Портпаролот на ВМРО-ДПМНЕ, Димче Арсовски, на прес-конференција порача дека денеска ќе ја потсетат антикорупциската комисија на неколку случаи и ќе апелираат за дополнително отворање на овие случаеви и нивни истраги сè со цел да се дознае вистината и да има нивна разрешница.

„Ние ги поддржуваме и охрабруваме антикорупционерите, целата антикорупциска комисија, да стават крај на корупцијата во нашата држава, но и во Владата и буквално да бидат проверени сите политички фактори во Република Македонија за конечно во Република Македонија да се стави рез и во иднина да може да се почне од почеток. Јавноста и граѓаните, освен паушални одговори, изминатиов период од Владата и нивните функционери сè уште немаат вистински одговор и не ја знаат целосната вистина за следниве неколку случаи што ќе ги споменам денеска.

Зоран Заев е аболиран за криминал вреден 8 милиони евра за случајот „Глобал“ и сè уште јавноста нема одговор со што и колку се стекнаа тој и неговите бизнис-партнери што беа аболирани од случајот „Глобал“, каде што тој што е фатен жив во криминал и подоцна како што знаеме сите аболиран.

Граѓаните сè уште чекаат разрешница на случајот „Цареви Кули“, случај што го обелодени ВМРО-ДПМНЕ, каде што Заев практично се потврди дека е виновен преку пресудата на тужбата кон медиумите, која ја имаше поднесено, кои обелоденија за истиот случај. Криминал исто така вреден неколку милиони евра.
Граѓаните сè уште чекаат разрешница за случајот со земјиштето во старата касарна во Струмица, каде што бизнис-партнерот на Зоран Заев и брат му Вице Заев, Сашо Брндевски, купува земјиште од над 18.000 квадрати за сума од 700.000 евра во време кога Зоран Заев е градоначалник и му го продава на неговиот брат Вице Заев и фирмата „Тотал инженеринг“, братот на Зоран Заев, Вице Заев, го купува, односно го презема истото земјиште за стан од 40-ина квадрати, што му го дава за замена на Сашо Брндевски. Станот има вредност од 30-ина илјади евра. Замислете, земјиште од 700.000 евра го добива за стан од 30.000 евра.

Јавноста сè уште чека одговор каква е врската на Вице Заев и фирмата „Тотал инженеринг“ во ископот во РЕК „Битола“ и со каква корист и колкава сума се стекнуваат „Тотал инженеринг“ и Вице Заев изминатиот период откако брат му Зоран Заев е на власт и тоа со превоз и ископ во рудникот РЕК „Битола“. Јавноста сè уште чека одговор дали и колку има стекнато Зоран Заев пари по примерот на едно евро за Вицето додека бил градоначалник, а и сега додека е премиер. Тоа е пример каде што целата јавност виде како функционира оваа криминогена Влада на чело со Зоран Заев.

Јавноста сè уште чека разрешница на случајот за вицепремиерот Кочо Анѓушев, кој го објавив пред половина година, каде што по пат на непосредна спогодба, Заев, кој е премиер, ѝ доделува градежно земјиште на фирмата на Кочо Анѓушев, „МХЕ тополки“, од неколку илјади квадрати во местото Дреново, поточно над 7.000 квадрати, додека и двајцата се на високи функции во Владата – прв и втор човек на владата на Република Македонија.

Јавноста особено е загрижена и ја интересираат фирмите на Заеви во Бугарија, „Ориент груп“, „Гомасидра“ и „Радиша трејд“, што ги објавивме и кои се во сопственост на Трајче Заев, неговиот братучед, Вице Заев и другите, како тоа дека јавноста чека одговор за фирмата „Мегатрон“ или, како и да е, на Дамјан Манчевски, која се поврзува со Грција, а деновиве можевме да ја сретнеме, како што пишуваат интернет-медиумите.

Антикорупциската комисија исто така треба и да го испита случајот за вработување на ќерката на пратеничката од СДСМ од Струмица на Гинекологија, тоа е пратеничката Катерина Кузмановска. Дали оваа пратеничка влијаела за вработувањето на ќерка си и на кој начин?

Така да очекуваме за сите овие случаи антикорупциската комисија да отвори предмети, убаво да ги истражи и да ги доведе до самиот крај, до разрешница. Во моментот имаме подготвено документ што ќе го оставиме до антикорупционерите, ќе го заведат во архивата, по кој ќе може да се водат и да почнат да истражуваат за сите овие случаи“, рече Арсовски.