Свет
Растот на кинеската економија благо забрзал на 7,5 отсто
Кинеската економија пораснала во вториот квартал од 2014 година за 7,5 отсто на годишно ниво, малку над очекувањата на аналитичарите кои се движеа околу вредноста од 7,4 проценти, што укажува дека поттикнувачката политика на владата во Пекинг, дават резултати, но и дека се неопходни дополнителни мерки за да се достигне целениот раст во 2014 година.
Растот на бруто домашниот производ (БДП) набрзо во однос на првиот квартал, кога го изнеле 7,4 отсто, што претставуваше најбавен раст на ова второ по големина светска економија во последните 13 година. Слабиот раст во првото тримесечје беше последица на недоволно силната домашна побарувачка, како и слабоста на надворешната. Поради тоа кинеските власти воведоа низа помали, но насочени мерки за заживување на економијата, што делумно даде резултати. „Заздравувањето е многу зависно од владината поддршка. Оттаму, властите можат да одлучат или да го толерираат бавен раст, или да преземат нови мерки за да ги постигнат посакуваните стапки на раст“, Чанг Џиан, аналитичар во банката „Barclays“.Кинескиот премиер Ли Кечианг изјави неодамна дека владата цели кон раст на економијата во оваа година од минимални 7,5 отсто. Поради тоа, неодамна кинеските монетарни власти ја намалија стапката за издвојување на задолжителни резерви на банките, што го поттикна кредитирањето. Владата, пак, им наложи на локалните власти да ги забрзаат подготовките за проектот и потрошувачката на инфраструктурните проекти. „Благодарејќи на поддршката на власта, дојде до краткорочна стабилизација на економијата. Следните месеци очекуваме дополнителни поттикнувачки мерки, можеби и намалување клучните каматни стапки. Меѓутоа, најголемиот ризик за забавување на растот на економијата претставува слабеење на пазарите на недвижнини“, изјави Ванг Џин, аналитичар во компанијата „Guotai Junan Securities“.На квартално ниво на кинескиот БДП пораснал во вториот квартал за 2 отсто,додека во првиот забележа раст од 1,5 отсто. Освен податоците за БДП-то, во вторникот утрото беше објавено во кинеската трговија на мало во јуни се зголемил за 12,4 отсто на годишно ниво, што е во согласност со очекувањето на аналитичарите. Растот на индустриското производство во јуни, пак, досегнал 9,2 отсто на годишно ниво, малку повеќе од очекуваните 9 отсто. Инвестициите во фиксниот капитал, коишто претставуваат главниот придвижувач на кинеската економија, пораснале во првото полугодие за 17,3 отсто во однос на истиот лански период, што е исто така во согласност од очекувањата на аналитичарите. /крај/мф/сн
Извор: Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Градоначалникот на Чилпасинго убиен шест дена по преземањето на функцијата во Мексико
Алехандро Аркос, градоначалникот на Чилпансинго, главниот град на мексиканската држава Гереро, е убиен во неделата, помалку од една недела по преземањето на функцијата, потврди гувернерот на државата.
Аркос е убиен само шест дена откако станал градоначалник на Чилпанцинго во југозападно Мексико, град со околу 280.000 жители, пренесува Ројтерс.
„Поради неговото убиство, целата заедница на државата Гереро тагува и не исполнува со гнев“, рече гувернерката на таа држава Евелин Салгадо во изјавата споделена на социјалните мрежи.
Свет
Западноафриканските земји најавуваат подобра жетва, но какаото и чоколадото нема да поевтинат
Клучните производители на какао во Западна Африка, Гана и Брегот на Слоновата Коска најавуваат дека бербата на плодовите од какаото ќе биде поуспешна од претходните сезони, но дека е извесно дека тоа нема да ја намали цената на чоколадото на светските берзи.
Временските услови се подобри, а локалните производители добија пестициди за контрола на какао болестите и очекуваат приносите да бидат значително повисоки од минатата година, пренесува Блумберг.
Бербата започнува веќе во октомври.
Свет
Тони Блер: Бомбардирањето на НАТО беше правилно, стојам со народот на Косово
Поранешниот премиер на Велика Британија, Тони Блер, во Приштина истакна дека „интервенцијата на НАТО пред 25 години била вистинската работа“ и дека „застанува со граѓаните на Косово“.
„Да се биде овде, буди длабоки емоции. Му честитам на народот на Косово за храброста и непоколебливата решителност да ја искористат за ослободување на земјата. Тогаш се уверив дека тоа е вистинската работа и денеска стојам со народот на Косово со убедување“, рече Блер на заедничката конференција со претседатката на Косово, Вјоса Османи.
Блер додаде дека очекува Косово во иднина да стане дел од Европската Унија.
„Овде се случуваат многу позитивни работи, кои се добри за целиот свет. Едвај го чекам денот кога Косово ќе го заземе своето место во европското семејство“, изјави Блер.