Изложби
Данкан Кемпбел добитник на наградите Тарнер
Ирскиот видео-уметник Данкан Кемпбел е добитник на наградата Тарнер за 2014 година, една од најзначајните и најпрестижни награди во доменот на современата уметност во Велика Британија.
Данкан Кемпвел во своите дела го оживува ритуалите во коишто истражува на кој начин човековото племенско минато ја одредува нашата иднина. Овој ирски концептуален уметник ја доби наградата со којашто му припаѓаат 25 илјади британски фунти за филмската инсталација со наслов „It for Others“, направена за павилјонот на Шкотска на минатогодишното Венецијанско биенале.
Жирити неговата работа ја опиша како „амбициозно и сложено филмско остварување коешто облагородува со повторуваното гледање“. Во образложението за доделувањето на наградата на прогласувањето во музејот „Tate Britain“ во понеделникот вечерта, исто така, се истакнува и восхитувањето на членовите на жирито од „извонредната предаденост на уметникот на создавањето на делото коешто зборува за развојот на вредноста и смислата, со користење на тематски актуелниот и чувствителен материјал“. „Несомнено станува збор за сериозен, чувствителен филм со ригорозен новинарски пристап, повремено помешано со чудесните форми“, изјави претседателката на жирито Пенелопе Кертис, воедно и директорка на музејот „Tate Britain“.
Уметникот Кемпбел, чиј еден од примерите е Самјуел Бекет, во своите трудови ја испитува формата на документарниот филм со мешање на архивските снимки и новите материјали. Во 540минутниот добитнички своевиден „филм есеј“, Кемпбел ја разгледува вредноста на уметноста низ мачеништвото на активисти на Ирската републиканска армија (IRA), марксистичката теорија и антропоморфните позајмици. Примајќи ја наградата, Кемпбел изјави дека бил пресреќен уште со самото номинирање за престижната награда. „Извонредно многу ми значи мислењето на луѓето коишто го сочинуваат оценувачкото жири“, изјави ирскиот уметник.
Филмот „It for Others“ претставува спој од необична мешавина на филмски материјал, африкански маски и други предмети, сцени од шишенца со парфеми и пакетчиња со грицкалки кои се мешаат со снимки од танцувачка нумера на британскиот кореограф Мајкл Кларк инспирирана од Карл Маркс во која изведувачите, снимени одгоре, се извиваа во форми на математичките равенки. Делото е своевиден одговор на филмот „Les Statues Meurent Aussi“ (И статуите умираат) на Крис Маркер и Ален Ресне од 1953 година посветен на комодификацијата на африканската скулптура.
Во потесниот круг за престижната награда Тарнер (Turner) во областа на современата уметност оваа година беа уште и Канаѓанката која постојано живее во шкотски Глазгов Кјара Филипс, којашто беше номинирана со самостојната изложба во галеријата „The Showroom“ во Лондон, којашто за таа пригода беше претворена во печатарска работилница, потоа Велшанецот Џејмс Ричардс номиниран со филмот „Rosebud“ направен како придонес кон изложбата „Енциклопедиска палата“ на 55-то Венецијанско биенале, како и англискиот перформер Трис Вона-Мичел, номиниран за самостојната изложба „Postscript II“ поставена во Берлин и во Брисел.
Втемелена во 1984 година, наградата Тарнер се доделува секоја година на британски визуелен уметник помлад од 50 години за најдобра изложба или друг облик на изведување на неговите дела во текот на една година до април тековната година. Името го добила по англискиот сликар Џозеф Мејлорд Вилијам Тарнер. Наградниот фонд во износ од вкупно 40 илјади британски фунти се дела на четворица финалисти од кои лауреатот добива 25 илјади а другите тројца по пет илјади фунти.
На прогласувањето на наградениот традиционално му претходи изложбата на делата на четворицата финалисти во музејот „Tate Britain“ чија цел во прв ред е да ги претстави номинираните уметници и дела пред пошироката публика, имајќи предвид дека одлуката на жирито не почива на изложбата, туку на делата за кои уметниците се номинирани.
Во текот на изминатите децении наградата Тарнер одигра значајна улога во поттикнувањето на дијалогот за визуелната уметност како уметничка категорија, како и за зголемувањето на интересот на јавноста за современата британска уметност. Меѓу досегашните лауреати на оваа престижна награда се Енони Гормли, Демиен Хирст, Стив Мекквин и Грејсон Пери. Минатата 2013 година наградата и’ беше доделена на француската мултимедијална уметница Лори Прувос./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Изложби
„Ќе ме (С)нема!“ – изложба на Кети Талевска-Бакревска за исчезнувањето на Преспанското Езеро
Изложбата „Ќе ме (С)нема!“ – Ода за Преспанско Езеро на Кети Талевска-Бакревска отвора силна и емоционална приказна за еден од најзначајните еколошки проблеми во Македонија – исчезнувањето на Преспанското Езеро.
