Култура
Богата програма на „Скопско лето 2011“
Дирекцијата за култура и уметност на денешната прес-конференција одржана во градската кафеана „Пелистер“ ја претстави програмата на 32-то „Скопско лето“.
Дирекцијата за култура и уметност на денешната прес-конференција одржана во градската кафеана „Пелистер“ ја претстави програмата на 32-то „Скопско лето“.Под мото „Урбана уметност“, годинашното „Скопско лето“ традиционално ќе биде отворено на 21 јуни, со што се обележуваат првиот ден на летото и светскиот ден на музиката.„Дирекцијата за култура и уметност веќе 32 години ја реализира манифестацијата „Скопско лето“. Годинава подготвивме богата и мултимедијална програма која содржи театарски претстави, ликовни изложби и перформанси, програма за деца, музичка и филмска програма“ – нагласи Мирко Стефаноски од Дирекцијата за култура и уметност – Скопје.Свеченото отворање на манифестација на 21 јуни содржи два настани – изложба во Музејот на современата уметност и гала оперски концерт на Македонската опера и балет.„Особено ми е драго што „Скопско лето“ започнува од Музејот на современата уметност со проект во кој учествуваат триесетина значајни и познати имиња од рецентната светска ликовна сцена“, изјави Елиза Шулеска, директорка на Музејот на современата уметност.Кураторката на изложбата со која ќе биде отворено „Скопско лето“, Викторија Васева Димеска, на прес-конференцијата ги презентираше главните мотиви за поставувањето на изложбата.„Со наслов „Бендисај го или батали го“ изложбата е дел од еден поголем проект „Балканска трилогија“. Проектот започнал да се реализира уште во 2003 година, бил поставен во 2004 година, додека на Цетинското биенале Рене Блок направил избор со наслов „Love it or Leave it“ како екстракт од „Балканска трилогија“. Изборот досега е прикажан речиси во целиот свет“, објасни Викторија Васева Димеска.Изложбата содржи по едно дело во различни графички техники од автори како Марина Абрамовиќ, Маја Бајевиќ, Недко Солаков, ИРВИН, Сања Ивековиќ. Македонски учесници како автори во „Балканска трилогија“ се Жанета Вангели, Антони Мазневски, Игор Тошевски, Борјан Зафировски, Ана Стојковиќ и Оливер Мусовиќ.Во музичкиот дел на свеченото отворање на 32-то „Скопско лето“ ќе учествуваат солисти, оркестарот и хорот на МОБ. Диригентската палка на концертот, што ќе се одржи во Салонот на МОБ, ќе биде во рацете на Бисера Чадловска.На денешната прва прес-конференција за „Скопско лето“ своите програми ги претставија и Драган Довлев, директор на Театарот за деца и младинци, Васја Ивановски од „Блуз и соул фестивалот“, Бранко Чобанов од Францускиот културен центар.Традиционално „Скопско лето“ се одржува од 21 јуни до 31 јули на локации низ целиот град. Во програмата се поместени околу 70 настани. Покровители на манифестацијата се Град Скопје и Министерството за култура на РМ./крај/макфакс/т.д.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Култура
Инспиративен настап на SIN PUSTINJE во Битола за Меѓународниот ден на џезот 2024
МКЦ-Битола по јубилеен 10-ти пат го одбележа Меѓународниот ден на џезот во Битола 2024. Во прекрасниот амбиент на кафе барот Порта Џез, Ахмед Буриќ, Дамир Имамовиќ, Тони Китановски и Иван Михајловиќ приредија несекојдневно музичко поетско доживување.
Во проектот станува збор за искуството и интерпретацијата на музиката и поезијата која ги сумира различните интереси и вештини на уметниците кои досега ги познававме од другите жанрови. На концертот Буриќ, Имамовиќ, Китановски и Михајловиќ изведоа дванаесеттина песни од нивниот прв албум, како и некои други делови кои на изведбата во живо му дадоа комплетна форма и магична атмосфера.
Овој концерт по десетти пат ја стави Битола на глобалната мапа на градови кои го одбележуваат Меѓународниот ден на џезот и ги слават вредностите кои тој ги промовира. Битола ја ставаме на иста линија со светските метрополи кои имаат почит кон уметноста како начин на живот и извор на енергија не само за уметниците туку и за обичните граѓани.
Концертот се организира со финансиска поддршка на Министерството за култура и Општина Битола.
Култура
Вердиевата спектакуларна опера „Трубадур“ на 11 мај на „Мајските оперски вечери“
На 11 мај со почеток во 20.00 часот ќе се изведе спектакуларната опера „Трубадур“ од Џузепе Верди, во рамките на 52. издание на меѓународниот фестивал „Мајски оперски вечери“. Билетите за премиерната изведба на „Трубадур“ на 9 мај се распродадени.
Диригент е Иван Еминовиќ, режијата е на реномираниот македонски режисер, Иван Поповски кој живее и работи во Москва повеќе од две децении и за своите врвни уметнички достигнувања е добитник на највисоки признанија во Русија и низ светот и за првпат поставува опера на македонската сцена. Сценографијата е на Миодраг Табачки од Србија, костимографијата е на Марија Пупучевска, а кореографијата на Саша Евтимова.
Во улогата на Манрико ќе настапи гостинот од Чиле, Филипе Рохас, тенор кој настапувал на повеќе светски сцени, во улогата на Гроф Луна ќе настапи нашиот баритон Ристе Велков, во улогата на Леонора ќе настапи гостинката од Канада Криста де Силва, драмски сопран препознатлива по нејзините темни мистични бои. Во улогата на Ацучена ќе настапи, Сања Анастасиа, мецосопран, првенка на операта во Народниот театар во Белград. Во улогата на Ферандо ќе настапи нашиот бас, Владимир Саздовски кој е чест гостин на светските оперски сцени. Во останатите улоги ќе настапат: Јане Дунимаглоски, Ана Ројдева, Тихомир Јакимовски и Дејан Стоев во придружба на хорот и оркестарот на Националната опера и балет.
Романтична љубов, смртна љубомора и oдмазда се движечките драмски елементи на операта „Трубадур“ од италијанскиот музички мајстор Џузепе Верди. Операта се одликува со прекрасна музика и спектакуларно предводени вокални делови кои пренесуваат силни емоции, додека исклучително сложената приказна изобилува со огнена страст.
Култура
Изложба: „Четирите мајстори на модернизмот“
Град Скопје и ЈУ Културно Информативен Центар ќе отпочнат со реализација на Европскиот проект CreArt 3, со активноста „Европски месец на креативноста“ на 10 мај во галеријата Империјал 1 – ЈУ Културно Информативен Центар, каде што до крајот на месец мај ќе биде отворена групната изложба насловена: „Четирите мајстори на модернизмот“
Учесници: Теодора Андоноска, Мартин Буровски, Илина Василеска, Сергеј Јордановски, Камелија Каламерникова, Манели Крстиќ, Сара Милошевска, Ивона Петрова и Никола Тренов, сите студенти од четврта година на студиската програма Сликарство на Факултетот за ликовни уметности, Универзитет „Св. Кирил и Методиј“ – Скопје, во класата на проф. Слободанка Стевческа.
Изложбата „Четирите мајстори на модернизмот“ е воспоставена во чест на основоположниците на Факултетот за ликовни уметности од Катедрата за сликарство, професорите Петар Мазев, Родољуб Анастасов, Димитар Кондовски и Душан Перчинков.
Изложбата ќе биде отворена до 20.04.2024 година.