Свет
Србија очекува поддршка од ЕУ за проектот за брза железница
Српскиот премиер Александар Вучиќ очекува поддршка од Европската унија (ЕУ) за реализација на проектот за брза железница од Белград до Будимпешта, пренесува Танјуг.
Во интервју за кинеското меѓународно радио, Вучиќ изјавил дека за проектот, кој би можел да се реализира во рамките на механизмот за соработката на Кина со земјите од централна и источна Европа, веќе разговарал и со романскиот премиер Виктор Понта.
Вучиќ истакнал дека Србија не очекува реакција од Европската унија (ЕУ) поради одржувањето на самитот на Кина и 16 земји од централна и источна Европа, кој кон средината на декември ќе биде одржан во Белград.
„Не гледам зошто сега тоа би било проблем, не очекувам реакција од ЕУ, очекувам нивна поддршка“, потенцирал Вучиќ.
Српскиот министер за надворешни работи Ивица Дачиќ во понеделникот упати покана и до македонскиот премиер Никола Груевски за учество на овој самит, а според минатонеделните најави на македонскиот министер за транспорт и врски Миле Јанакиески, се очекува и Македонија да биде дел од овој мега инфраструктурен проект./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Градоначалникот на Чилпасинго убиен шест дена по преземањето на функцијата во Мексико
Алехандро Аркос, градоначалникот на Чилпансинго, главниот град на мексиканската држава Гереро, е убиен во неделата, помалку од една недела по преземањето на функцијата, потврди гувернерот на државата.
Аркос е убиен само шест дена откако станал градоначалник на Чилпанцинго во југозападно Мексико, град со околу 280.000 жители, пренесува Ројтерс.
„Поради неговото убиство, целата заедница на државата Гереро тагува и не исполнува со гнев“, рече гувернерката на таа држава Евелин Салгадо во изјавата споделена на социјалните мрежи.
Свет
Западноафриканските земји најавуваат подобра жетва, но какаото и чоколадото нема да поевтинат
Клучните производители на какао во Западна Африка, Гана и Брегот на Слоновата Коска најавуваат дека бербата на плодовите од какаото ќе биде поуспешна од претходните сезони, но дека е извесно дека тоа нема да ја намали цената на чоколадото на светските берзи.
Временските услови се подобри, а локалните производители добија пестициди за контрола на какао болестите и очекуваат приносите да бидат значително повисоки од минатата година, пренесува Блумберг.
Бербата започнува веќе во октомври.
Свет
Тони Блер: Бомбардирањето на НАТО беше правилно, стојам со народот на Косово
Поранешниот премиер на Велика Британија, Тони Блер, во Приштина истакна дека „интервенцијата на НАТО пред 25 години била вистинската работа“ и дека „застанува со граѓаните на Косово“.
„Да се биде овде, буди длабоки емоции. Му честитам на народот на Косово за храброста и непоколебливата решителност да ја искористат за ослободување на земјата. Тогаш се уверив дека тоа е вистинската работа и денеска стојам со народот на Косово со убедување“, рече Блер на заедничката конференција со претседатката на Косово, Вјоса Османи.
Блер додаде дека очекува Косово во иднина да стане дел од Европската Унија.
„Овде се случуваат многу позитивни работи, кои се добри за целиот свет. Едвај го чекам денот кога Косово ќе го заземе своето место во европското семејство“, изјави Блер.