Контакт

Актуелно

Годинешната награда „Св. Климент Охридски“ за драмскиот писател Зоран Пејковски

Објавено пред

Националната установа Универзитетска библиотека „Св. Климент Охридски“ од Битола на македонскиот драмски писател Зоран Пејковски му ја додели наградата „Св. Климент Охридски“ за придонес во литературата и културата.

Станува збор за една многу значајна, вредна и престижна награда што ја доделува оваа Национална установа на автори кои оставаат длабок печат во литературата и културата. Таков овој пат е Зоран Пејковски кој само оваа 2016-та година објавил четири книги.

Награда следува за збирките песни „Да не ми е сон“ во издание на издавачката куќа „Дијалог“ од Скопје, кој целосно е препеана на романски јазик, а на 22-ри ноември промовирана беше во Букурешт. Потоа збирката песни „Златна прашина“ за која ја доби и наградата „Јован Котевски“, па книгата „Избор драми-трагедии“, која ја приреди проф.д-р Димитар Пандев, кој во насловот од предговорот ќе напише: „Драмите на Зоран Пејковски – врв на македонскиот и светскиот натурализам“, со што го потврдува фактот дека Пејковски е единствениот натуралист во македонската литература. И сценско-драмскиот рецитал со пролог и епилог „Херувимите на Самуиловата круна“ кој беше одигран во 2014-та година по повод 1.000-годишнината од смртта на царот Самуил од актерите на Народниот театар од Битола.

Но 2016 година, на книжевен и творечки план за Пејковски ќе остане запаметена и по одигрувањето на адаптацијата на драмскиот текст во стих „Апостолска чудотворност“ по повод 1.100 години од упокојувањето на „Св. Климент Охридски“, а неа ја одиграа актерите на Народниот театар од Прилеп, по повод отворањето на Демирхисарско културно лето -Топол културен бран, во организација и со поддршка на Министерството за култура на Република Македонија и Општината Демир Хисар, потоа таа е одиграна и на отворањето на шестата по ред Меѓународна книжевна манифестација „Битолски книжевни паметења“ во организација и со поддршка на Министерството за култура на Република Македонија, потоа во Општината Могила, исто така во рамките на Топлиот културен бран во организација и со поддршка на Министерството за култура на Република Македонија и Општината Могила, а посебно беше одиграна на главната манифестација на Националната установа Универзитетска библиотека „Св. Климент Охридски“ од Битола во рамките на одбележувањето на патрониот празник на библиотеката.

Исто така, Зоран Пејковски во 2016-та година назначен е за почесен амбасадор на мирот, титула доделена од Швајцарија и Франција, која им се доделува на големите книжевни и уметнички имиња како нивен придонес за човештвото во Европа и светот, со што се докажува дека Пејковски, не само што е македонски писател, туку и европски и светски.

Инаку, Зоран Пејковски автор е на повеќе книжевни и драмските дела, и тоа: „Атомско време“ (трагедија, 1987), „Тесно небо“ (поезија, 1993), „Последниот чин на комедијата на смртта“ (трагикомедија, 1994), „Реликвија на светлината“ (поезија, 1996), „Облак во пантолони“ (препев на В.В. Мајаковски, 1997), „Relic of the light“ (поезија, 1998), „Филозофија на смртта“ (поезија, 1999), „Љубов на вересија“, (љубовно-еротска комедија, 2000), „Театарот е ритам и стил“ (публицистика, 2002), „За животот, љубовта и смртта“ (монодрама, 2011), одиграна на сцената на Народниот театар од Битола, во театарската сезона 2001-2002 година, „Театарот е фабрика за соништа“ (публицистика, 2012), „Сон“ (трагедија, 2013), „Сега знам“ (поезија, 2014), „Сите наши кодоши“, (македонска национална трагедија, 2014), „Самуилово распетие“ (драма во стих со пролог и епилог, 2014), потоа сценско-драмскиот рецитал „Херувимите на Самуиловата круна“, па следат: „Градот на јужното море“ (роман, 2015), и сценско-драмскиот рецитал „Со љубов кон Свети Климент Охридски“ (сценско – драмски рецитал, 2015), одиграна од актерите на Народниот театар од Прилеп, по повод отворањето на Демирхисарско културно лето – Летен културен бран во организација со поддршка на Министерството за култура на Република Македонија и Општината Демир Хисар. А пак во 2016 год, ги објавува: „Да не ми е сон“ (поезија, 2016), „Златна прашина“ (поезија, 2016) и „Избор драми – трагедии“ направен од проф. д-р Димитар Пандев (избор драми-трагедии, 2016). Меѓу другото тој е и автор на драмскиот текст „Мали детски разговори“ (пиеса за деца, 2016), итн.

