Контакт

Актуелно

Здружението на џез-музичарите кај Пендаровски ја нагласи потребата од простор за работа на оркестарот „Биг бенд“

Објавено пред

Претседателот Стево Пендаровски денеска прими претставници на Здружението на џез-музичарите и слободните уметници – ЗЏМ од Скопје.

Информирајќи за актуелните предизвици со кои се соочуваат, претставниците на ЗЏМ ја истакнаа важноста од соодветна вклученост на компетентни лица во одлучувачките процеси во областа на џез-културата.

Од Здружението ја нагласија неопходноста од институционализација и обезбедување простор за работа на ЗЏМ на оркестарот „Биг бенд“, од вклучување нивни членови во процесот на распределба на средствата за финансирање проекти од областа на џез-музиката, кои се од национален интерес, како и потребата од ревидирање на работата на двете џез-академии, кои функционираат во рамките на универзитетите во Скопје и Штип, за поуспешно реализирање на главната цел – подигнување на џез-културата во земјата.

Осврнувајќи се на предизвиците произлезени од Ковид-19, претседателот Пендаровски нагласи дека културата е значително погодена од пандемијата.

И покрај предизвиците, претседателот го нагласи исклучително значајниот придонес на Здружението на џез-музичарите и слободните уметници во афирмацијата на џез-културата во земјата и странство охрабрувајќи ги заложбите за споделување на нивните искуства, како и за подобрување на условите за изведба и создавање квалитетна музика, како траен белег и еден од фундаментите на секое општество.

Здружението е основано во 2016 година и во него членуваат некои од најреномираните џез-музичари од земјава, студенти и професори на џез-академиите во Скопје и Штип, како и слободни уметници. Се залага за едукација на млади таленти и ентузијасти, организира џез-фестивали и соработува со меѓународни организации кои ја негуваат оваа дејност.

Актуелно

Мицко Дамњановски нов уметнички раководител на НОБ

Објавено пред

За нов уметнички раководител на Националната опера и балет е назначен Мицко Дамњановски, кој доаѓа на местото на диригентката Бисера Чадловска, која беше уметнички раководител од септември 2017 до сега.

Мицко Дамњановски 2002 година дипломирал на факултетот за Музичка уметност, отсек туба, а магистрирал 2006 година на Кралскиот конзверваториум за музика во Брисел, Белгија, отсек туба. Пред вработувањето во оркестарот на Националната опера и балет во 2007 година, кратко време работел во Бриселската филхармонија.

Постојан член е на меѓународниот оркестар за снимање филмска музика FAMES, соработник на сите помали и поголеми оркестри формирани за посебни намени (Биг бенд, Дувачки оркестар, Градски оркестар и други, како и гостин тубист во Нишкиот симфониски оркестар, Национална опера-Тирана, Црногорски симфониски оркестар. Основач е на БРАССТЕТ СКОПЈЕ во 2019 година со настапи на Охридско лето и други фестивали низ републиката.

Прикажи повеќе...

Актуелно

Популарни светски и македонски хитови на традиционалниот Василичарски концерт во НОБ

Објавено пред

Националната опера и балет ја продолжува традицијата воспоставена пред повеќе од 25 години и во вторник и в среда, 12 и 13 јануари, со почеток во 20 часот, ќе го одржи гала-концертот по повод празникот Василица.

Оваа година концертот носи наслов „Најголемите хитови“, односно направен е избор од најдобрите хитови од досегашните василичарски концерти со симфониски аранжмани.

Публиката ќе има можност да ужива во популарните светски и македонски хитови во изведба на оперски и поп-солисти, придружувани од оркестарот на Националната опера и балет под диригентската палка на Бисера Чадловска.

Почитувајќи ја традицијата на нашиот народ да ја прославува Стара Нова година, Националната опера и балет го утврди овој концерт во 1993 година и во годините потоа тој стана препознатлив, популарен и еден од најпосетените настани кај нас.

Настанот ќе се одржи според протоколите предвидени со моментната состојба предизвикана од пандемијата на Ковид-19 за одржување настани, одобрени од Комисијата за заразни болести. Задолжително е носење заштитна маска.

Билети може да се набават на билетарницата на Национална опера и балет и онлајн.

Прикажи повеќе...

Актуелно

Во МНТ премиера на монодрамата „Последната лента на Крап“

Објавено пред

На 30 декември на малата сцена во МНТ со почеток во 12 премиерно ќе биде одиграна монодрамата „Последната лента на Крап“ од Семјуел Бекет, а во изведба, режија и продукција на првенецот на Македонскиот народен театар Ѓорѓи Јолевски.

Претставата е копродукциски проект помеѓу Македонскиот народен театар и „Перипетија продукција“ од Скопје. Продуцент е Ѓорѓи Јолевски, а извршен продуцент е Никола Кимовски.

Преводот на текстот од англиски на македонски јазик го направи драматургот Владимир Јанчевски. Сценографското решение, дизајнот на плакатот и програмскиот каталог се на Сергеј Светозарев, костимографијата е на Ивана Каранфиловска-Угуровска.

На светло-дизајнот работеше Дарко Младеновски во соработка со светло-операторот Игор Митревски, а на дизајнот за тон – Ненад Трпеноски.

„Последната лента на Крап” е претстава за еден осамен човек, изолиран од светот, кој на неговиот 69-ти роденден ги преслушува старите магнетофонски ленти. Меѓу нив една лента има посебно место: таа што се наоѓа во кутија три – ролна пет! На неа е снимен тој, средовечниот Крап, пред цели 30 години, одамна минато време, каде што зборува за уште подалечни, а клучни настани од својот одамна изминат младешки свет, за изгубената љубов, за смртта на неговата мајка, за илузиите и неуспешната кариера. А, стариот Крап, сега има амбивалентен однос кон тоа што го слуша.

