Култура
Културна понуда за викенд

МАЈСКИ ОПЕРСКИ ВЕЧЕРИНедела:„Љубовен напиток“, опера – 20 ч.
МАЈСКИ ОПЕРСКИ ВЕЧЕРИНедела:„Љубовен напиток“, опера – 20 ч.МАКЕДОНСКИ НАРОДЕН ТЕАТАРПеток:„Сребрена свадба“, режија: Ѕвезда Ангелова, премиера – 20 ч.Сабота:„Госпоѓа Mинистерка“, режија: Наташа Поплавска – 20 ч.ДРАМСКИ ТЕАТАРПеток:„Последните Македонци“, режија: Сашо Миленковски-премиера – 20 ч.Сабота:„Догодина во исто време “, од Бернард Слејд – 20 ч.ТЕАТАР ЗА ДЕЦА И МЛАДИПеток:„Малата сирена“, режија: Деан Дамјановски- 19 ч.Сабота:„Снежана и седумте џуџиња“, режија: Петар Пашов – 20 ч.Недела:„Лакомата меца“, режија: Дарин Петков – 12.30 ч.ТУРСКИ ТЕАТАРПеток:„Шеќерна приказна“, режија: Коле Ангеловски, детска претстава – 14 ч.Сабота:„Кавкаски круг со креда“, режија: Мартин Кочоски, премиера – 20 ч.ИЗЛОЖБИМУЗЕЈ НА СОВРЕМЕНА УМЕТНОСТИзложба на избрани дела од меѓународната збирка на МСУ;Од француската колекција МСУ;КУЛТУРНО ИНФОРМАТИВЕН ЦЕНТАРИзложба на скулптури од Жарко Бошески;МУЗЕЈ НА МАКЕДОНИЈА„Археолошка изложба 2009“; изложба на Роберт Цветковски;НАЦИОНАЛНА ГАЛЕРИЈА НА МАКЕДОНИЈАОбјект ДАУТ ПАШИН АМАМРетроспективна изложба на Решат Амети;Национална поставка од 13 до 21 век;Објект МАЛА СТАНИЦА„Ѕверови во системот“ – изложба на Ива Димеска и Лидија Георгиева;Објект ЧИФТЕ АМАМИзложба на модна фотографија од Кире Галевски;МУЗЕЈ НА ГРАД СКОПЈЕ„Пад и подем“ изложба на Снежана Алтипармак;„Деус секс машина“ – изложба на Атанас Ботев;„Траги“- 60 години Музеј на град Скопје- изложба;Изложба- Скопската тврдина (археолошки наоди од ископувањата на Кале);Галерија Белогаски: Поставка по повод 15 години од смртта на Љубомир Белогаски;КИНАКИНО РАМСТОРСала 1„Титаник“, анимиран филм – 12, 14 ч.„Алиса во земјата на чудата“ – 16, 18 ч.„Човек волк“ – 20, 22 ч.Сала 2„Александар Велики“ – 11.30, 13 ч.„Железниот човек 2“ – 15, 17.30, 20, 22.30 ч.КИНО МИЛЕНИУМ„Ловец на уцени “ – 11, 13.30, 18, 20.30, 22.30 ч.Сабота и Недела:„Човек пеликан“ – 11, 13.30 ч.КИНОТЕКА НА МАКЕДОНИЈА – ДЕНОВИ НА ЕВРОПАПеток:„Светлини во квечерината“, режија: Аки Каурисмаки – 17 ч.„ Белата панделка“, режија: Михаел Ханеке – 19 ч.„ Платоновата академија“, режија: Филипос Цитос – 21 ч.Сабота:„Ангел закачен на мене“, режија: Георге Преда – 17 ч.„Светот е голем и спасение демне од секаде“, режија: Стефан Командарев – 19 ч.„ Дрвена кутија“, режија: Хуан Карлос Фалкон – 21 ч.Недела:„Победа“, режија: Марко Белокио – 17.00 ч.„The Front Line“, режија: Дејвид Глисон – 19 ч.„Мамут“, режија: Лукас Мудисон – 21 ч.КИНО УТРОСабота:„Малата сирена“, режија: Рон Клеменс и Џон Маскер – 11, 13 ч.ДИСКОТЕКИ/КАФУЛИЊАПеток:Клуб Хавана – „Hardcore Attack fest“ 20ч.Клуб Колосеум – Слаткаристика целовечерен концерт Клуб Милениум – Елена Ристевска. настап во живоКапан Ан – ПМГ рекордингс „Launch Party“Клуб Сектор – диџеј Гоце (САФ) – 00ч.Кафе бар Ленинова – „Afterwork Mojito Party“ Диџеј Андреј МицајковСабота:Универзална сала – Ѓоко Танвески – концерт – 20:30ч.Кафе Вирус – Диџеј Бабура, настап на модно студио ЦрнокракНедела: Метрополис арена – Дејвид Гета/крај/ин
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Култура
„Јон Вардар против Галаксијата“ овој викенд на Grossmann Fantastic Film & Wine Festival во Словенија

