Контакт

Featured

(Видео) Груевски: Ретко се гледам со Мицкоски

Објавено пред

Експремиерот Никола Груевски по судското рочиште за предметот на СЈО, „Насилство во Центар“, на новинарско прашање одговори дека со новиот лидер на ВМРО-ДПМНЕ, Христијан Мицкоски, ретко се гледа и дека тој самостојно ја води партијата.

„Тоа е ново раководство, си имаат свои приоритети. На почетокот се на својот мандат и треба да им се остави време за да се докажат со работењето, да ги покажат своите идеи“, изјави Груевски пред судот.

Featured

Заев: Во борбата на нотарите и адвокатите за подобра заработка забораваат дека сите им служиме на граѓаните

Објавено пред

Премиерот Зоран Заев, одговарајќи на новинарско прашање дали ќе го повлече најавениот предлог-закон за нотаријат бидејќи адвокатите бараа повлекување или најавија штрајк, тој одговори дека правото на штрајк на адвокатите не им бега.

„Ред е првин да разговараме, а по тоа, правото на штрајк не им бега. Јас денеска закажав состанок со министерот за правда и заменик-министерот за правда, мојот советник за правни работи, но и претседателот на Комората за нотаријат на нотарите, претседателот на Комората на адвокатите и претставникот на Стопанската комора, која работи на оваа проблематика. Верувам дека денеска ќе најдеме решение што ќе биде прифатливо за двете страни, а во функција на закон што, пред сè, ќе им служи на граѓаните. Во борбата кој ќе добие повеќе можности да заработи се забораваат дека сите им служиме на граѓаните преку пренесени овластувања, пред сè, нотарите, но секако и адвокатите. Наша конечна цел како Влада е да ги намалиме трошоците на граѓаните во која било постапка“, рече премиерот.

Тој се надева дека ќе имаат разбирање од претставниците на двете комори и на Стопанската комора на Македонија да изнајдеме правично решение и секој да добие фер шанса во согласност со Уставот и законите да заработува од Република Македонија, но и граѓаните да добијат пониски сметки при нивните правно-формални постапки што ги водат пред институциите.

„Законот, секако, ќе претрпи промени. Тоа што можам од почеток да го кажам е дека во еден дел сигурно се во право адвокатите, а во друг дел сигурно се во право и нотарите. Верувам дека има и меѓународни пракси, ние не го измисливме ова, ќе ги примениме сите меѓународно добри, признати примери и она што е пракса во Република Македонија, сослушувајќи ги аргументите на двете страни, на крајот да се донесе правично законско решение за заинтересираните страни. Но, како што реков, во функција на интересите на граѓаните на Република Македонија“, рече Заев.

 

Прикажи повеќе...

Featured

За оштетeна џамија во Арачиново од воениот конфликт, државата треба да плати 152 илјади евра отштета

Објавено пред

Врховниот суд одлучи: Р. Македонија на Исламската верска заедница треба да ѝ плати отштета од 9.349.220 денари или приближно 152 илјади евра за оштетената џамија во Арачиново за време на конфликтот во 2001 година. Судискиот совет на Врховниот суд го одби барањето на Р. Македонија за ревизија на постапката за надомест на штета, во кој странка е ИВЗ. Државата треба да плати и 9.300 евра за судски трошоци за водењето на постапката. Отштетата треба да се уплати за оштетената дрвена граѓа набавена за изградба на новата џамија.

Според образложението на Врховниот суд, на територијата на село Арачаиново, во временскиот период од 22.6.2001 до 24.6.2001 година, имало воени дејства што се состоеле од пукање од авиони, тенкови и гранатирање (масовно по 10.000 гранати дневно). Од воените дејства оштетени биле џамиите во село Арачиново, и тоа долна или стара џамија, горна џамија и новата џамија, со тоа што новата џамија, која била во фаза на изградба, била опожарена,
односно запалена од гранатирањето и со тоа била целосно оштетена.

Бидејќи новата џамија за време на воените дејства била во фаза на изградба, за неа не постоел степен на амортизација. Со вештачење било констатирано дека објектот нова џамија е современ верски објект, кој сè уште е во градба, а на денот на увидот објектот бил изведен само во конструкција, односно биле изградени армирано-бетонски темели, столбови, греди, плочи, скали, куполи и друго. При увидот на вештите лица на самото место биле
забележани оштетувања на бетонските конструкциски елементи и арматурата за што бил изготвен табеларен преглед доставен со вештачењето за поправка на фасадата на џамијата, поправка на покривната конструкција на џамијата, поправка на внатрешните оштетувања на приземјето и галеријата, како и за електроинсталациите.

Врховниот суд констатира дека пониските судови правилно го примениле материјалното право кога го усвоиле тужбеното барање на тужителот. Имајќи ја предвид содржината на законската одредба од членот 166 став 1 од Законот за облигационите односи, како и неоспорно утврдениот факт дека штетата настанала како резултат на акти на насилство – воени дејства, правилно заклучиле пониските судови дека постои одговорност на државата, без утврдување вина во согласност со правилата за објективна одговорност за надомест на штета, навеле судиите во образложението.

