Контакт

концерти

Амбасадор Силвести: Музиката ни нуди засолниште и надеж за подобра иднина

Објавено пред

Со впечатлив драматизам и длабока емоција во изразот, вчеравечер моќно одекна гласот на една од најзначајните вокални уметници во Италија, сопранот Дариа Масиеро која настапи во пијано придружба на нејзиниот сонародник, пијанистот Андреа Кампора.

dobivaj vesti na viber

Тие на публиката ѝ овозможија прекрасно музичко патување со сериja арии од класичниот оперски репертоар, од Верди до Пучини и Маскањи, но и со романси и класични камерни канцони компонирани од Франческо Паоло Тости, Ернесто де Куртис, Станислао Гасталдон, како и од славниот Енио Мориконе кој почина пред две години, а во 2009 година го отвори 49-тото издание на „Охридско лето“.

Концертот што ја воодушеви бројната публика во црквата „Света Софија“ се одржа во рамките на традиционалната Италијанска вечер на фестивалот „Охридско лето“ што секоја година се организира со поддршка на Амбасадата на Италија во Република Северна Македонија.

Освен Амбасадорот на Италија во земјава, Андреа Силвестри, домаќин на вечерта беше и Амбасадорот на Франција во земјава, Сирил Бомгартнер.

-Некои од вас ќе бидат изненадени што ме гледаат мене, Амбасадор на Франција во Северна Македонија, а не мојот колега Андреа Силвестри, како презентирам вечерва. Меѓутоа постои и причина за тоа, која веднаш ќе ви ја објаснам. Во мај минатата година, Претседателите на Италија и Франција, две сестрински нации, обединети од долговековна историја, економски, општествени и културни размени, го потпишаа во Рим Квириналскиот Договор. Станува збор за историски развој на врските меѓу нашите две земји, обете основачки на Европската Унија, како реакција на потребата да се дадат силни одговори во однос на безбедноста, на економско и социјално ниво, но исто така и на план на животната средина, обезбедувајќи една подобро структурирана рамка на нашата билатерална врска во Унијата. За да дадеме симболичен знак за оваа обновена соработка и братство меѓу двете земји кои ѝ се блиски на Северна Македонија одлучивме да ги размениме презентациите на италијанската и француската вечер, рече Францускиот амбасадор Бомгартнер.

Амбасадорот на Италија, Андреа Силвестри, најавувајќи ги италијанските уметници истакна дека музиката како универзален јазик е храна за душата, и е од особена важност во овие години, и како што рече, ни нуди засолниште и надеж за подобра иднина.

– Дариа Масиеро се смета за една од најзначајните гласови на современата оперска панорама. По дипломата стекната на рана возраст во Конзерваториумот на Алесандрија, со текот на годините се афирмира како изведувачка со многу ретка префинетост, женственост и сензитивност. Благодарение на нејзините технички способности успева умешно да алтернира меѓу оперските и драматичните елементи, со нагласена флексибилност која ѝ дозволува да ги одигра главните улоги во познатите опери на Пучини, Верди, Бизе, Перголези, Росини, Доницети, Белини, Моцарт, Леонкавало, Менделсон и Чајковски. И Маестро Кампора исто така ги започнува студиите на рана возраст стекнувајќи се со диплома по пијано на седумнаесет години и следствено по композиција и оркестарско диригирање, како и диплома по математика. Веќе долги години активно работи како професор на Конзерваториумот Џузепе Верди во Торино, и како пијанист придружник на оперски и хорски пејачи, што го носи да соработува со уметници со светска слава, рече Амбасадорот Силвестри, уверувајќи дека веќе одличните културни врски помеѓу двете земји, а особено со Охрид како град на УНЕСКО, ќе продолжат да се зајакнуваат и во иднина.

Ѕвездите на вечерта, сопранот Дариа Масиеро и пијанистот Андреа Кампора воодушевени од самиот фестивал и градот.

-Премногу сум среќна. Кога пристигнав не очекував дека ќе се сретнам со нешто толку убаво.Многу добро организирано, сѐ е фантастично овде, црквата, акустиката, организацијата. Многу сум благодарна за поканата, изјави Масиеро.