Изложбата претставува серија уникатни лумен-принтови, алтернативна фотографска техника, што ги изработува самата авторка, која е една од ретките што ја користи оваа техника во регионов.
Ова дело не е само израз на уметничката пракса, туку и форма на активизам-глас против незаинтересираноста на заедницата за заштита на природното богатство. Во оваа изложба, Талевска Бакревска користи нежна, но истовремено силна визуелна поезија, со што ја пренесува меланхолијата на исчезнувањето на езерото.
Во нејзиното дело се чувствува јасен и храбар став – критика кон општеството кое не реагира соодветно за да ја зачува природата. Преку „Ода за Преспа“, Кети ја потенцира потребата за итна акција и сочувство кон животната средина, посочувајќи дека секој од нас има одговорност во битката за иднината на нашите еко-системи.
Изложбата ќе се отвори во понеделник, 18.11.2024 година, во Офицерскиот дом во Битола, во 20.00 часот.
Изложби
„Фрагментирана интроспекција“ – изложба на скулптури на Слободан Милошевски во Неготино
На 23 мај 2024 од 19:30 часот во изложбениот салон на Музеј на град Неготино ќе биде отворена изложбата „Фрагментирана интроспекција“ од авторот Слободан Милошески.
Изложбата е составена од 14 скулпторски дела од галериски формат, создадени во последните две години во материјал инокс. Публика ќе има прилика да ја посети изложбата до 1 јуни.
„Фрагментирана интроспекција“ е технички умешна и концептуално богата изложбена поставка која ја истражува сложената врска помеѓу нашето Јас, перцепцијата и идентитетот. Го ангажира гледачот и на интелектуално и на емоционално ниво, поттикнувајќи подлабоко истражување на сопственото битие. Оваа изложба е доказ за умешноста на уметникот и неговата способност да пренесува сложени и длабоки концепти преку медиумот на метал, што резултира со прекрасни уметнички дела кои предизвикуваат контемплација.“ – вели историчарот на уметност проф. д-р. Џемил Бектовиќ во својата критика по повод оваа изложба.
Слободан Молошески е роден во Охрид во 1977 година. Тој дипломира на Факултетот за физичка култура во Скопје во 2001 година. Во 2009 година дипломира на Факултетот за ликовни уметности во Скопје на вајарски оддел, а магистрира на истиот факултет во 2011 година. Во 2018 година докторира на Национална уметничка академија во Софија, Р.Бугарија, на катедра „Скулптура“.
До сега има реализирано 30 самостојни изложби , а учествувал на повеќе од 90 групни изложби во земјава и странство. Добитник е на 16 награди и признанија, од кои најзначајни се наградата за скулптура „Јордан Грабул“ доделена од Друштво на ликовни уметници на Македонија во 2012 и 2015 година, наградата за скулптура мал формат „Димо Тодоровски“ доделена од ДЛУМ во 2014 година , Награда за скулптура доделена од ДЛУМ во 2020 година , нагадата за современа скулптура „Боро Митриќески“ доделена во 2021 година. и наградата „Адем Кастрати“ доделена од КИЦ-Скопје во 2021 година.
Во неговата биографија се забележливи реализираните скулптури во јавен простор меѓу кои: Скулптураи на Живо Чинко, Ристо Шишков, Кузман Шапкарев, Јоаким Крчоски,
Спомен облежјето на Првото заседание на АСНОМ, Скулптура на Муза наменета за фасада на објектот „Стар театар“, скулптури наменети за фасадата на објектот на МНР, како и скулптура поставена на Интернационалниот Балкански Универзитет, сите во Скопје.
Авторот Милошески е член на ДЛУМ од 2009 година, а во моментот работи како вонреден професор на Ликовната академија при Универзитетот „Гоце Делчев“ во Штип.
Изложби
Мице Јанкуловски ја отвори изложбата во Букурешт
Синоќа, во 19 часот, беше отворена самостојната изложба на слики од Мице Јанкуловски, „Надвор од црното“, во галеријата „Галатека“ во Букурешт.
Автор на концептот е Корнелија Конеска, а куратор – Анка Боериу, универзитетски професор на Националниот универзитет за уметност на Романија.
