Афера „Банки“
(Видео) Афера „Банки“ – Полицијата направила мапа како се поврзани осомничените
![](https://makfax.com.mk/wp-content/uploads/2018/10/Banki-uplatnici.png)
Некои од оштетените во аферата „Банки“ за кои обвинителствата и финансиската полиција водат активни истраги, велат дека лично се запознале дури откако сфатиле дека се измамени. „Макфакс“ дојде до документи кои полицијата пред неколку години ги добила од Управата за спречување перење пари. Во извештајот има анализа на сите спорни трансакции. Парите од заемите и кредитите кои се вртеле по сметките на познати македонски фирми.
Полицијата изготвила и мапа која покажува на кој начин роднински, капитално и управувачки се поврзани осомничените лица и банките. Осомничените не сакаа да коментираат јавно за случајот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Афера „Банки“
(Видео) Аферата „Банки“ заврши во СЈО
![](https://makfax.com.mk/wp-content/uploads/2018/12/banka-pari.jpg)
Инволвирани од бомбите може кривично да одговараат за аферата „Банки“. Oва следува откако финансиската полиција доставила дел од предметот во специјалното јавно обвинителство. Пет години редовното Обвинителство се мислеше што да прави со овој предмет.
Првата кривична пријава за компанијата „Кубус“ заглави во фиока. Сегашниот обвинител во СЈО, Трајче Пеливанов, првин заклучил дека нема криминал во дејстивјата од пријавата на МВР, па обвинителката Мимоза Илиќ од Вишото јавно обвинителство го поучила дека донел преуранета одлука и дека истрагата мора да ја продолжи. Потоа Пеливанов наредил вештачње.
Пријавувачите се убедени дека обвинителката Лидија Раичевиќ која ја забрза предистрагата, под влијание била сменета само за да не ја заврши предистражната постапка. Сега предметот го работи обвинителката Ивана Трајчева. Во кривичната пријава на над 100-ина страници стои Бирото за јавна безбедност, до Обвинителството пријавило перење пари, измама и злоупотреба на службената положба и овластување.
Претседателката на „Транспаренси Интернешанл Македонија“, Слаѓана Тасева смета дека државата не смее да молчи за аферата „Банки“, туку треба да го гони криминалот. Во одговорот кој Комерцијална банка го достави за аферата „Банки“ потенцираа дека секаде банката постапувала законски. Но, иако уште од самиот почеток побаравме интервју и конкретни одговори на прашањата, таков одговор не добивме. Директорот на Комерцијална банка, Хари Костов, во неофицијален телефонски разговор наодите на пријавувачите ги нарече глупости и конструкции и дека за секој денар има кредитно барање, договори и кредитна анализа.
Пријавувачите на аферата „Банки“ формирале здружение на граѓани наречено „Кордон“. Уверени се дека со предистрагата на финансиската полиција и СЈО правдата ќе излезе на виделина.
Афера „Банки“
(Видео) Одговор на Комерцијална банка за обвинувањата во аферата „Банки“
![](https://makfax.com.mk/wp-content/uploads/2018/12/Komercijalna-banka.jpg)
Од Комерцијална банка одговорија на обвинувањата на засегнатите сопственици на фирмите што ги изнесоа своите ставови во серијалот „Банки“. „Макфакс“ на почетокот од серијалот испрати конкретни прашања до Комерцијална банка и понуди простор за интервју, но од банката одлучија да не одговорат ниту на едното ниту на другото, туку да состават одговор кој интегрално ви го пренесуваме.
Афера „Банки“
(Видео) Банки свртеле 1 милион евра во еден ден преку сметката на бизнисменот Исиров
![](https://makfax.com.mk/wp-content/uploads/2018/12/48369214_275080373198314_3642932586918969344_n.jpg)
Бизнисменот и сопственик на фирмата за трговија „Еуротрејд“, Ефтим Исиров, на лист хартија се потпиша за да докаже дека со фалш потпис преку неговата сметка, „Комерцијална банка“ перела пари. Исиров за „Макфакс“ раскажа дека сè почнало на 13 февруари 2009 година кога тогашната „Инвест банка“ со која немал деловни односи, му отворила сметка и ѝ одобрила на неговата фирма кредит од 60 милиони денари за увоз на маслото „Флориол“. Тој тврди дека ниту потпишал барање за кредит, ниту на банката ѝ дал бизнис-план, ниту знаел дека парите му легнале на сметка.
Парите, како штовели, не останале на сметката во „Инвест банка“, туку истиот ден биле префрлени на неговата сметка во Комерцијална банка. Истиот ден, вели Исиров, парите иако биле во сопственост на „Еуротрејд“ без одобрение, „Комерцијална банка“ ги прераспределила на нејзината потсметка. Три дена потоа, „Комерцијална банка“ ѝ одобрила нов кредит на сметката на Исиров во истиот износ за отплата на првиот кредит од „Инвест банка“ со рок на враќање повторно од 10 дена.
Испративме прашања до „Комерцијална банка“. Конкретни одговори не добивме. Од банката одговорија дека немаат намера преку медиуми да се расправаат со фирми или поединци чии односи со банката се деловна тајна. Од „Комерцијална банка“ одговорија дека на ниедна фирма или поединец немаат одобрено кредит без соодветно барање, одлука од надлежен орган и потпишан договор со странката.
Од банката прашаа зошто досега странката не покренала или не добила соодветна обвинителна или судска пресуда за ваков измислен случај. Но, Исиров случајот со „Комерцијална банка“ го пријавил во финансиската полиција која води предистражна постапка.