 

Прикажи повеќе...

Featured

По налог на Грујевски, осудената во „Таргет-Тврдина“, ги бришела трагите  од прислушувањето

Објавено пред

Осудената во предметот на СЈО „Таргет-Тврдина“, Е. Џ.,  по налог на бегалецот, Горан Грујевски, три и пол часа во УБК ги бришела трагите од прислушувањето. Ова го пишува во пресудата на кривичниот суд за спогодбата на осудената со специјалното јавно обвинителство до која дојде „Макфакс“, користејќи го правто на слободен пристап до информации од јавен караткер.

На 28 јануари 2016 година, E. Џ. како началник на „Единицата за телекомуникации“ при „Одделот за оперативно-техничка поддршка“ при УБК, познат како петта управа, им помогнала на обвинетиот Горан Грујевски и уште на неколку други лица и ги прикрила елктронските траги од незаконското прислушување. Според пресудата, Е. Џ. ги архивирала податоците од три интермедијациски LI IMS сервери, кои се во сопственост на телекомуникациските оператори, сместени во УБК: Eден сервер на T-Mobile, еден на One, и еден сервер на ВИП. На овие системи се наоѓале електронските траги и податоци за телефонските броеви кои биле предмет на следење на комуникациите. „Податоците од регистарот на активности ги отстранила од северите и ги експортирала во соодветна датотека на систмот, а датотеката ја отстранила од системот на надворешен мемориски уред, со што ги прикрила трагите од кривичното дело“, пишува во пресудата на кривичниот суд.

Истиот ден, таа го повикала обвластеното лице од „Ериксон“, кое подоцна било сведок во постапката. Лицето било задолжено да ги сервисира серверите, а сега осудената го прашувала технички прашања за архивирањето податоци. „Побарала да ѝ биде демонстрирана постапката за архивирање, под изговор дека УБК треба да ги архивира податоците, иако во тој момент, таква потреба не постоела“, напишале судијките Ленка Давиткова и Татјана Михајлова во образложението на пресудата.

Сега осудената преку корисничкото име ImsAdmin им пристапила на серверите и ги отстранила податоците од регистарот на активности. „Откако увидела дека се отстранети податоците од LI IMS серверите, со што се прикриваат електронските траги за да не бидат откриени сторителите и стореното кривично дело поврзано со незаконското следење на комуникациите, во 20:51:12 часот ја напуштила зградата“, пишува во пресудата.

Еден од обвинетите во „Тврдина-Таргет“

Осудената доби условна казна во траење од 6 месеци која нема да се изврши доколку во следните 2 години по правосилноста на пресудата не стори нови кривично дело. Судот ја осуди за „Помагање во извршување на кривичното дело“. Таа, отако СЈО поднесе обвинение, самата се јавила во обвинителството и дала исказ со која признала вина. Обвинителите од СЈО Ленче Ристоска, Артан Ајро и Трајче Пеливанов за неа побарале алтернативна мерка, поради, како што посочиле големиот број олеснителни околности кои биле на страна, на тогашната обвиинета. Осудената се покајала за стореното и изјавила дека била присилена од нејзините претпоставени и веднаш по поднесувањето на обвинението, доброволно побарала отказ од МВР, за да не потсетувала во средината, каде што работела.

Истрагата за предметот „Тврдина“ беше отворена на 29 март 2016 година, а за предметот „Таргет“ на 17 ноември 2016 година. Поради нивната поврзаност се споени во еден предмет. Според обвинението, подигнато на 30 јуни 2017 година, преку три системи за следење на комуникациите во УБК, во периодот од 2008 до 2015 година незаконски биле следени 4.286 телефонски броеви за кои воопшто не биле издадени судски наредби. Комуникацијата била следена пред да бидат издадени и по завршување на траењето на важноста на судските наредби на 1.541 број или вкупно 5.827 телефонски броеви. Прислушувани биле над 20 илјади граѓани.

Судењето за предметот „Таргет-Тврдина“ е најавено дека ќе се одржи на 27 март, но поради фактот што Врховниот суд во Атина, по третпат ја одложи седницата за одлуката по жалбата за нивната екстрадиција за 26 април, најверојатно и ова рочиште ќе биде одложено.

Во „Таргет-Тврдина“обвинети се поранешниот началник на петтата управа во МВР, Горан Грујевски, неговиот колега, Никола Бошкоски, поранешната министерка за внатрешни работи Гордана Јанкулоска и поранешниот директор на УБК Сашо Мијалков, како и поранешниот шеф на неговиот кабинет, Тони Јакимовски.

В. Маглешов

Прикажи повеќе...

Најново

Крвав четврток6 часа

Притвор за Јанакиески и Ристовски, за Груевски нова екстрадиција

Судијата на претходна постапка по барање на Јавното обвинителство им одреди мрека пртивор од 30 дена на поранешните министри Миле...