Зоран Пејковски од 1995 год. е член на Друштвото на писатели на Македонија, потоа, член на Собранискиот одбор на Друштвото на писатели на Македонија, па претседател на Друштвото на писатели „Битолски книжевен круг“ од Битола. Тој е и член на Македонското научно друштво од Битола, и член на Управниот одбор на Македонското научно друштво, а бил и раководител на Центарот за култура, литература, драмска уметност, филм и издаваштво, кој работи во рамките на Македонското научно друштво, потоа тој е и главен и одговорен уредник на регионалниот информативен неделник „Јавност“, а е главен и одговорен уредник на списанието за книжевност, уметност и култура „Раст“, кое излегува во рамките на Друштвото на писатели „Битолски книжевен круг“ од Битола. До неодамна тој беше и главен и одговорен уредник на списанието за култура, литература, драмска уметност, филм и издаваштво „Современи дијалози“, кое излегува во рамките на Македонското научно друштво од Битола.

Пејковски, е преведуван и препејуван на повеќе странски јазици: англиски, француски, српски, словенечки, хрватски, босански, руски, бугарски, грчки, албански, португалски, шпански, романски, полски, влашки, итн. За својот книжевен и публицистички опус има добиено повеќе награди и признанија, меѓу кои: Наградата „За серија информации во популаризација на книгата“ на Културно просветната заедница на Македонија; Наградата „Празник на липите“, која ја доделува Друштвото на писателите на Македонија, на истоимената Меѓународна книжевна манифестација; Наградата „Медијала“ на „Македонија презент“ за збирката песни „Сега знам“; Наградата „4-ти Ноември“ на Општината Битола за книжевност и литература за збирката песни „Сега знам“ и за драмскиот текст „Сите наши кодоши“; Наградата „Јован Котевски“ за збирката песни „Златна прашина“; Наградата „ЕРГО СУМ“ за популаризација и афирмација на театарскиот израз; Наградата „Прозни мајстори“ за романот „Градот на Јужното Море“; Наградата „Св. Климент Охридски“ за придонес во литературата и културата./крај/мф/аш

Актуелно

Министерство за култура: Со наменските сметки се добива попрецизно следење на трансакциите

Објавено пред

Министерството за култура, за корисниците кои ги склучуваат договорите за поддржаните проекти на Годишните конкурси за 2021 година, појаснува дека во договорите за учество на Министерството за култура во финансирањето на проекти од национален интерес во културата е содржана нова обврска – корисниците да отворат посебна наменска сметка преку која ќе се реализираат сите трансакции поврзани со поддржаниот проект.

Од Министерството наведуваат дека наменската сметка овозможува прецизно и законито следење на користењето на буџетските средства и е во насока на отчетно работење на корисниците при реализација на проектите.

Отворањето на наменската смека е задолжитено само за правните лица, а не и за физичките лица, кои се корисници на буџетските средства.

„Министерството за култура е должно континуирано да ја следи финансиската реализација на секој проект поддржан на Годишните конкурси и да врши контрола над законитото, наменското и економичното користење на средствата Министерството за култура изразува уверување дека дефинирањето на попрецизни обврски во делот на следењето на финансиските трансакации во голем дел ќе придонесе за поефикасна реализација на проектите поддржани во Годишната програма“, се наведува во соопштението.

