Култура
Слика на Пикасо најскапо продадена некогаш

„Акт, зелено лисје и биста“, која славниот Шпанец ја насликал во 1932 г., е продадена за дури 106,4 милиони долари е најскапото уметничко дело некогаш продадено на аукциите
Почетнат цена изнесувала 70 милиони долари, но на крајот го постигнала највисокиот износ за 2,1 милиони долари повеќе кој во февруари на аукција во Лондон ја достигна иконографската скулптура „Човек кој оди 1“ (L’homme qui marche I) на големиот швајцарски надреалистички скулптор Алберто Џакомети настаната во 1961 г. Тогаш аукцијата се движеше од почетните 12 милиони долари колку што всушност изнесува провизијата, прво на 55 милиони, па на 80 милиони а во еден момент наддавањето се запрело на 92 милиони долари која со дополнителната аукциска провизија ги сочинува вкупните 104 милиони долари. Оваа една од најпознати бронзи ја продаде новиот сопственик на пропаднатата Дрезден банка, втората по големина банка во Германија – Комерцбанк, преку аукциската куќа Sotheby’s.Досега најскапо платена уметничка слика исто така беше на Пикасо, „Момче со луле“ (Garçon a la pipe) продадена 2004 г.Големата слика на Пабло Пикасо последните половина век беше изложена само еднаш, а беше највредното дело од збирката уметнички дела на Франкезо Ласкер Броди, филантроп од Лос Анџелес кој почина во 2009 г. Сегашниот купец, се разбира, е анонимен. Во последните четири месеци, двете најголеми светски аукциски куќи Christie’s и Sotheby’s водеа вистинска војна за збирката на Броди, при што поуспешна беше Christie’s.Инаку, досега шест уметнички дела се продадени за најголеми цени, и сите се слики. Во 2006 г. рекордот е поставен со продажба на плaтното No.5,1948, на Џексон Полок, кое кога би се пресметала инфлацијата денес би чинел 148 милиони долари. На второ место е сликата „Жена 3“, на експресионистот Вилјем Кениг, продадена во 1994 г. за цена која денеска е проценета на 145 милиони долари. Трет е Густав Климт со неговото дело „Портрет на Адела Блох-Бауер 1“, продадена за 143 милиони долари. Јапонскиот милијардер Рџоеи Саито во 1990 г. ги купил двете следни слики на листата најскапи уметнички дела, за „Портрет на др. Гаше“ на Ван Гог плати денешен еквивалент од 135, а „Бал ду мулен де ла Галет“ 127 милиони долари. Шеста е сликата на Пабло Пикасо „Момче со луле“ која ја има денешната вредност од 118 милиони долари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Култура
„Јон Вардар против Галаксијата“ овој викенд на Grossmann Fantastic Film & Wine Festival во Словенија

Првиот македонски долгометражен анимиран филм „Јон Вардар против Галаксијата“ во сценарио и режија на Гоце Цветановски ќе биде прикажан на 21. издание на Фестивалот за Фантастични филмови и вино во Љутомер, Словенија. Проекцијата е закажана за сабота, 5 јули во Домот на културата.
Интересно е што фестивалот, покрај внимателно селектираната програма од жанровски филмови, има и посебен фокус на виното. Посетителите ќе имаат можност да дегустираат различни вина за време на фестивалските настани, создавајќи уникатно искуство кое ги спојува филмот и винската култура.
„Овој фестивал за мене има посебно значење, затоа што во 2016 година гостував со краток анимиран филм и тогаш ја имав честа да се запознаам со Јан Харлан, продуцентот на Стенли Кјубрик – еден од моите омилени режисери, чие влијание може да се забележи во повеќе сцени од ‘Јон Вардар’“, изјави режисерот Гоце Цветановски.
Култура
Марко Виденовиќ и „Мевлем“ вечерва на „Бит-фест“