„Ова е претстава за изолацијата, за стареењето, за кревкоста на сеќавањето, нашиот комплексен однос со технологијата, во еден свет во кој времето неповратно минува, низ бројни ограничувања со кои нè соочува самиот живот“, се вели во најавата за претставата.

Билетите се достапни онлајн на веб-страницата, како и на билетарницата во МНТ.

Билетарницата работи в понеделник и во вторник од 12 до 18 и среда од 9 до 14 часот.

Прикажи повеќе...

Најново

Домашен2 часа

Дебакл во Каиро – Македонија на минус 19 против Египет

Македонската ракометна репрезентација доживеа уште еден тежок пораз на 27 Светско првенство. По поразот од Шведска, во четвртокот (32:20), вечерва...

Македонија5 часа

Нови 361 случаи на коронавирус, оздравени се 2.116 пациенти, а починаа 14 лица

Во последните 24 часа се направени 2176 тестирања, а регистрирани се 361 нови случаи на ковид-19 во: Скопје-164, Куманово-17, Тетово-12,...

Македонија6 часа

Опозицијата обвинува за доцнење со вакцините, власта тврди дека обезбедува вакцини преку три механизми

Преку три механизми, Владата предводена од СДСМ обезбедува вакцини против ковид-19, за 60 отсто од населението, реагира владејачкиот СДСМ откако...

Македонија7 часа

(Видео) Во Охрид затворен угостителски објект, затекнати Русинки и Украинки кои работеле на црно

Сопственик на угостителски објект во Охрид заработи кривични пријави бидејќи синоќа работел по 18 часот и покрај тоа што претходно му...

Европа10 часа

Меркел доби наследник на чело на ЦДУ

Германските демохристијани го избраа наследникот на германската канцеларка Ангела Меркел. Армин Лашет беше избран за нов претседател на Христијанско-демократската унија...

Регион11 час

(Видео) Во Србија пристигнаа милион дози од кинеската вакцина, Вучиќ ќе се вакцинира со неа

„Ние сме првата земја во Европа што ја доби кинеската вакцина. Јас најверојатно ќе бидам претставникот на власта што прв...

Свет12 часа

СЗО е против ковид пасоши: „Светот е збунет и парализиран“

Светската здравствена организација (СЗО) ги советуваше државите да не ги условуваат меѓународните патувања со докази за вакцинација или имунитет. Ова...

Свет12 часа

Бајден најави вакцинирање на 100 милиони Американци за 100 дена

Новоизбраниот претседател на Соединетите Американски Држави (САД), Џо Бајден, претстави план во кој ја објасни намерата за вакцинирање на 100...

Македонија13 часа

СДСМ: Мицкоски и ВМРО-ДПМНЕ и за пописот се на спротивната страна на државните и националните интереси

Владејачкиот СДСМ верува дека ВМРО-ДПМНЕ се однесува деструктивното, неодговорно и антидржавно, а  сега кога пред пратениците во собранието е законот...

Свет24 часа

Велика Британија од понеделник ги затвора сите коридори за патување

Велика Британија ги зајакнува граничните контроли за да спречи нови видови на коронавирус да влезат на нејзината територија, суспендирајќи ги...

Свет1 ден

„Сигнал“ има технички проблеми откога за една недела стекна 40 милиони корисници

Шифрираната услуга за пораки „Сигнал“ соопшти дека има технички проблеми, но вети дека бргу ќе ги надмине. Оваа апликација, промовирана...

Свет1 ден

Трамп го напушта Вашингтон на денот на инаугурацијата

Американскиот претседател, Доналд Трамп, планира да го напушти Вашингтон утрото на денот на инаугурацијата на својот наследник Џо Бајден, на...

Свет1 ден

Продолжени строгите мерки во Италија

Италијанскиот премиер, Џузепе Конте, издаде указ со кој се продолжуваат рестрикциите за контрола на ширењето на коронавирусот кога Министерството за...

Македонија1 ден

Нови 403 заболени и 10 починати од коронавирус во Македонија

Министерството за здравство информира дека во последните 24 часа се направени 2.118 тестирања, а регистрирани се 403 нови случаи на...

Македонија1 ден

Обвинителството отвори предмет за палењето на бугарското знаме во Вевчани

Основното јавно обвинителство Струга отвори предмет по допрен глас во врска со написите во одредени медиуми дека за време на...

Македонија1 ден

Опцијата граѓаните да може да докупат стаж за пензија може да се одолговлечи до 2024 година

Закон за докуп на стаж е процес којшто ќе трае, а ние ќе го исполниме предизборното ветување до нашите граѓани,...

Свет1 ден

Меѓународна анкета: Британците и Данците се најсклони на вакцинација, Французите и Полјаците многу поскептични

Денеска се објавени резултатите од големо меѓународно истражување за вакцинацијата против Ковид-19, пренесе агенцијата „Ројтерс“. Резултатите покажуваат дека подготвеноста за...

Македонија1 ден

Општина Вевчани го осуди палењето на знамето на Бугарија

Општина Вевчани најостро го осудува чинот на палење на знамето на Република Бугарија за време на карневалот во Вевчани, соопшти...

Македонија1 ден

Во последните 24 часа нема нови ковид – пациенти на интерните клиники во Скопје

Во изминатите 24 часа во ковид – центрите во Скопје се хоспитализирани 14 нови пациенти поради компликации од коронавирусот, а...

Европа1 ден

Унгарија отстапува од регулативите на Брисел, Орбан бара одобрување на кинеската вакцина

Унгарскиот премиер Виктор Орбан денеска изрази надеж дека во рок од неколку дена, националниот регулатор на лекови јасно ќе одговори...

Досие