Американската актерка од колумбиско потекло Софија Вергара, ѕвездата на хумористична телевизиска серија „Модерни времиња“, според податоците на списанието Forbes, петти пат по ред е најплатената телевизиска актерка во светот.

Минатата година 44-годишната Софија Варгара, според податоците на Forbes, заработила 43 милиони долари. Освен со улогата во популарната хумористична серија „Модерни времиња“, таа заработува и од бројните рекламни кампањи, а една од тие е и големиот договор со „Head&Shoulders“. Колумбиската актерка ја поседува и агенцијата „Latin World Entertainment“ која открива нови агенти и таленти.

На листата ја следи колешката 30-годишната Кејли Квоко, која го толкува ликот Пени од серијата „Теоријата на големиот тресок“ која заработила 24,5 милиони долари, а тоа е речиси двојно помалку отколку заработката на Вергара. И таа покрај од улогата којашто ја прослави, заработува и од дополнителните снимања на реклами.

Главната актерка од хумористичната серија „The Mindy Project“, 37-годишната Минди Калинг минатата година заработила 15 милиони долари, и се искачи од осмото на третото место.

Елен Помпео од „Вовед во анатомија“ и Маришка Харгитеј од „Закон и ред“ го делат четвртото место со 1ѝ4,5 милиони долари годишна заработка, а Кери Вашингтон од „Скандал“ е на петтото место со заработени 13,5 милиони долари, а следат Канаѓанката Стана Катик, од серијата „Касл“ с 12 милиони долари заработка.

Меѓу првите десет најдобро платени телевизиски актерки во светот првпат влезе холивудската ѕвезда Пријанка Чопра којашто во криминалистичката серија „Квантико“ глуми сојузна агентка. Таа на листата на Forbes е на осмото место со 11 милиони долари заработени минатата година.

Џулиана Маргулис, ѕвездата на драмската серија „Добра жена“ е на деветтото место со 10,5 милини долари, а Џули Боуен којашто со Вергара игра во „Модерно семејство“ е на десеттото место со 10 милиони долари заработка годишно.

„Петнаесетте најдобри платени телевизиски ѕвезди во периодот од јуни 2015 до јуни 2016 година, заработиле заедно 108,5 милиони долари, што е за 43,5 милиони долари повеќе отколку претходните години“, забележува Forbes.Листата на најдоброплатените машки телевизиски ѕвезди во светот списанието ќе ја објави следната седмица./крај/мф/сн

Извор: Forbes