Битолското културно лето „Бит фест“, вечерва во Офицерскиот дом во Битола со почеток во 21:00 часот, ќе биде домаќин на прекрасна вечер во која музиката низ Проектот „Мевлем“ ќе зборува за љубовта, болката и надежта…
Проектот „Мевлем“, претставува уникатен спој на авторска музика и поезија од композиторот и поет Марко Виденовиќ, кој наиде на извонреден прием и сериозен одек меѓу публиката и културната јавност, како во земјава така и надвор од неа.
Со секој од досега реализираните концерти, „Мевлем“ не само што ја потврдува својата уметничка автентичност, туку и се етаблира како проект со исклучителен емотивен и социјален капацитет. Неговата досегашна реализација покажа дека публиката, без оглед на културниот контекст, препознава искреност, длабочина и убавина.
Музичкиот состав „Мевлем“ е составен од музичарите: Памела Велкова – виолина, Верица Ајтовска – виола, Енис Аљи – виолончело, и самиот автор Марко Виденовиќ – пијано и глас, кои досега концерти одржале во: Загреб, Белград, Скопје, Битола, Охрид, Гевгелија и Велес.
Во вечерашната програма се вбројуваат композиции кои се специјално создадени за проектот „Мевлем“ и претставуваат иновативен пристап кон камерната музика и современата поезија.
„Мевлем“ е повеќе од концерт – тој е уметничка исповед, место каде поетскиот збор не се чита туку се чувствува, каде што музиката не се слуша туку се доживува. Создаден од композиторот и поет Марко Виденовиќ, овој проект е интимен дијалог помеѓу музиката и зборот, меѓу солистите и тишината, меѓу публиката и нејзините најдлабоки емоции.
Композициите, инспирирани од лична и колективна болка, љубов, надеж и тишина, се изведуваат од музичари кои со секој тон ја раскажуваат таа внатрешна вистина. Влијанието што овој проект го има врз публиката е од оние ретки, длабоки уметнички впечатоци што долго остануваат со човекот.
„Мевлем“ во својата суштина има потреба – да се понуди лековитост преку уметноста, да се овозможи допир со нешто исконско, нешто што ги надминува жанровите и формите.
„Целта никогаш не беше само да се приреди концерт, туку да се отвори простор за уметнички дијалог, за разбирање и заедништво. Резултатите од тоа не се само мерливи преку број на публика, аплаузи или медиумски интерес – туку преку тишината меѓу две композиции, преку солзите по последниот акорд, преку луѓето што приоѓаат по концертот не за да честитаат, туку за да споделат своја приказна. А токму тоа, всушност, беше и крајната цел“, вели Марко Виденовиќ, автор на Проектот „Мевлем“, кој вечерва ќе биде претставен пред публиката во Битола.
Култура
Концертна промоција на албумот „Егрерор“ на „ФИН проект“ и Тања Царовска

Концертната промоција на албумот „Егрерор“ на Никола Стојковски (ФИН Проект) и Тања Царовска ќе се одржи денеска со почеток во 20:30 часот во Куршумли ан.
На концертот, како гости ќе настапат и Петар Христов (саксофон и кларинет) и Горан Трајкоски – Готра, на пијано Билјана Петровска, бас и контрабас Андреа Мирческа, како и Илија Јовчев – виолина, Ева Ристеска – виолина, Ангела Винтовска – виола, Александар Ицковски – виолончело.
Албумот „FIN Project Orchestra“ е издаден во декември 2022 година од М-Сол Рекорд и е поддржан од Министерството за култура на Р.С. Македонија. Следуваше „FIN Project – Contemplation“ кој е издаден во јануари 2024 година.
Музичкиот материјал на албумот е подготвен во соработка со кларинетистот Петар Христов. А, како последно издание во 2024 година, FIN Project во соработка со светски реномираниот композитор и продуцент на извонредната Лиза Жерар, Марсело Ди Франсиши, го објави „Indie Monastery – One Big World (remixes)“ каде како вокален интерпретатор се појавува иранската дива Бахар Шах.