Прикажи повеќе...

Актуелно

76 години МНТ испишува историја

Објавено пред

Театарот е место каде што се случува нешто исклучително, тука се преплетуваат режисерските идеи со актерското срце, место каде што се создава магија, а публиката ја восприема со отворена душа.

Токму тоа се случи на 3 април 1945 година, се случи празник на македонскиот театар, завесата се крена, а во свечена тишина се изговори и првата реплика. Некогаш во Скопје — ѕидовите, тарабите и бандерите беа облепени со плакати на кои се објави радосната вест – „Денес се отвори Народниот театар“.

Од тој април до денеска веќе 76 години Македонскиот народен театар неуморно патува низ времето, го чува и го негува театарскиот идентитет, израз, јазик и вредности. Веќе 76 години театар во кои на сцената „живеат“ љубовта, среќата и болката, вистината и соништата, радоста и страста! Точно 76 години на креативност и творечка дејност низ кои на сцената, почнувајќи од првата, се поставени 405 претстави од 239 автори и драматурзи, а одиграни од 582 актери, поставени од 119 режисери и соработници, 115 сценографи, 75 костимографи, 31 кореограф, 102 композитори и избор на музика, огромен број луѓе позади сцената, дизајнери на плакати и програмки, одговорни за промоција, техничка служба, администрација и илјадници и илјадници вљубеници во театарот!

Ова е не само фантастична бројка туку и доказ за посветеноста и страста кон театарот! Сево ова е делот што го придвижува и го оживува МНТ!

Прикажи повеќе...

Актуелно

Државниот архив слави 70 години постоење

Објавено пред

Државниот архив на Република Северна Македонија (ДАРСМ), денеска (1 април), го слави своето 70-годишно постоење.

Свечената академија по повод овој јубулеј ќе се одржи во Музејот на македонската борба.

На настанот обраќање ќе имаат покровителот, премиерот Зоран Заев, како и директорот на Државниот архив, Емил Крстески, а со видеопорака ќе има обраќање Дејвид Фрикер, претседател на Меѓународниот архивски совет и директор на националниот архив на Австралија.

„Со оглед на условите во кои се наоѓаме, овој јубилеј ќе биде скромно одбележан, но сметаме дека е од особено значење ваквите јубилеи да ги искористиме за уште еднаш да го потенцираме исклучителното значење на архивите и на архивските работници како во нашата земја така и во целиот свет“, се вели во соопштението за настанот.

На свеченоста ќе биде промовирана и монографијата „Печат на времето – 70 години Државен архив (1951-2021)“, во која ќе биде презентиран историскиот развој на Државниот архив преку најзначајни фотографии и документи со кои располага Архивот, а ќе биде промовиран и зборникот „Првите луѓе на Државниот архив (1951-2021)“.

По завршувањето на официјалниот дел на настанот, гостите ќе може да ја видат изложбата „Скопската градска општина“, посветена на градоначалниците на град Скопје.

Прикажи повеќе...

Најново

Македонија9 часа

Владата ги поддржува активностите на Општина Охрид за отстранување на бесправните градби

Владата ги поддржува активностите за отстранување на бесправните градби на охридското крајбрежје, кои ги изведува Општина Охрид, со што ги...

Македонија14 часа

Затворски казни за издавање лажни пасоши на странци со криминално досие

Четири затворски казни и една условна за лицата што признаа дека изработувале лажни пасоши на странци со криминално досие. Судечкиот...

Македонија14 часа

323 нови случаи на Ковид-19, починати се 24 лица

Министерството за здравство информира, во согласност со податоците од Институтот за јавно здравје, дека во последните 24 часа се направени...

Македонија18 часа

Филипче: Одлуката за полицискиот час не ја донесов сам, туку по телефонска консултација со членовите на Комисијата

Одлуката за скратување на полицискиот час и за продолжување на работното време не е политичка, изјави министерот за здравство, Венко...