-Прекрасно е да се настапи во црква со одлична акустика. И пијаното беше извонредно. Ми беше задоволство што бев тука, додаде Кампора.

Музичката програма на „Охридско лето“ продолжува вечерва со исто така традиционалната Француска вечер на која ќе настапи квартетот „Агат“.

концерти

Церовиќ: Се оствари сонот да настапам на „Охридско лето“

Објавено пред

Црногорското дуо гитари Горан Кривокапиќ и Данијел Церовиќ вчеравечер ја воодушевија публиката на фестивалот „Охридско лето“ со својот маестрален настап во црквата „Света Софија“ .

dobivaj vesti na viber

На фестивалскиот репертоар, двајцата извонредни уметници ја изведоа Шестата англиска свита од Јохан Себастијан Бах транскиптирана за две гитари што ја снимија пред неколку години, а потоа и Свитата Троилеана од Астор Пјацола. Крајот на прекрасната вечер беше резервиран за транскрипција на музиката на Мануел де Фаља.

-Репертоарот не е оригинално напишан за гитара, но тоа е наш репертоар за дуо гитари. Гитарата е специфичен инструмент и музичкиот јазик кој е пишан оригинално за гитара на некој начин е ограничен од техничките можности на инструментот. Кога се занимавате со музика која не е наменета за гитари, се случуваат некои интеракции и важни процеси каде можете да ги спознаете можностите на гитарата кои се безгранични, рече гитаристот Данијел Церовиќ.

Ова дуо настапува заедно на престижни фестивали и во познати концертни сали низ целиот свет меѓу кои Филхармонијата во Санкт Петербург, салата „Мануел де Фаља“ во Мадрид и „Концертгебау“ во Амстердам.

-Со Горан првпат свиревме кога бевме на студии, подоцна свиревме заедно на Музичката академија во Мастрихт и всушност тогаш започна нашата соработка која трае долги години. И после мандемијата повторно се закотвуваме на нашата заедничка работа. Горан живее во Германија, а јас во Црна Гора и тешко беше да се подготвуваат нови репертоари, но во текот на оваа и следната година ќе има новитети од нас, додаде Церовиќ.

Тој не го криеше задоволството, што настапи на еден од најреномираните фестивали во Европа, фестивалот „Охридско лето“.

-За „Охридско лето“ слушав и следев што се случува уште во студентските денови и секогаш имав амбиција да дојдам и да настапам. И еве,се оствари сонот да настапам на „Охридско лето“. Кога зборуваме за регионот што е околу нас и нè поврзува, за Охрид имам посебно место во срцето, истакна гитаристот Церовиќ.

Дуото има широк репертоар кој се состои од транскрипции на „стара“ музика и оригинални композиции од XIX, XX и XXI, со особен акцент на современа музика за две гитари.

Вчерашниот концерт на дуото Горан Кривокапиќ и Данијел Церовиќ ја исполни црквата „Света Софија“, а во редовите на публиката беше и италијанскиот амбасадор Андреа Силвестри.

Прикажи повеќе...

концерти

Музика за Џими Хендрикс во изведба на ЗЏМ биг бенд оркестар

Објавено пред

Здружението на џез-музичари и слободни уметници – ЗЏМ Скопје, пред себе постави нов предизвик, да ѝ презентира на македонската публика уште еден несекојдневен настан.

dobivaj vesti na viber

Овој пат, ЗЏМ ја одбра музиката на уште еден великан кого The Rock and Roll Hall of Fame ќе го опише како „веројатно најголемиот инструменталист во историјата на рок-музиката“. Станува збор за американски гитарист, пејач и текстописец, поточно еден од највлијателните гитаристи во историјата на популарната музика и еден од најпознатите музичари на 20 век, Џими Хендрикс. ЗЏМ Биг бендот ќе изведе дел од музиката на оваа музичка легенда со биг бенд аранжмани, при што специјален гостин на концертот ќе биде италијанскиот саксофонист Франческо Беарцати, а со биг бендот ќе диригира Џијан Емин.