Првиот македонски долгометражен анимиран филм „Јон Вардар против Галаксијата“ во сценарио и режија на Гоце Цветановски ќе биде прикажан на 21. издание на Фестивалот за Фантастични филмови и вино во Љутомер, Словенија. Проекцијата е закажана за сабота, 5 јули во Домот на културата.
Интересно е што фестивалот, покрај внимателно селектираната програма од жанровски филмови, има и посебен фокус на виното. Посетителите ќе имаат можност да дегустираат различни вина за време на фестивалските настани, создавајќи уникатно искуство кое ги спојува филмот и винската култура.
„Овој фестивал за мене има посебно значење, затоа што во 2016 година гостував со краток анимиран филм и тогаш ја имав честа да се запознаам со Јан Харлан, продуцентот на Стенли Кјубрик – еден од моите омилени режисери, чие влијание може да се забележи во повеќе сцени од ‘Јон Вардар’“, изјави режисерот Гоце Цветановски.
Култура
Марко Виденовиќ и „Мевлем“ вечерва на „Бит-фест“

Битолското културно лето „Бит фест“, вечерва во Офицерскиот дом во Битола со почеток во 21:00 часот, ќе биде домаќин на прекрасна вечер во која музиката низ Проектот „Мевлем“ ќе зборува за љубовта, болката и надежта…
Проектот „Мевлем“, претставува уникатен спој на авторска музика и поезија од композиторот и поет Марко Виденовиќ, кој наиде на извонреден прием и сериозен одек меѓу публиката и културната јавност, како во земјава така и надвор од неа.
Со секој од досега реализираните концерти, „Мевлем“ не само што ја потврдува својата уметничка автентичност, туку и се етаблира како проект со исклучителен емотивен и социјален капацитет. Неговата досегашна реализација покажа дека публиката, без оглед на културниот контекст, препознава искреност, длабочина и убавина.
Музичкиот состав „Мевлем“ е составен од музичарите: Памела Велкова – виолина, Верица Ајтовска – виола, Енис Аљи – виолончело, и самиот автор Марко Виденовиќ – пијано и глас, кои досега концерти одржале во: Загреб, Белград, Скопје, Битола, Охрид, Гевгелија и Велес.
Во вечерашната програма се вбројуваат композиции кои се специјално создадени за проектот „Мевлем“ и претставуваат иновативен пристап кон камерната музика и современата поезија.
„Мевлем“ е повеќе од концерт – тој е уметничка исповед, место каде поетскиот збор не се чита туку се чувствува, каде што музиката не се слуша туку се доживува. Создаден од композиторот и поет Марко Виденовиќ, овој проект е интимен дијалог помеѓу музиката и зборот, меѓу солистите и тишината, меѓу публиката и нејзините најдлабоки емоции.
Композициите, инспирирани од лична и колективна болка, љубов, надеж и тишина, се изведуваат од музичари кои со секој тон ја раскажуваат таа внатрешна вистина. Влијанието што овој проект го има врз публиката е од оние ретки, длабоки уметнички впечатоци што долго остануваат со човекот.
„Мевлем“ во својата суштина има потреба – да се понуди лековитост преку уметноста, да се овозможи допир со нешто исконско, нешто што ги надминува жанровите и формите.
„Целта никогаш не беше само да се приреди концерт, туку да се отвори простор за уметнички дијалог, за разбирање и заедништво. Резултатите од тоа не се само мерливи преку број на публика, аплаузи или медиумски интерес – туку преку тишината меѓу две композиции, преку солзите по последниот акорд, преку луѓето што приоѓаат по концертот не за да честитаат, туку за да споделат своја приказна. А токму тоа, всушност, беше и крајната цел“, вели Марко Виденовиќ, автор на Проектот „Мевлем“, кој вечерва ќе биде претставен пред публиката во Битола.
Култура
Концертна промоција на албумот „Егрерор“ на „ФИН проект“ и Тања Царовска

Концертната промоција на албумот „Егрерор“ на Никола Стојковски (ФИН Проект) и Тања Царовска ќе се одржи денеска со почеток во 20:30 часот во Куршумли ан.
На концертот, како гости ќе настапат и Петар Христов (саксофон и кларинет) и Горан Трајкоски – Готра, на пијано Билјана Петровска, бас и контрабас Андреа Мирческа, како и Илија Јовчев – виолина, Ева Ристеска – виолина, Ангела Винтовска – виола, Александар Ицковски – виолончело.
Албумот „FIN Project Orchestra“ е издаден во декември 2022 година од М-Сол Рекорд и е поддржан од Министерството за култура на Р.С. Македонија. Следуваше „FIN Project – Contemplation“ кој е издаден во јануари 2024 година.
Музичкиот материјал на албумот е подготвен во соработка со кларинетистот Петар Христов. А, како последно издание во 2024 година, FIN Project во соработка со светски реномираниот композитор и продуцент на извонредната Лиза Жерар, Марсело Ди Франсиши, го објави „Indie Monastery – One Big World (remixes)“ каде како вокален интерпретатор се појавува иранската дива Бахар Шах.