Македонија8 часа

(Видео) Мицкоски: „Апси Заев, можеш да нарачуваш и убиства, но нема да ти се исплашиме“

По информациите за вечерашното приведување на тројцата функционери на ВМРО-ДПМНЕ – Трајко Вељаноски, Спиро Ристовски и Миле Јанакиески, вечерва прес-конференција...

Крвав четврток8 часа

Русковска: Бараме притвор за Јанакиески и Ристовски поради опасност од бегство

Шефицата на Обвинителството за организиран криминал при ЈО, Вилма Русковска, изјави дека распитот на осомничените ексфункционери од ВМРО-ДПМНЕ, Спиро Ристовски...

Крвав четврток10 часа

Вељаноски: Не чувствувам вина за упадот во Собранието

Поранешниот претседател на парламентот, Трајко Вељаноски, штотуку излезе од Основниот суд Скопје 1, каде што беше повикан на распит за...

Македонија11 час

Трамп со писмо до Заев: Ви честитам за лидерството, обезбедивте просперитетна иднина за Северна Македонија

Премиерот Зоран Заев денеска прими писмо од американскиот претседател, Доналд Трамп, во кое тој нагласува дека Северна Македонија е голем...

Македонија12 часа

Зелената градина на ГТЦ му се наметнува исто како и барокот, архитектите разочарани

Зелената градина за покривот на Градскиот трговски центар ги разочара архитектите како стручна јавност, а незадоволни се и скопјани, кои...

Македонија13 часа

Половина милион евра исплатени лани за патни трошоци на пратениците

Над 525 илјади евра биле исплатени за патни трошоци на пратениците во Собранието минатата година, покажува анализата на „Макфакс“ од...

Македонија14 часа

Заев потврди, Села му се налутил поради одземените ингеренции на Таравари

Зоран Заев одговарајќи на новинарски прашања потврди дека Зијадин Села не дошол на денешната средба за консензуален претседателски кандидат поради...

Македонија15 часа

Бектеши не чувствува морална одговорност за вработувањето на сестра му во МЕПСО

Министерот за економија, Крешник Бектеши, изјави дека не чувствува морална одговорност за вработувањето на неговата сестра во МЕПСО. Тој вели...

Топ15 часа

Села му се налути на Заев, не доаѓа на средба

Лидерот на Алијансата за Албанците, Зијадин Села, одби да присуствува на закажаната средба со премиерот Зоран Заев, на која требаше...

Македонија16 часа

Ниту еден родител не е казнет за невакцинирано дете од почетокот на епидемијата на морбили

Ниту еден родител не е казнет за невакцинирано дете од почетокот на епидемијата на морбили иако пред два месеца само...

Топ16 часа

Дедото на Кирацовски ќе се повлече од работното место

Таткото на сопругата на пратеникот Александар Кирацовски, Борис Поповски, ќе се повлече од работното место, објави на „Фејсбук“ Кирацовски. Тој...

Македонија17 часа

Заев и Димитров нема да одговараат за велепредавство

Скопското обвинитeлство ја отфрли кривичната пријава на Светскиот македонски конгрес поднесена против премиерот Зоран Заев и министерот за надворешни работи,...

Македонија18 часа

Сопругата на директорот на ЕЛЕМ вработена како шефица на кабинет во Централен регистар

Александра Миновска, сопруга на директорот на ЕЛЕМ, Драган Миновски, од октомври минатата година е вработена како шефица на кабинет кај...

Македонија19 часа

Две бомби од Првата светска војна пронајдени во Битола

Вчера на булеварот 1 Мај во Битола, во близина на местото викано Црн Мост при изведување на градежни работи при...

Регион19 часа

Непознат маж му се заканувал на Мицотакис со бомба

Лидерот на опозициската Нова демократија во Грција, Киријакос Мицотакис, пријавил синоќа закана со бомба која ја добил додека сè уште...

Македонија19 часа

Бугарија го ратификуваше протоколот за НАТО

Со 140 гласа „за“, бугарскиот парламент го ратификуваше протоколот за пристапување на Северна Македонија во НАТО, објави бугарската новинска агенција...

Македонија20 часа

Синот на пратеникот Мисовски: Поднесов оставка поради хистеријата, се надевам јавноста ќе здивне

Откако Кристијан Мисовски, син на пратеникот Горан Мисовски, пред четири дена се повлече од работното место во Агенцијата за супервизија...

Свет20 часа

Ердоган: Турција не ќе може сама да се справи со нов бегалски бран од Сирија

Турскиот претседател, Реџеп Тајип Ердоган, изјави дека неговата земја нема да може сама да се справи со уште еден бран...

Свет21 час

Најмалку четворица повредени откако лавина зафати швајцарски скијачки центар

Четири лица беа повредени, од кои еден е во критична состојба, откако лавина ја погоди скијачката патека „Плен мор“ во...

Досие