За уметничкото творештво на Јанкуловски
Како уметник повеќе од пет децении Јанкуловски континуирано е посветен на истражувањето во областа на сликарството и цртежот, но експериментирал и се претставувал преку повеќе уметнички дисциплини (сликање на стакло, карикатура, анимиран филм, палиндроми…) заради што меѓународната професионална јавност го препознава како мултимедијален уметник. Во своето уметничко дело тој постојано ги истражува формата, просторот, бојата, небојата и движењето како елементи што се повторуваат.
Јанкуловски првенствено се занимава со истражување или поточно барање на разните форми, кои ги поставуваат темелите за создавање уметност. Неговите интереси вклучуваат испитување на врските меѓу формите и просторот, нивното заемно влијание и како формите се движат во даден простор. Кога се набљудуваат неговите слики и цртежи, може да се забележи дека доминантни се геометриските форми, но на крајот тие еволуираат во поорганска и невоздржана форма. Рабовите на овие форми играат клучна улога во дефинирањето на просторот и овозможуваат тој да функционираат како кохезивна целина.
Последната фаза на концептуални слики на Јанкуловски се одликува со монохроматичност, модуларност, мултипликација и минимализам. Уметникот користи систематски пристап за примена на основни форми, како што се кругови, квадрати и триаголници на големи квадратни платна, користејќи само црна боја. Формите се создаваат со правење шари на намази од дебел слој црна боја. Во зависност од тоа дали намазите се нанесуваат на заднината или на самите форми, се постигнува дополнителен впечаток на позитивно/негативно. Серија од дела се создава со мултипликација на формите во платната, како и со мултиплукација на самите платна, што резултира со големи концептуални дела, како полиптиси.
Веднаш треба да се забележи дека црното, т.е. небојата, како што понекогаш се дефинира, е единствениот протагонист на делото… покрај светлината како составен дел на конечниот резултат.
Во однос на просторната организација на концептуалните дела од повеќе делови, Јанкуловски секогаш се труди да обезбеди можност за нивно читање, без разлика на позицијата на деловите, за да може да се набљудуваат поставени на разни начини – резултат на неговиот првичен интерес за палиндромите (зборови што се читаат исто и напред како назад).
Индивидуалниот творечки потпис во делата на Јанкуловски се стреми кон контемплативност и медитативност со претставување на постојаната различност на универзалниот поредок. Неговата потреба да ги пренесе горенаведените односи во (речиси) дводимензионални дела е на ниво на филозофска интерпретација, при што секое дело има своја приказна и отвора мноштво нови димензии.
Неговото најново уметничко творештво е истражување со карбон (познатата најцрна боја) – боја откриена со најновите нанотехнологии, која обезбедува поглед во непознатото надвор од сè што досега е познато за црното.
За изложбата „Надвор од црното“
Основниот мотив на изложбата е визуелен одговор на прашањето: „Што има надвор од границите?“
Наспроти белата боја (која ги рефлектира сите бои), црната ги апсорбира сите бои и се доживува како граница каде што сите бои завршуваат. Дали е така? Што е зад или подобро надвор од црното? Според перцепцијата на Јанкуловски – повеќекратна реалност!
Концептот на изложбата е една од тие реалности. Главните атрибути на неговото уметничко дело му дозволуваат да прави бескрајни варијации и разни реалности, но како докажан минималист ги постигнува со минимални елементи. Како и секогаш, тој користи само црни квадратни платна со разни растери со црн акрилик. Конечниот резултат се постигнува со мултипликација на формите и со комбинација на модуларните (претходно обмислени) формати на платната распоредени во полиптиси.
Изложени дела:
„Ноќите на Тоскана“, 2019 (сегмент)
Полиптих од 10 слики, акрилик на платно, 195 x 1.950 cm (195 x 195 cm/секоја)
„Круговите на Леонардо“, 2020 (сегмент)
Полиптих од 4 слики, акрилик на платно, 195 x 780 cm (195 x 195 cm/секоја)
„Хоризонтален свет“, 2021 година
Полиптих од 4 слики, акрил на платно, 195 х 390 см (97,5 x 97,5 cm/секоја)
„Дијагонален свет“, 2021 година
Полиптих од 4 слики, акрил на платно, 195 х 390 см (97,5 x 97,5 cm/секоја)
(Видео) Макрон: Мора да се подготвиме, САД можеби повеќе нема да бидат со Европа
Францускиот претседател Емануел Макрон и се обрати на јавноста пред утрешниот самит на Европската унија во Брисел. Макрон утрово на...
Зеленски: Очекуваме позитивни вести од САД почнувајќи од следната недела
Киев очекува позитивни вести од САД почнувајќи од следната недела, изјави украинскиот претседател Володимир Зеленски. Во своето ноќно обраќање, Зеленски...
