Свет
СТО ја намали прогнозата за растот на светската трговија годинава
Светската трговија ќе порасне во 2015 година само 2,8 отсто, послабо отколку што досега се очекуваше, а дополнително би можела да биде закочена во зголемувањето на клучните каматни стапки во САД, забавување на кинескиот раст бегалската криза, извести во средата Светската трговска организација (СТО – WTO).
Во април СТО за годинава прогнозираше раст на трговијата за 3,3 отсто, а новата прогноза подразбира дека трговијата петта година по ред ќе порасне помалку од 3 проценти, односно двојно помалку од годишниот просек во периодот од 1990 до 2008 година, односно пред почетокот на глобалната финансиска криза.
Годинешнава процена подразбира и забрзување на растот во однос на минатата 2014 година, кога размената беше зголемена за 2,5 отсто. Reuters притоа истакнува дека очекувањата на СТО во повеќе наврати се покажаа претерано оптимистички, имајќи ги предвид послабите надежи за заздравување на глобалната економија. Во СТО, исто така, предупредуваат на големите ризици кои би можеле да ги доведат во прашање нивните процени.
„Тие вклучуваат поостри од очекувањата забавувања во економиите во формирање и економиите во развој, можната дестабилизација на финансиските текови откако американската централна банка конечно ќе ги подигне клучните каматни стапки и непредвидените трошоци поврзани со миграциската криза во Европа“, се наведува во соопштението.
Поради забавувањето на кинеската економија, СТО веќе ја преполови прогнозата за растот на азискиот увоз во оваа година на 2,6 отсто. Значително во однос на априлската процена ја намалија прогнозата на извозот од 5,0 на 3,1 отсто.
Падот на кинеската побарувачка е меѓу главните причини за падот на светската трговија во првите два квартала годинава, во просек за 0,7 отсто на квартално ниво. Дополнително кочници биле и падот на побарувачката во Бразил, како и падот на цените на нафтата и другите стоки. На годишно ниво трговијата сепак пораснала, и тоа за 2,3 отсто.
За следната година СТО очекува забрзување на растот на светската трговија на 3,9 отсто, што значи сека сепак благо, за 0,1-процентени поен, ја намалиле прогнозата од април.
Новата прогноза се темели на очекувањата за закрепнување на растот на азискиот увоз на 4,3 отсто во 2016 година, како и очекуваниот 5,7-проценттен раст на увозот во Латинска Америка, по годинешниот проценет пад за 5,6 отсто. Прогнозите на СТО ги покриваат трговиите со стоки, но не и трговиите со услуги./крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Градоначалникот на Чилпасинго убиен шест дена по преземањето на функцијата во Мексико
Алехандро Аркос, градоначалникот на Чилпансинго, главниот град на мексиканската држава Гереро, е убиен во неделата, помалку од една недела по преземањето на функцијата, потврди гувернерот на државата.
Аркос е убиен само шест дена откако станал градоначалник на Чилпанцинго во југозападно Мексико, град со околу 280.000 жители, пренесува Ројтерс.
„Поради неговото убиство, целата заедница на државата Гереро тагува и не исполнува со гнев“, рече гувернерката на таа држава Евелин Салгадо во изјавата споделена на социјалните мрежи.
Свет
Западноафриканските земји најавуваат подобра жетва, но какаото и чоколадото нема да поевтинат
Клучните производители на какао во Западна Африка, Гана и Брегот на Слоновата Коска најавуваат дека бербата на плодовите од какаото ќе биде поуспешна од претходните сезони, но дека е извесно дека тоа нема да ја намали цената на чоколадото на светските берзи.
Временските услови се подобри, а локалните производители добија пестициди за контрола на какао болестите и очекуваат приносите да бидат значително повисоки од минатата година, пренесува Блумберг.
Бербата започнува веќе во октомври.
Свет
Тони Блер: Бомбардирањето на НАТО беше правилно, стојам со народот на Косово
Поранешниот премиер на Велика Британија, Тони Блер, во Приштина истакна дека „интервенцијата на НАТО пред 25 години била вистинската работа“ и дека „застанува со граѓаните на Косово“.
„Да се биде овде, буди длабоки емоции. Му честитам на народот на Косово за храброста и непоколебливата решителност да ја искористат за ослободување на земјата. Тогаш се уверив дека тоа е вистинската работа и денеска стојам со народот на Косово со убедување“, рече Блер на заедничката конференција со претседатката на Косово, Вјоса Османи.
Блер додаде дека очекува Косово во иднина да стане дел од Европската Унија.
„Овде се случуваат многу позитивни работи, кои се добри за целиот свет. Едвај го чекам денот кога Косово ќе го заземе своето место во европското семејство“, изјави Блер.