Свет
Пад на стапката на сиромаштија во САД прв пат по седум години
Процентот на Американци кои живеат под прагот на сиромаштија намален е минатата година за прв пат по 2006 годин, што е знак дека закрепнувањето на економијата конечно дојде и до домаќинствата со најслаба имотна состојба, објави Reuters.
Според заводот за статистика, бројот на лица кои во 2013 година живееле под прагот на сиромаштијата бил 45,3 милиони, што е стапка од 14,5 отсто и е во благ пад во споредба со претходната година.
Стапката на сиромаштија е намалена за 0,5 отстотен поен, но и натаму е за два отстотни поени поголема во однос на 2006 година, кога последен пад имало намалување.
Просечниот приход по домаќинство благо пораснал на 51.939 долари, од 51.759 колку што изнесувал во 2012 година, што се оценува како статистички незначитлено покачување.
Семејство кое е составено од двајца возрасни и две деца се смета за сиромашно доколку имаат приход помал од 23.834 долари годишно.
Стапката на сиромаштија за семејства исто така е во благ пад и изнесува 11,2 отсто, односно 9,2 милиони семејства.
Бројот на деца кои живеат под прагот на сиромаштијата падна за прв пат по 14 години на 14,7 милиони (19,9 отсто), додека минатата година тој број изнесувал 16,1 милион или 21,8 отсто.
Без здравстеното осигурување, во 2013 година немале 42 милиони лица или 13,4 отсто. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Градоначалникот на Чилпасинго убиен шест дена по преземањето на функцијата во Мексико
Алехандро Аркос, градоначалникот на Чилпансинго, главниот град на мексиканската држава Гереро, е убиен во неделата, помалку од една недела по преземањето на функцијата, потврди гувернерот на државата.
Аркос е убиен само шест дена откако станал градоначалник на Чилпанцинго во југозападно Мексико, град со околу 280.000 жители, пренесува Ројтерс.
„Поради неговото убиство, целата заедница на државата Гереро тагува и не исполнува со гнев“, рече гувернерката на таа држава Евелин Салгадо во изјавата споделена на социјалните мрежи.
Свет
Западноафриканските земји најавуваат подобра жетва, но какаото и чоколадото нема да поевтинат
Клучните производители на какао во Западна Африка, Гана и Брегот на Слоновата Коска најавуваат дека бербата на плодовите од какаото ќе биде поуспешна од претходните сезони, но дека е извесно дека тоа нема да ја намали цената на чоколадото на светските берзи.
Временските услови се подобри, а локалните производители добија пестициди за контрола на какао болестите и очекуваат приносите да бидат значително повисоки од минатата година, пренесува Блумберг.
Бербата започнува веќе во октомври.
Свет
Тони Блер: Бомбардирањето на НАТО беше правилно, стојам со народот на Косово
Поранешниот премиер на Велика Британија, Тони Блер, во Приштина истакна дека „интервенцијата на НАТО пред 25 години била вистинската работа“ и дека „застанува со граѓаните на Косово“.
„Да се биде овде, буди длабоки емоции. Му честитам на народот на Косово за храброста и непоколебливата решителност да ја искористат за ослободување на земјата. Тогаш се уверив дека тоа е вистинската работа и денеска стојам со народот на Косово со убедување“, рече Блер на заедничката конференција со претседатката на Косово, Вјоса Османи.
Блер додаде дека очекува Косово во иднина да стане дел од Европската Унија.
„Овде се случуваат многу позитивни работи, кои се добри за целиот свет. Едвај го чекам денот кога Косово ќе го заземе своето место во европското семејство“, изјави Блер.