Свет
Светските компании започнаа со големи инвестиции во Русија

Големите компании како Шведската Ikea Group, француската Leroy Merlin SA и останатизапочнаа со вложување на големи инвестиции во нови фабрики и стоковни куќи во Русија, со надеж дека руските потрошувачи ќе се разбудат од хибернација по двете години поминати во рецесија, пренесуваат светските агенции.
Ikea планира да вложи 1,6 милијарди долари во стоковни куќи во наредните пет години. Leroy Merlin SA во септември објави план од две милијарди долари за зголемување на своите продавници во Русија во наредните неколку години. Pfizer Inc веќе гради нова фабрика, додека Mars Inc. ја разгледува опцијата да отвори фабрика за храна за домашни миленици.
Русија останува трет најголем пазар по САД и Мексико за производите на PepsiCo Inc., која најави изградба на фабрика за бебешка храна во јужната област на Русија во вредност од 40 милиони долари. Ikea оваа есен отвори фабрика за мебел во близина на Санкт Петерзбург вредна 60 милиони долари и купи парцели за нов трговски центар.Производителот планира да го зголеми своето производство на 80 отсто во Русија во следниве години и веќе започна со извезување на руски кревети на пазарите во Кина и останат мебел во Европа.
Странските директни инвестиции изнесувале 8,3 милијарди долари во првите девет месеци, 5,9 милијарди повеќе од минатата 2015 година,кога на сила беа санкциите на Европската Унија. Сепак најголем проблем за инвеститорите е корупцијата и локалната бирократијата во Русија, коментираат медиумите./крај/мф/вп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
Скок на берзите по објавата на Трамп за стопирање на царините

Берзите силно растат по објавата на претседателот на САД, Доналд Трамп, за стопирање на царините.
Брз поглед на тоа како некои клучни индекси на Волстрит пораснале:
Dow Jones порасна за 5,76 отсто
S&P 500 порасна за 6,46 отсто
Nasdaq порасна за 8,04 отсто
Од вчерашното затворање на пазарот, омпаниите од S&P 500 изгубија пазарна вредност од 5,8 трилиони долари од објавувањето на тарифите на Трамп минатата среда. Тоа е најдлабоката загуба од четири дена од основањето на индексот во 1950-тите, според податоците на „ЛСЕГ“.
Економија
Германија тврди дека трговската војна би била штетна и за САД

Италијанската премиерка, Џорџа Мелони, предупреди на опасностите од трговската војна со Соединетите Американски Држави, а сега слично предупредување доаѓа и од Германија.
Германија, најголемата европска економија и трета по големина во светот според податоците на Светската банка, предупредува дека реципрочните тарифи ќе бидат штетни за сите инволвирани страни пред објавувањето на новите царини подоцна денеска од страна на Трамп.
„Трошоците за трговска војна не паѓаат само на едната страна, туку може да станат скапи за двете страни“, рече владиниот портпарол Штефен Хебестрајт.
Тој додаде дека Берлин е „подготвен да преговара на европско ниво со Соединетите Американски Држави“ за да не биде вовлечен во трговска војна.
Германската економија е многу зависна од извозот, особено од возилата и автоделовите. Според податоците на германската влада, минатата година биле извезени приближно 3,4 милиони нови автомобили, од кои околу 13 проценти биле увезени во САД.
Свет
Во Сирија се случува масакр, над 1.000 лица се убиени за 48 часа

Повеќе од 1.000 луѓе, меѓу кои 745 цивили, се убиени во дводневните судири меѓу сириските безбедносни сили и борците лојални на соборениот режим на Башар ал Асад, соопшти Сириската опсерваторија за човекови права.
Според оваа британска организација, во борбите загинале 125 припадници на безбедносните сили и 148 лица лојални на Асад, додека различни проценки укажуваат дека бројот на жртвите може да биде поголем.
Се споменува дека во петокот и саботата биле извршени околу 30 масакри врз алавитите, верската малцинска заедница од која потекнува Асад.
Судирите избија во четвртокот кога борците лојални на соборениот режим на Асад ги нападнаа безбедносните сили во Џаблех, град во крајбрежната провинција Латакија.
Оваа широко координирана офанзива беше најголемиот предизвик за новите сириски власти, кои дојдоа на власт пред три месеци кога опозицијата, предводена од исламистичката група Хајат Тахрир ал-Шам, го собори Асад.
За да го задуши бунтот, сириската влада повика засилување, предизвикувајќи илјадници борци да пристигнат на брегот од сите делови на земјата. Иако официјално е под контрола на новата влада, многу милиции останаа недисциплинирани и обвинети за злосторства во минатото.
Сириската влада призна дека се случиле масовни убиства, но тврди дека „индивидуалните акции“ предизвикале смрт на цивили и дека доаѓањето на голем број борци во крајбрежниот регион довело до кршење на човековите права.
Според Сириската мрежа за човекови права, повеќе од 40 луѓе биле убиени одеднаш во градот Ал Мухтарија, додека на снимката се гледа како борци во безбедносни униформи убиваат луѓе од непосредна близина, принудувајќи ги затворениците да лаат како кучиња и брутално да ги тепаат. Автентичноста на снимката не е независно потврдена.
Латакија, регион со големо население алавити, сектата од која дојде соборениот претседател Асад, стана сцена на убиства од одмазда. Иако повеќето алавити не беа поврзани со режимот на Асад, новата влада вети дека нема да има репресалии против оваа малцинска заедница.
Но, убиствата на стотици алавити во последните денови предизвикаа бран страв меѓу членовите на религиозната група. Жител на градот Снобар во Латакија опиша како вооружени напаѓачи убиле најмалку 14 негови соседи од семејството Арис, меѓу кои и 75-годишен татко и неговите три сина, егзекутирани пред очите на нивната мајка.
„Откако ги убиле таткото и синовите, ѝ рекле на мајката да го извади златото или ќе ја убијат и неа“, рекол мажот кој побарал анонимност од безбедносни причини.
Друг жител на Латакија рече дека нема струја и вода повеќе од 24 часа и дека луѓето се плашат да ги напуштат своите домови поради милитантите кои ги убиваат сите на патот.
„Тела се расфрлани по улиците. Ова е колективна казна“, вели тој.
Претставникот на ОН за Сирија Геир Педерсен повика на заштита на цивилите, додека Франција го осуди насилството врз цивилите „поради нивната религија“.
Француското Министерство за надворешни работи ги повика сириските власти да обезбедат независна истрага за масакрите и да ги казнат одговорните.
Групите за човекови права предупредија дека вистинската посветеност на транзициската правда и инклузивната влада е клучна за да се спречи Сирија да се врати во насилство.
Новата сириска влада се очекува овој месец да го објави составот на новиот кабинет, кој ќе биде внимателно проверен за да се утврди дали ја одразува верската и етничката разновидност на земјата, особено по овој бран насилство.
Сирискиот лидер Ахмед ал-Шара повика на мир и национално единство по повеќедневните судири меѓу безбедносните сили и лојалистите на поранешната влада во кои загинаа повеќе од 1.000 луѓе, повеќето од нив цивили.
„Мораме да го зачуваме националното единство и граѓанскиот мир колку што е можно повеќе и, ако даде Бог, ќе можеме да живееме заедно во оваа земја“, рече Шара во говор одржан од џамија во Дамаск.