Концертот ќе се одржи на 6 август, со почеток од 22 часот (вратите се отворени од 21:30ч.) на локацијата на летната сцена Долни Сарај во Охрид. Билетите по цена од 500 денари, може да се набават online и на продажните места.

Прикажи повеќе...

концерти

Француска вечер на „Охридско лето“: Ентузијазам испреплетен со виртуозност

Објавено пред

На Француската вечер „Охридско лето“ која е традиционална на фестивалот вчеравечер настапија младите уметници од гудачкиот квартет „Агат“ од Франција кои музицираа во црквата „Света Софија“.

dobivaj vesti na viber

Како и на претходно одржаната Италијанска вечер, и на оваа Француска вечер поздравни говори имаа амбасадорите на Франција и на Италија во Република Северна Македонија, Сирил Бoмгартнер и Андреа Силвестри.

Амбасадорот Силвестри потенцира дека Франција и Италија се две сестрински нации кои го споделуваат истото латинско наследство, јазици со сличен призвук, длабоки историски врски и испреплетност на двете култури низ вековите.

-Во овој сакопоцен храм на византиската уметност каква што е Црквата Света Софија, секогаш останувам фасциниран од испреплетеноста и влијанијата со кои се хранеа нашите две култури во текот на вековите, во толку многу области како ликовната уметност, музиката, филмот, театарот, книжевноста… Бројни наши големи уметници меѓусебно се инспирирале и ќе ви дадам само еден пример: Караваџо (1571- 1610), тој брилјантен сликар со бурен живот, му беше толкав извор на инспирација на Џорџ де ла Тур (1593 – 1652), големиот сликар од регионот Лорен во Франција, што честопати тој беше нарекуван француски Караваџо, а на тоа Андре Малро имаше кажано: “Караваџо и Ла Тур се интимно поврзани со нивната генијалност“, рече во своето поздравно обраќање Амбасадорот на Италија во земјава, Андреа Силвестри.

Францускиот амбасадор Сирил Бoмгартнер дополни дека француско-италијанската врска отсекогаш била убава, суптилна и комплексна.

-Благодарение на таа врска понекогаш и се надминуваа некои недоразбирања ; овие две латински сестри, или пак латински братучетки како што милуваше да каже Генералот де Гол, секогаш знаеја да го најдат патот на меѓусебното разбирање; нешто што во многу погледи може да послужи како пример, убеден сум во тоа, рече Амбасадорот Бoмгартнер.

Извонредниот Квартет „Агат“ е составен од виолинистите Адриен Јурковиќ и Тома Декан, виолистот Рафаел Пањон и виолончелистот Симон Лашме. Сите се по потекло од југот на Франција. Сите ја споделуваат истата страст за градот Берлин каде што најдоа погодна средина што ја стимулира нивната креативност.

Младите и брилјантни музичари првпат настапуваат во РС Македонија а имаат негуваат ист ентузијазам, разновидни искуства и настапи, од камерна музика до големи филхармониски ансамбли.

Прикажи повеќе...

Најново

Свет3 часа

Нов вирус се појави во Кина: Заразени 35 луѓе – имаат треска, замор, кашлица, анорексија

Нов тип на хенипавирус добиен од животинско потекло, Langia henipavirus, кој може да зарази луѓе е пронајден во источната кинеска...

Свет4 часа

Поранешен шеф на кампањата на Трамп: Споделив доверливи информации со Русите

Пол Манафорт, кој беше менаџер на кампањата на поранешниот американски претседател Доналд Трамп во 2016 година, призна дека споделил доверливи...

Македонија5 часа

МОН го повлекува учебникот по Социологија за втора година гимназиско образование

Министерството за образование и наука информира дека е формирана Комисија за давање предлог за повлекување од употреба на одобрен учебник...

Македонија7 часа

Регистрирани 679 новозаразени од коронавирус, нема починати лица

Во согласност со податоците од Институтот за јавно здравје, Министерството за здравство информира дека во последните 24 часа направени се...