Македонија19 часа

Министерство за здравство: Граѓаните кои добиле порака да се вакцинираат во друг град, сами ја згрешиле локацијата

Граѓаните при закажување на веб-страницата vakcinacija.mk сами направиле погрешен избор на локација каде сакаат да се вакцинираат и поради тоа...

Македонија20 часа

Заев: Не верувам дека Црвенковски ќе формира нова партија

Премиерот и претседател на СДСМ, Зоран Заев, не верува дека експретседателот на Социјалдемократскиот сојуз Бранко Црвенковски ќе формира нова партија....

Свет20 часа

Вакцините на „Фајзер“ и „Модерна“ ја намалуваат хоспитализацијата на стари лица за 94 проценти

Вакцинацијата со вакцините на „Модерна“ или на „Фајзер“ значително го намалува ризикот од хоспитализација на стари лица, покажуваат податоците на...

Регион21 час

Вучиќ: Вакцинираните ќе добијат парична помош како награда

Претседателот на Србија, Александар Вучиќ, рече дека е донесена одлука за обезбедување дополнителна парична помош за оние кои се вакцинирани...

Свет21 час

(Видео) Израел ја рaкетираше Сирија, има и жртви

Израел рано утрово ja ракетираше северозападна Сирија при што загина најмалку еден човек, а повредени се шестмина. Авиони на израелското...

Свет21 час

Бајден: Нашата цел е до 4 јули да бидат вакцинирани 70 отсто Американци

Американскиот претседател, Џо Бајден, изјави дека целта е до 4 јули барем со една доза вакцина против коронавирус да бидат...

Македонија22 часа

Полициски час од 23 часот, угостителските објекти ќе работат до 22 и 30 часот

Од денеска полицискиот час ќе почнува од 23 часот, а угостителските објекти ќе работат до 22 и 30 часот, одлучи...

Регион1 ден

Борисов: Жртвата на Гоце Делчев да биде пример за Бугарија и Република Северна Македонија

Бугарскиот премиер Бојко Борисов на денешното одбележување на 118-годишнината од смртта на Гоце Делчев рече дека тој е еден од...

Свет1 ден

Колкy заработи „Фајзер“ оваа година од вакцините против коронавирусот

Минатата година во трката за развој на вакцина против Ковид-19 компанијата „Фајзер“ донесе голема одлука. За разлика од конкурентите, кои...

Свет1 ден

(Видео) Масакр во Бразил: тинејџер со мачета влегол во градинка и убил три деца и учителка

Осумнаесетгодишно момче со мачета влегло во градинка и убило три деца и учителка во Саудадес во бразилската држава Санта Катарина....

Македонија1 ден

Од Австрија пристигна првата количина вакцини од „Фајзер“

Mинистерот за здравство, Венко Филипче, се сретна со Каролине Едштадлер, сојузна министерка за ЕУ и Устав на Австрија. „Денеска, од...

Македонија2 дена

Регистрирани 67 новозаболени и 31 починат од Ковид-19

Во последните 24 часа направени се 1.169 тестирања, а регистрирани се 67 нови случаи на Ковид-19, и тоа во: Скопе...

Европа2 дена

Шефот на СЗО за Европа: Гледаме светлина на крајот од тунелот

Шефот на канцеларијата на СЗО во Европа, Ханс Клуге, изјави во Сараево дека е претпазлив оптимист и верува дека светот...

Македонија2 дена

Поднесено обвинение против Оливер Дерковски за набавката на софтверот за изборите

Основното јавно обвинителство за гонење организиран криминал и корупција поднесе обвинение против поранешниот претседател на Државната изборна комисија, Оливер Дерковски, и...

Економија2 дена

Дизелот поскапува

Од ноќеска на полноќ дизелот поскапува за половина денар, а цената на бензините останува иста, соопшти Регулаторната комисија за енергетика....

Свет2 дена

Светски научници: Нема да се постигне имунитет на стадо, вирусот брзо мутира

Меѓу научниците постои растечко верување дека имунитетот на стадото кога станува збор за коронавирус нема да се постигне во блиска...

Досие