
„Овде се случуваат многу позитивни работи, кои се добри за целиот свет. Едвај го чекам денот кога Косово ќе го заземе своето место во европското семејство“, изјави Блер.