Економија10 часа

ССМ: Вредноста на минималната синдикална кошничка во јули 2022 е 47.042 денара

Вредноста на синдикалната минимална кошница со вклучена инфлација (трошоци за живот) за јули изнесува 47.042,00 денара и не може да...

Македонија11 час

МНР: Ги отфрламе сите наводи дека се подготвуваат нови обврски за двете држави надвор од договорените принципи

„Во врска со појавени шпекулации во јавноста за нови заемни документи меѓу Северна Македонија и Бугарија, дозволете да информираме дека...

Регион12 часа

Румен Радев: Изборите на 2 октомври треба да произведат стабилно и одговорно мнозинство

„За сите од најголема важност е овие избори да дадат одговорно мнозинство. Исто така, важно е ова мнозинство да ужива...

Свет13 часа

Градоначалникот на Нагасаки: Нуклеарното оружје е реална и присутна закана

Нуклеарното оружје е реална и присутна закана откако Русија ја нападна Украина, изјави денеска градоначалникот на Нагасаки на 77-годишнината од...

Свет13 часа

Зеленски со порака до Западот: Забранете им на Русите да влезат, нека живеат во свој свет

Украинскиот претседател Володимир Зеленски ги повика западните земји да го забранат влезот на сите руски граѓани. Во интервју за „Вашингтон...

Македонија13 часа

ВМРО-ДПМНЕ: Ковачевски скриен во глувчешка дупка молчи додека во Бугарија се спремаат нови услови и барања за Македонија

„На повидок нов дебакал на предавничката влада предводена од Димитар Ковачевски во дипломатијата. Повторно нови услови и нови документи од...

Свет14 часа

Агенти на ФБИ со претрес на имотот на Трамп: Мојот прекрасен дом моментно е под опсада

ФБИ извршило налог за претрес во одморалиштето Мар-а-Лаго на Доналд Трамп во Палм Бич, Флорида, како дел од истрагата за...

Регион14 часа

Пожар на најпознатата плажа во Хрватска

На најпознатата плажа во Хрватска, Зрче, на островот Паг, синоќа избувнал голем пожар. Како што пишува „Јутарњи лист“, со пожарот...

Македонија1 ден

(Видео) ЦУК: Локализиран пожарот кај Дојран и Богданци

Пожарот кај селото Фурка и браната Паљурци, помеѓу општините Дојран и Богданци е локализиран со здружени и координирани сили во...

Македонија1 ден

Десет починати лица, регистрирани 1.233 новозаразени со коронавирус

Согласно податоците од Институтот за јавно здравје, Министерството за здравство информира дека во последните 3 дена (од 6.8. 2022 до...

Македонија1 ден

ЈП „Комунална хигиена“: Кон вработената која предизвика инцидент веќе е започната дисциплинска постапка

На 33 лица кои биле вработени, преку АПВ, во ЈП „Комунална хигиена“-Скопје кои месеци и години земале плата а не...

Европа1 ден

Бајден за активностите на Кина: „Загрижен сум“

Американскиот претседател Џозеф Бајден денеска изјави дека не е загрижен за Тајван, туку дека е загрижен за Кина. Бајден открил...

Топ1 ден

Турски државјанин со живеалиште во Скопје осомничен за криумчарење на над 13 килограми злато на Табановце

Основното јавно обвинителство Куманово, постапувајќи по поднесена кривична пријава, донело наредба за спроведување истражна постапка против турски државјанин со живеалиште...

Економија1 ден

Се намалува цената на горивата

Регулаторната комисија за енергетика и водни услуги на Република Северна Македонија донесе одлука со која се врши намалување на малопродажните...

Македонија1 ден

(ВИДЕО) Иван, кој го преживеа Халкидик, во интервју за грчки медиум: Најлошиот роденденски подарок

Пред точно еден месец скопјанецот Иван (30) заедно со своите пријатели исчезна на отворено море од плажата Мити, на Халкидик....

Свет1 ден

Путин прави чистка: отпуштил шест генерали, меѓу кои и Месарот од Сирија

Рускиот претседател Владимир Путин отпуштил шест генерали поради лошите резултати од борбените операции во Украина, јавуваат светските медиуми. Според информациите,...