Свет
Русија тврди дека кризата со рубљата е завршена
Русија во четвртокот објави дека кризата со националната валута рубљата е завршена, но предупреди дека инфлацијата веројатно ќе проасне над 10 отсто.
Рубљата минатата недела потона на најниско ниво поради падот на цената на нафтата, која е темел на руската економија, и поради санкциите од Западот поради украинската криза, заради што руските компании речиси и неможат да позајмуваат пари од западните пазари.
Сепак, рубљата во меѓувреме поврати добар дел од вредноста по одлуката на надлежните институции да го сопрат падот и да ја намалат инфлацијата.
Меѓу донесените мерки се зголемувањето на каматната стапка од 10,5 на 17 отсто ограничување на извозот на житарици, како и мерките за контрола на капиталот.
„Клучната стапка е зголемена за да се стабилизира состојбата на пазарот на валути… Тој период, по наше мислење, помина. Рубљата сега е посилна“, изјави во четвртокот рускиот министер за финансии Антон Силуианов пред пратениците во горниот дом од парламентот.
Тој најави дека каматните стапки ќе бидат намалени доколку состојбата остане стабилна. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Градоначалникот на Чилпасинго убиен шест дена по преземањето на функцијата во Мексико
Алехандро Аркос, градоначалникот на Чилпансинго, главниот град на мексиканската држава Гереро, е убиен во неделата, помалку од една недела по преземањето на функцијата, потврди гувернерот на државата.
Аркос е убиен само шест дена откако станал градоначалник на Чилпанцинго во југозападно Мексико, град со околу 280.000 жители, пренесува Ројтерс.
„Поради неговото убиство, целата заедница на државата Гереро тагува и не исполнува со гнев“, рече гувернерката на таа држава Евелин Салгадо во изјавата споделена на социјалните мрежи.
Свет
Западноафриканските земји најавуваат подобра жетва, но какаото и чоколадото нема да поевтинат
Клучните производители на какао во Западна Африка, Гана и Брегот на Слоновата Коска најавуваат дека бербата на плодовите од какаото ќе биде поуспешна од претходните сезони, но дека е извесно дека тоа нема да ја намали цената на чоколадото на светските берзи.
Временските услови се подобри, а локалните производители добија пестициди за контрола на какао болестите и очекуваат приносите да бидат значително повисоки од минатата година, пренесува Блумберг.
Бербата започнува веќе во октомври.
Свет
Тони Блер: Бомбардирањето на НАТО беше правилно, стојам со народот на Косово
Поранешниот премиер на Велика Британија, Тони Блер, во Приштина истакна дека „интервенцијата на НАТО пред 25 години била вистинската работа“ и дека „застанува со граѓаните на Косово“.
„Да се биде овде, буди длабоки емоции. Му честитам на народот на Косово за храброста и непоколебливата решителност да ја искористат за ослободување на земјата. Тогаш се уверив дека тоа е вистинската работа и денеска стојам со народот на Косово со убедување“, рече Блер на заедничката конференција со претседатката на Косово, Вјоса Османи.
Блер додаде дека очекува Косово во иднина да стане дел од Европската Унија.
„Овде се случуваат многу позитивни работи, кои се добри за целиот свет. Едвај го чекам денот кога Косово ќе го заземе своето место во европското семејство“, изјави Блер.