Обвинителството предложи одземање на пасошот за двајцата возачи поради сообраќајката на автопатот Гостивар-Тетово во која загина жена
Основното јавно обвинителство Гостивар поведе постапка и предложи мерки на претпазливост за двајцата возачи по вчерашната сообраќајна несреќа на автопатот...
Напаѓачите се осудени, но мотивот омраза не е докажан, oбјави адвокатот на Пендиков
Двајцата обвинети за претепувањето на Христијан Пендиков – Илија Спасески и Борче Ангелов, од Основниот суд во Охрид се осудени...
Адвокатите на Палчо со уплатница докажуваат дека за време на убиството на Вања тој бил во банка
Со прикажување уплатница од една банка во Скопје адвокатите на првообвинетиот Љупчо Палевски на денешното рочиште за убиствата на Вања...
Мицкоски инспириран да бара уште евтини пари како унгарските поради огромниот интерес: Бизнисот ни е гладен
Бизнис-заедницата покажала интерес за повеќе од 250 милиони евра, пари од унгарскиот кредит, кои Владата ги намени за компаниите во...
Мицкоски не се сретнал со Груевски во Будимпешта, но рече дека набргу и со докази ќе покаже дека функционери од СДСМ и ДУИ се среќавале
Премиерот Христијан Мицкоски при посетата на Будимпешта изминативе денови не се сретнал со избеганиот поранешен премиер од ВМРО-ДПМНЕ, Никола Груевски....
Запленети 18 килограми сребро, облека, обувки и играчки со потпис на заштитени трговски марки
Царинските службеници на влез во државата на граничен премин Богородица спречија обид за криумчарење на околу 18 килограми сребрен накит...
Детето врз кое падна гранка од дрво во Карпош е хоспитализирано и сè уште е под опсервација
Во координација со јавен обвинител од Основното јавно обвинителство Скопје екипи на Министерството за внатрешни работи извршија увид во Општина...
Разрешен Сашо Дранго, кој се фотографира со убиена мечка, на негово место во „Македонијапат“ доаѓа Александар Шуковски
Сашо Дранго е разрешен од функцијата заменик-директор на ЈП „Македонијапат“, а на негово место е назначен Александар Шуковски, економист од...
Аспарагус, папаја, манго, леб за 440 денари за Владата, а народот тоне во сиромаштија, велат од Левицата
Додека платите на работниците не стигаат ниту за покривање на сметките за струја, владиниот врв се гоштева на грбот на...
Загина велосипедист: уапсен 26-годишен скопјанец кога со возилото удрил во него
Денеска во 00.10 часот во СВР Скопје било пријавено дека на бул.„Киро Глигоров“ во Скопје, патничко возило „мицубиши аутлендер“ со...
Внукот на Де Гол: Украина беше искористена за почнување војна против Русија
Украина ja искористија како инструмент за да предизвикаат војна против Русија, изјави Пјер де Гол, внук на генералот Шарл де...
Министерството за култура не постапува доследно при изборот на директор на Македонската филхармонија, велат вработените
Со последното соопштение на Министерството за култура и туризам, одговорните од оваа државна институција се обидоа да го оправдаат незаконското...
(Видео) Трамп му се обрати на Конгресот: „Американскиот сон е незапирлив“
Американскиот претседател Доналд Трамп одржа говор пред двата дома на Конгресот во кој ги презентираше активностите на неговата администрација во...
По вчерашните инциденти и тепачки во Собранието на Србија, Брнабиќ со порака до опозицијата: Ако немаат ништо посилно од шок-бомби и солзавец, да не се појавуваат
По вчерашните бурни настани, Собранието на Србија денеска од 10 часот ја продолжува седницата. Пратениците ја завршија принципиелната расправа за...
Кина: Ако САД сакаат војна, трговска или која било друга, ќе се бориме до крај
Американскиот претседател Доналд Трамп одржа говор пред Конгресот. Тој зборуваше цели два часа. Говорот е првото големо обраќање на Трамп...
Трамп откри дека Зеленски му испратил писмо: подготвен е за мировни преговори
Претседателот на Соединетите Американски Држави, Доналд Трамп, во своето обраќање пред Конгресот откри дека украинскиот претседател Володимир Зеленски му испратил...
Приведен 19-годишниот возач поради несреќата на автопатот кај Тетово во која жена загина на лице место
Приведен е 19-годишен возач, по сообраќајната несреќа на патот Тетово-Гостивар, во која животот го загуби 81 годишна жена од Охрид,...
Што значи за Украина прекинот на воената помош од САД
Одлуката на американскиот претседател Доналд Трамп привремено да ја прекине помошта за Украина е горчлив удар – не само за...
