Култура
Семакедонска венчавка во Битола
Петнаесет парови, меѓу кои и еден од Албанија, се учесници на годинешната Семакедонска венчавка која започна денеска, а ќе трае и во наредните два дена во Битола.
Петнаесет парови, меѓу кои и еден од Албанија, се учесници на годинешната Семакедонска венчавка која започна денеска, а ќе трае и во наредните два дена во Битола.
Свадбата ќе биде проследена со народни обичаи, црковни обреди и се она што е карактеристично за ваков вид венчавки од овој крај. Возраста на паровите е различна, а свадбата е наменета за оние кои поради одредени причини од минатото и сегашноста не биле во можност да се венчаат во црква.
„Не сме црковно венчани, бидејќи тогаш кумот и деверот не смееја да одат во црква. Во брак сме 45 години, се надеваме дека ќе дочекаме златна свадба. Се пријавивме за да се венчаме во црква.’
„Во брак сме три години, но не сме се венчале во црква, па затоа се пријавивме“ велат дел од учесниците на Семакедонската венчавка.
Годинава, оваа манифестација се организира по трет пат и главната цел е враќање на корените и традицијата, како и настојување да се зголеми природниот прираст во нашата земја.Трошоците за црквата и венчавката ги покрива организаторот.
„Ќе стане традиција и ќе учествуваат се поголем број учесници во наредните години. Требаше да дојде еден пар од Овчарани, но не пристигнаа“ вели претседателот на МНД Борис Ангелков.
„Со свадбата укажуваме на една работа, а тоа е да се обезбедат услови за создавање на се повеќе семејства, а со тоа и на поголем број деца“ рече градоначалникот Владимир Талески.
На манифестацијата ќе бидат прикажани мали сегменти од свадбените венчални обичаи на нашиот народ. Ќе се прослави плетењето на венецот, китењето на руглицата односно бајракот, бричењето на зетот, месењето на „сваќата“, канење на законџиите, земање на невести и чинот на венчавање.
„Дел од невестите ќе бидат во традиционални носии од мариовскиот крај, од битолскиот крај, парот од Албанија во нивна носија, но ќе има и такви кои ќе бидат облечени во нивни фустани“ вели етнологот Александар Тодоровски.
Денеска се одвиваше чинот на канење на кумот и деверот со зурли и тапани на чело со бајрактарот, по него пајтонот, по кој следат свекорот и свекрвата, кои во рацете носеа погача и карта со вино.
Венчавката ќе трае и во наредните два дена. Утре од 19 часот на плоштадот Магнолија ќе се изведат дел од поважните свадбени обреди: месење „сваќа“, бричење на зетот, плетење венец и китење на бајракот односно руглицата. /крај/тера/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Култура
Изложба: „Четирите мајстори на модернизмот“
Град Скопје и ЈУ Културно Информативен Центар ќе отпочнат со реализација на Европскиот проект CreArt 3, со активноста „Европски месец на креативноста“ на 10 мај во галеријата Империјал 1 – ЈУ Културно Информативен Центар, каде што до крајот на месец мај ќе биде отворена групната изложба насловена: „Четирите мајстори на модернизмот“
Учесници: Теодора Андоноска, Мартин Буровски, Илина Василеска, Сергеј Јордановски, Камелија Каламерникова, Манели Крстиќ, Сара Милошевска, Ивона Петрова и Никола Тренов, сите студенти од четврта година на студиската програма Сликарство на Факултетот за ликовни уметности, Универзитет „Св. Кирил и Методиј“ – Скопје, во класата на проф. Слободанка Стевческа.
Изложбата „Четирите мајстори на модернизмот“ е воспоставена во чест на основоположниците на Факултетот за ликовни уметности од Катедрата за сликарство, професорите Петар Мазев, Родољуб Анастасов, Димитар Кондовски и Душан Перчинков.
Изложбата ќе биде отворена до 20.04.2024 година.
Култура
Распишани конкурсите за државните награди „11 Oктомври“ и „22 Ноември“
Денеска се распишани конкурсите за државните награди „11 Oктомври“ и „22 Ноември“ за 2024 година.
Со државната награда „11 Октомври“ се оддава највисоко признание за животно дело во областа на науката, уметноста, стопанството и во другите дејности од јавен интерес на државата. Наградата се доделува на поединци, група творци, екипи, установи, трговски друштва и здруженија на граѓани од земјава.
Со државната награда „22 Ноември“, пак, се оддава признание на личностите од политичкиот, културниот и општествениот живот во нашата држава кои дале свој придонес во унапредување на меѓучовечкиот соживот и меѓусебно разбирање меѓу припадниците на различните заедници, култури и вери.
Конкурсите за државните награди „11 Oктомври“ и „22 Ноември“ за 2024 година траат од 1 до 31 мај 2024 година.
Конкурсите се објавени и на веб–страницата на Министерството за култура на следните линкови:
Државна награда „11 Октомври“ – https://kultura.gov.mk/wp-content/uploads/2023/10/odluka-3.pdf
Државна награда „22 Ноември“ – https://kultura.gov.mk/22-%d0%bd%d0%be%d0%b5%d0%bc%d0%b2%d1%80%d0%b8/
Култура
Мајските оперски вечери немаат никакви примеси на економски ниту политички стремеж, организаторите го најавија 52-рото издание
Мајските вечери немаат никакви економски ниту политички стремеж, еден ваков уникатен собир ќе го обележи и Скопје и Македонија, соопштија организаторите на прес-конференција.
„Оваа манифестација датира од крајот на 60-тите години. Тогаш имало криза со публика, која не била изразена само во Скопје. Во првите години мајските оперски вечери се празни, но со текот на годините заинтересираноста расте“, изјавја организаторите.
Како што велат оттаму, ова е еден од најголемите фестивали во регионот и со квалитетна програма сите овие години.
„Оваа година ќе има екслузивна програма. Очекуваме одлични резултати“, додаваат оттаму.
Реномираниот македонски режисер Иван Поповски, со успешна кариера во Русија, ја поставува операта „Трубадур“ од Џузепе Верди, со чија премиера ќе се отворат 52. Мајски оперски вечери (МОВ) на 9 мај во Националната опера и балет (НОБ). Диригент ќе биде Енрико Довико (Италија), сценографијата ја работи реномираниот Миодраг Табачки од Србија, костимите Марија Пупучевска, а кореографијата Саша Евтимова.
Во рамките на 52. Мајски оперски вечери, во фоајето на Националната опера и балет, од 9 до 31 мај ќе биде поставена и изложбата „Оперска одисеја“ – наследството на Милка Ефтимова. Изложбата ќе ја сочинуваат донирани лични предмети од движно материјално и нематеријално културно наследство, класифицирани во категоријата лични предмети како и голем број награди, признанија, уметнички портрети и фотографии кои во детали ја прикажуваат нејзината богата музичка кариера.
„Оперска одисеја“ е резултат на институционалната соработка помеѓу Музејoт на македонската борба за самостојност и Националната опера и балет. Автор на изложбата е Василија Чали, соработник за визуелни уметности, дизајн и архитектура.