Непознат Американец подарил слика на Пикасо проценета на над 10 милиони евра на универзитетот во Сиднеј, под услов приходот да се искористи во научни цели

Сликата „Девојката што спие“ од 1935 ќе биде понудена на аукција што на 21. јуни ја организира лондонската куќа Christie’s. Нејзината вредност се проценува меѓу 10,1 и 13,5 милиони евра.„Тоа е вистински бисер меѓу делата на сликарскиот гениј на западната уметност и среќни сме што со неговата продажба на аукцијата ќе му помогнеме на сиднејскиот универзитет“, изјави Џована Бертазони, која во Christie’s се занимава со импресионистите и модерната уметност.Со парите од продажбата ќе се финансира новата установа за истражување на дијабетисот и срцевите болести.Девојката од сликата е всушност Мари-Тереза Валтер, што Пикасо ја запознал во 1927. година, кога имал 45 години, а таа 17, и која подоцна ќе му стане љубовница.Мари-Терз имала 17 години кога го запознала тогаш 45-годишниот Пабло Пикасо. Нивната врска долго време била држена во тајност, како поради нејзините години, така и поради фактот дека славниот сликар бил женет со руската балерина, Олга Кохлова.Во една прилика, Мари-Терез изјавила дека ништо не знаела за Пикасо пред да го запознае. Тие првпат се сретнале на железничка станица кога уметникот и пришол и и рекол „Јас сум Пикасо – вие и јас ќе направиме големи работи заедно“.Мари-Терез, која со Пикасо ја имала ќеркичката Маја, инспирирала неколку дела како што се „Сон“ и „Акт, зелени лисје и биста“.Во февруари годинава на аукција во Лондон за сума од 25,24 милиони фунти беше продадено платното  „La Lecture“ („Читање“) на кое исто така  Пикасо ја насликал својата љубовница Мари-Терез Валтер.Во март најскапата слика кога и да е продадена на некоја аукција, „Акт, зелени лисје и биста“ дело на славниот Пабло Пикасо првпат беше јавно е изложена во лондонската галерија „Tate“.Делото на Шпанецот изработено во 1932 г. кое минатата година на аукција на Christie’s во Њујорк беше продадена за 106,5 милиони долари, анонимниот приватен колекционер ја позајми на славната лондонска галерија каде ќе биде изложена во новиот музејски дел посветен на Пабло Пикасо.„Станува збор за едно од серијата дела на кои е насликана една од музите на Пикасо, Мари-Терез Валтер, а насликана е во Буасгелуп во Нормандија, на почетокот од 1932 г.“, изјави по тој повод Никлас Серота, директор на музејот „Tate“. Тој додава дека станува збор за едно од најдобрите дела на Пикасо од неговата ткн. Меѓувоена фаза.Пикасо поради возраста на Мари-Терез Валтер и бракот со Олга Кохлова ја криел својата врска. Ова дело е скриен портрет на тогаш 26-годишната Мари-Терез Валтер.Пред да биде продадена минатиот мај, сликата повеќе од 60 години беше дел од приватната колекција на Сидни и Франк Броди од Лос Анџелес. Тие ја купиле сликата во 1951 г. од компанијата „Paul Rosenberg & Co.“, која има седишта во Париз и во Њујорк, којашто, пак, ја купила од самиот Пикасо во 1936 г. Во текот на овој шестедецениски период, сликата била изложена само еднаш – во 1961 г., по повод 80-от реденден на Пабло Пикасо.Мари-Терз имала 17 години кога го запознала тогаш 45-годишниот Пабло Пикасо. Нивната врска долго време била држена во тајност, како поради нејзините години, така и поради фактот дека славниот сликар бил женет со руската балерина, Олга Кохлова.Во една прилика, Мари-Терез изјавила дека ништо не знаела за Пикасо пред да го запознае. Тие првпат се сретнале на железничка станица кога уметникот и пришол и и рекол „Јас сум Пикасо – вие и јас ќе направиме големи работи заедно“.Мари-Терез, која со Пикасо ја имала ќеркичката Маја, инспирирала неколку дела како што се „Сон“ и „Акт, зелени лисје и биста“.