Вечерва (12 август, среда) во Битола, со премиерата на претставата „Разбојници“ од Фридрих Шилер, во режија на Младен Вукиќ-Феџа, во Офицерскиот дом со почеток во 22 часот започнува четвртото издание на Фестивалот за современи уметности АКТО

Претставата, која вчера имаше генерална проба со публика во просторот „Алхамбра“, е во продукција на самиот фестивал, а до недела, на разни и необични локации, седумдесетина уметници, интелектуалци и културолози од регионот и пошироко ќе дебатираат, перформираат и ќе се забавуваат. АКТО е единствен фестивал на полето на современите уметности во Македонија: непрофитен, независен и концепиран надвор од ограничените уметнички форми на изразување, АКТО фестивалот за современи уметности е подржан од градот Битола. На досега одржаните фестивали АКТО_ 2 (Уметност и храна) и АКТО_1 со своите авторски дела се претставија видни домашни и странски имиња.Како итернационален фестивал на современи уметности АКТО е конципиран врз основа на четири оддели: изведувачки уметности, визуелни уметности, музика, теорија на културата, пропратено со многу музички настани и забава за сите возрасти. Темата на годинешното издание е „Поколенија“, го третира генерацискиот проблем и поставува неколку прашања:Колку се раскинати врските на сегашната млада генерација со генерацијата на нивните на нивните родители?Колку денешната млада ителектуална генерација е наследник на постарата и дали воопшто постои такво наслество?На кој начин треба да се третира културното наследство од предходните генерации во денешниот современ концепт?До кој степен и дали предходните генерации и го дефинираат идентитетот на денешната  млада генерација?Колку денешниот културено општествен контекст треба да зависи од предходните генерации?Возможно ли е една веќе готова уметничка форма да се трансформира?Возможно ли е “основната” емоција да се трансформира во нова форма со свои сопствени параметри, знаења и закони?…АКТО годинава има 1000 различни фестивалски плакати: сите ќе бидат различни за една цифра. Додека лепиме нов плакат, се раѓа ново поколение и умира едно… Од програмата на АКТО_4 може да се издвојат изведувачкиот “Нем перфоманс” на Деан Дамјановски (Македонија), “Сите Жени на Шекспир” на Маринко Николиќ (Србија) и др. Оваа година на АКТО ќе се одржи конференцијата на тема „Архиви на Идентитетот“ и проектот „Берза на Уметници – Идеален Проект“. На Фестивалот ќе биде доделена и наградата за интердисциплинарност „Драгиша Наневски“ за едно од делата на фестивалот. Во жирито за наградата се: Марија Радош, куратор (Србија), Јово Панчев, куратор (Бугарија) и Билјана Исијанин, куратор и артист (Елемент) Битола, Македонија.На АКТО _4 ќе можат да се проследат многу групни изложби на автори од Македонија (Велимир Жерновски, Слаѓана Богеска), Косово (Зени Балажи), Србија (Ана Недељковиќ), Хрватска (Тонка Малековиќ), Словенија (Пилја Русјан ), потоа мултимедијални перформанси и  музички имиња во подем како „Репетитор“ од Србија, „Action One“ од Грција, „Bei the Fish“ и „The John“ (Македонија)… Сето тоа зачинето со миксовите на реномирани домашни и странски диџеи.Петдневната понуда на АКТО е во чекор со европските трендови на современата уметност, а атракцијата на фестивалот е досега невиден панк-папет театарски перформанс на „Das-Helmi“ од Берлин, Германија. АКТО им овозможува на посетителите и  бесплатен превоз со воз на релација Скопје-Битола на 14 август (петок), во кој музика ќе пуштаа водечките македонски диџеи. Поаѓањето е во 14.30 часот од третиот колосек на железничката станица, а заинтересираните можат да се пријават на тел. 071 800 053 или на email: [email protected]