Свет
Трговскиот договор ЕУ-САД можеби нема да биде склучен годинава
Сеопфатниот трговски план помеѓу ЕУ и САД можеби нема да биде заклучен до крајот на годината, предупреди во средата висок европски функционер, наведувајќи дека останале одредени несогласувања.
„Не можеме да ја исклучиме можноста дека ќе ни треба повеќе време“, рече латвискиот министер за надворешни работи Едгарс Ринкевичс, чија држава претседава со ЕУ.
„Постои воља, но можеби ќе ни треба многу време. Ова не е договор само заради договор“, рече Ринкевичс по состанокот на министртите за трговија во Рига. „Договорот мора да биде добар“, истакна.
Преговорите за Трансаталнтското трговски и инвестициско партнерство (ТТИП) започнаа во јули 2013 година, но се одвиваат побавно од очекуваното.
Поддржувачите велат дека ТТИП значително ќе го зголеми економскиот раст и отворањето на нови работни места, а критичарите стравуваат дека тоа ќе ја намали заштитата на потрошувачите и ќе им овозможи на компаниите да ги блокираат законите кои не им одат на рака.
Челниците на ЕУ сакаа преговорите за договорот да завршат до крајот на 2015 година, бидејќи стравуваат дека процесот ќе биде забавен поради америакнските претседателски избори во 2016 година.
„Цел ни е да го заклучиме договорот со администрацијата на Обама. Но, треба да биде добар, е не брз договор“, рече еврокоемсарката за трговија, Сесилија Малмстром. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Градоначалникот на Чилпасинго убиен шест дена по преземањето на функцијата во Мексико
Алехандро Аркос, градоначалникот на Чилпансинго, главниот град на мексиканската држава Гереро, е убиен во неделата, помалку од една недела по преземањето на функцијата, потврди гувернерот на државата.
Аркос е убиен само шест дена откако станал градоначалник на Чилпанцинго во југозападно Мексико, град со околу 280.000 жители, пренесува Ројтерс.
„Поради неговото убиство, целата заедница на државата Гереро тагува и не исполнува со гнев“, рече гувернерката на таа држава Евелин Салгадо во изјавата споделена на социјалните мрежи.
Свет
Западноафриканските земји најавуваат подобра жетва, но какаото и чоколадото нема да поевтинат
Клучните производители на какао во Западна Африка, Гана и Брегот на Слоновата Коска најавуваат дека бербата на плодовите од какаото ќе биде поуспешна од претходните сезони, но дека е извесно дека тоа нема да ја намали цената на чоколадото на светските берзи.
Временските услови се подобри, а локалните производители добија пестициди за контрола на какао болестите и очекуваат приносите да бидат значително повисоки од минатата година, пренесува Блумберг.
Бербата започнува веќе во октомври.
Свет
Тони Блер: Бомбардирањето на НАТО беше правилно, стојам со народот на Косово
Поранешниот премиер на Велика Британија, Тони Блер, во Приштина истакна дека „интервенцијата на НАТО пред 25 години била вистинската работа“ и дека „застанува со граѓаните на Косово“.
„Да се биде овде, буди длабоки емоции. Му честитам на народот на Косово за храброста и непоколебливата решителност да ја искористат за ослободување на земјата. Тогаш се уверив дека тоа е вистинската работа и денеска стојам со народот на Косово со убедување“, рече Блер на заедничката конференција со претседатката на Косово, Вјоса Османи.
Блер додаде дека очекува Косово во иднина да стане дел од Европската Унија.
„Овде се случуваат многу позитивни работи, кои се добри за целиот свет. Едвај го чекам денот кога Косово ќе го заземе своето место во европското семејство“, изјави Блер.