Култура
„Демократија – за сите?“ – германски демократски јубилеи во Скопје
Како дел од одбележувањето на германските демократски јубилеи кај нас, од 21 до 26 септември во Кинотеката на Македонија ќе се случува филмски фестивал на документарни и кратки филмови „Демократија – за сите?“
Филмовите кои ќе бидат прикажани на фествалот се дел од еден глобален филмски проект „Зошто демократија?“, во кој беа вклучени 5 уредници од Данска, Англија, финска, Франција и Германија, како и двајца продуценти од Данска и Јужна Африка. Германскиот поглед на демократијата ќе биде прикажан низ филмовите на Medienwerkstatt Franken од Нирнберг, збратимениот град на Скопје. Освен тоа, за време на фестивалот ќе бидат присутни и градоначалниците на Скопје и Нирнберг, како и амбасадорката на Германија во Македонија. Овој филмски фестивал ќе се случува во склоп на Германските недели во Скопје и Тетово, по повод неколку јубилеи од германската историја – донесувањето на Вајмарскиот устав, 1819; донесувањето на денешниот германски Устав во 1949 година и падот на Берлинскиот ѕид, 1989 година.
Особена атракција од Германија претставува „Омнибусот за директна демократија“ кој ќе застане во Скопје и Тетово, како дел од неговата турнеја низ Југоисточна Европа. „Омнибусот“ е двокатен автобус, патувачко училиште, кој веќе 22 години ја реализира во пракса идејата на уметникот Јозеф Бојс за самоопределено креирање на заедницата од страна на луѓето, самоопределувањето како „социјална скулптура“, односно сфаќање на демократијата како уметничко дело. Омнибусот посетува околу 100 германски градови годишно и во текот на неколку денови отвора форуми на плоштади и други отворени простори, во училишта, универзитети, компании… Оваа есен 2009 година омнибусот тргна во својата историска тура и ги опфаќа Љубљана, Загреб, Сараево, Скопје, Софија, Солун, Атина, Истанбул, Букурешт, Белград, Будимпешта, Братислава, Линц, Виена и Минхен. Преку средби и културни настани членовите на „Омнибус за демократија“ ќе се обидат да ја развијат идејата за поврзаноста на демократијата и уметноста. Омнибусот ќе застане на плоштадот Македонија во понеделник, 21 септември, од 10 до 18 часот и во вторник, 22 септември, кај Народната и универзитетска библиотека „Климент Охридски“, а во среда, 23 септември, ќе биде на Штуловиот униврзитет во Тетово.Покрај филмскиот фестивал и турата на омнибусот, германската недела ќе биде одбележана и со неколку дискуии и работилници во Музејот на современа уметност и на Универзитетот ЕСРА.
Одбележувањето на Германските недели во Македонија е организирано од Гете-институт од Скопје.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Култура
Реакција на Министерството за култура на соопштението од СКРМ за неисплатените плати на вработените во „Охридско лето“
Министерството за култура и туризам, почитувајќи ги кредибилитетот и реномето на НУ „Охридско лето“, а во врска со дописот на Синдикатот на културата на Република Македонија, информира дека Министерството за култура и туризам продолжува да дејствува во насока на почитување на правата од работен однос за вработените во НУ „Охридско лето“, но и да инсистира на законското постапување.
Институцијата е должна да постапи во врска со последното писмено известување добиено од Министерството за култура и туризам и да достави до Министерството коригирана пресметка на плата за месецот август 2024 г., во која нема да бидат содржани износи што се однесуваат на додаток на плата, без тој да биде претходно законски основан, велат од Министерството.
– Уште еднаш потенцираме дека Министерството за култура и туризам не спори да изврши исплата на основната плата на вработените во „Охридско лето“, се додава во соопштението.
Култура
„Јон Вардар против галаксијата” викендов беше премиерно прикажан во Шпанија
Првиот македонски долгометражен анимиран филм „Јон Вардар против галаксијата“ ја имаше својата светска премиера на 57. издание на „Ситџес фантастик филм фестивал“, еден од најголемите жанровски фестивали во светот.
Филмот во режија на Гоце Цветановски и во продукција на Алан Кастиљо од „Линкс студио“ беше прикажан во фамилијарната секција. Капацитетите на салата беа исполнети, главно со најмладата публика, која енергично ја дочека македонската анимација.
Режисерот Цветановски имаше кусо обраќање, при што на шпански јазик им кажа на децата дека се првите во светот што ќе го гледаат филмот, на што тие реагираа со воодушевување.
По настанот, Цветановски изјави дека фестивалскиот живот на „Јон Вардар против галаксијата“ почна возбудливо најавувајќи уште многу убави вести набргу.
„Премиерата ги оправда очекувањата. Ми беше драго што и децата и нивните родители уживаа во филмот и се смееја на глас. Во публиката запознав и Македонци од Барселона, кои допатуваа во Ситџес за да го проследат филмот. Ви благодарам многу што бевте дел од овој настан. Факт е дека со ‘Јон Вардар’ напишавме историја и верувам дека имаме производ со кој можеме да се гордееме. Одиме натаму, со нетрпение ја очекувам македонската премиера во ноември“, рече режисерот Цветановски.
Во рамките на фестивалот во Ситџес анимираниот филм ќе има уште една проекција следната сабота.
„Јон Вардар против галаксијата“ е хумористична приказна за еден натпросечно потпросечен човек, еден нарцисоиден робот и многу, многу, мнооооогу вонземјани, кои се на мисија да ја спасат галаксијата од самите себе.
Арт-директор е Михајло Димитриевски – Тхе Мичо, а директор на анимација е Димитар Ѓоргиев. Продуценти на филмот се Алан Кастиљо, Ева Конрад, браќата Калинови и Ладо Шкорин. Во главните улоги настапуваат Жарко Димоски, Дамјан Цветановски и Емилија Мицевска. Другите улоги ги толкуваат Филип Трајковиќ, Тони Денковски, Атанас Атанасовски, Слаѓана Вујошевиќ, Мартин Ѓоргоски, Елена Тарчуговска и Бојана Тосковска.
Анимираниот филм е изработен со поддршка од Агенцијата за филм, а има копродукции во Унгарија, Бугарија и во Хрватска.
Филмот од 1 ноември ќе се прикажува во киносалите во Македонија.
Култура
Театар Куманово настапи на фестивалот „MOST“ во Германија
Претставата на Кумановскиот театар „Прво лице еднина“ вчера вечер настапи на Интернационалниот камерен театарски фестивал во Германија, „MOST“ кој од први до шести октомври се одржува во Хановер.
На огромно задоволство на германската публика актерката Владанка Крстевски потполно ги освои нивните срца со емоцијата која ја прикажа преку монодрамата – Прво лице еднина, во која на маестрален начин прикажа дванаесет женски ликови со своите проблеми, лични ставови и карактери.
Режијата на претставата е на Драгана Гунин.
Актерката доби признание за исклучително моќно и емотивно прикажување на карактерите во претставата.
-Околу нас има многу жени кои секојдневно се борат и работат по 12 часа дневно. Тие жени жртвуваат се за своите семејства, за своите деца, за да обезбедат подобар живот, а никој не зборува за нив. Ова е претстава во која зборуваме токму за тие жени. Ние денеска сме ќерки, а утре ќе бидеме мајки и сакаме да имаме поддршка, бидејќи не знаеме кај ќе не однесе животот. Инспирацијата за мојот текст е од книгата „Добра ноќ за бунтовни девојчиња“, во која се зборува за жени кои направиле многу за сите нас, но останале на маргините на општеството, – раскажува младата актерка Владанка Крстевски, пренесува Кумановски театар.