Филмското студио „Марвел“ најави десет нови филмови на годинешната конвенција „Комик-кон“ што се одржа вчера во Сан Диего. Директорот на компанијата, Кевин Фејџ, ја објави листата со филмови што ќе излезат до 2021 година, а се дел од ерата по „Одмаздниците“.

Едно од најголемите изненадувања е дека оскаровецот Махершал Али ќе го глуми ловецот на вампири Блејд, кој во филмот од 1998 година го глумеше Весли Снајпс.

Натали Портман соопшти дека ќе се врати во 4. продолжение на филмот за Тор – „Thor: Love and Thunder“. Таа повторно ќе ја глуми Џејн Фостер, но овој пат со моќта од чеканот на Тор.

Најавен е и филмот „Eternals“ во кој глумат Анџелина Џоли и Селма Хаек. На публиката ѝ беше откриено дека ќе се снима и првиот филм за азиско-американскиот суперхерој Шанг – Чи. Главната улога му е доделена на канадскиот актер Симу Лиу. Шанг-Чи, кој има татко Кинез и мајка Американка, првпат се појави во стриповите на „Марвел“ пред речиси 50 години.

Check out photos from the Marvel Studios panel in Hall H at San Diego Comic-Con. #SDCC (5/8) pic.twitter.com/o4bKI7COn0

— Marvel Studios (@MarvelStudios) July 21, 2019

Check out photos from the Marvel Studios panel in Hall H at San Diego Comic-Con. #SDCC (4/8) pic.twitter.com/n6CbcGx8ms

— Marvel Studios (@MarvelStudios) July 21, 2019

„Марвел“ објави и дека „Црната вдовица“ со Скарлет Јохансон во главната улога се снима веќе 30 дена, а се очекува да почне да се прикажува на 1 мај 2020 година.

Пет песни од македонскиот поет Стефан Марковски беа објавени во летниот број на списанието Harbinger Asylum, кое излегува четири пати годишно во Хјустон, Тексас, во издание на Transcendent Zero Press.

Прилогот со застапените песни е насловен „По трагата на белиот грифон“ и опфаќа делови од истоимената поетска збирка објавена минатата година во издание на издавачката куќа „Антолог“ и македонско-англискиот избор Ветена земја/Promised Land и се во превод на авторот и Никола Ѓелинчески.

Во актуелниот број, со прозни и поетски прилози на 118 страни присутни се над 40, меѓу кои меѓународно афирмирани автори од сите континенти, што говори за глобалниот предзнак на ова списание.

Уредници на списанието се американските книжевници и книжевни теоретичари: Дастин Пикеринг, З. М. Вајс, Стути Шри и Алекс Маас, додека илустрациите се дело на визуелната уметница Вера Илкон.

Во првото издание на Кино на трева од утре, 23 јули, па во наредните четири дена до 27 јули (сабота) ќе бидат прикажани пет филма во паркот на МКЦ.

Настанот е во организација на МКЦ и киното „Милениум“, а во склоп на програмата на „МКЦ за Скопје“.

Ќе биде обезбеден превод на македонски јазик, а на посетителите останува да си обезбедат место за седење со камперски столчиња или некое постаро ќебе за седење на трева. Сите проекции почнуваат во 21 часот, освен проекцијата на 26 јули, која ќе почне по полноќ.

Репертоар:
23  јули (вторник) COLD WAR | режија: Pawel Pawlikowski
24  јули (среда) DOGMAN | режија: Matteo Garrone
25  јули (четврток) LORO | режија: Paolo Sorrentino
26  јули (петок) ОСЛОБОДУВАЊЕ НА СКОПЈЕ | режија: Данило и Раде Шербеџија
27  јули (сабота) BORDER | режија: Ali Abbasi