Свет
Приходите на Американците повторно намалени, исклучок најбогатите
Приходите на повеќето Американци повторно се намалија о минатата година, со исклучок на 20 отсто од најбогатите, покажуваат податоците на владата во Вашингтон.
Просечниот бруто приход е намален во 12-месечниот период до крајот на јуни минатата година за 0,9 отсто и изнесувал 64.432 долари, извести американското министерство за труд.
Во групата 20 отсто граѓани со највисоки примања, просечниот приход забележа раст од 0,9 отсто, на 166.048 долари. Сите други групи бележат пад на приходите, меѓу кои најголем пад имала групата на 20 отсто граѓаните со најниски примања, со пад од 3,5 отсто.
Приходите бележат намалување и покрај забрзување на економскиот раст и креирање на над 200.000 работни места месечно во минатата година.
Додека приходите на поголем дел од граѓаните забележале намалување, личната потрошувачка, на која отпаѓа две третини од американските активности порасна во просек за 1,0 отсто./крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Градоначалникот на Чилпасинго убиен шест дена по преземањето на функцијата во Мексико
Алехандро Аркос, градоначалникот на Чилпансинго, главниот град на мексиканската држава Гереро, е убиен во неделата, помалку од една недела по преземањето на функцијата, потврди гувернерот на државата.
Аркос е убиен само шест дена откако станал градоначалник на Чилпанцинго во југозападно Мексико, град со околу 280.000 жители, пренесува Ројтерс.
„Поради неговото убиство, целата заедница на државата Гереро тагува и не исполнува со гнев“, рече гувернерката на таа држава Евелин Салгадо во изјавата споделена на социјалните мрежи.
Свет
Западноафриканските земји најавуваат подобра жетва, но какаото и чоколадото нема да поевтинат
Клучните производители на какао во Западна Африка, Гана и Брегот на Слоновата Коска најавуваат дека бербата на плодовите од какаото ќе биде поуспешна од претходните сезони, но дека е извесно дека тоа нема да ја намали цената на чоколадото на светските берзи.
Временските услови се подобри, а локалните производители добија пестициди за контрола на какао болестите и очекуваат приносите да бидат значително повисоки од минатата година, пренесува Блумберг.
Бербата започнува веќе во октомври.
Свет
Тони Блер: Бомбардирањето на НАТО беше правилно, стојам со народот на Косово
Поранешниот премиер на Велика Британија, Тони Блер, во Приштина истакна дека „интервенцијата на НАТО пред 25 години била вистинската работа“ и дека „застанува со граѓаните на Косово“.
„Да се биде овде, буди длабоки емоции. Му честитам на народот на Косово за храброста и непоколебливата решителност да ја искористат за ослободување на земјата. Тогаш се уверив дека тоа е вистинската работа и денеска стојам со народот на Косово со убедување“, рече Блер на заедничката конференција со претседатката на Косово, Вјоса Османи.
Блер додаде дека очекува Косово во иднина да стане дел од Европската Унија.
„Овде се случуваат многу позитивни работи, кои се добри за целиот свет. Едвај го чекам денот кога Косово ќе го заземе своето место во европското семејство“, изјави Блер.