Шведскиот издавач на серијата „Millennium“ на Стиг Ларсон го ангажирал писателот Давид Лагеркранц да го напише четвртото продолжение кое треба да биде објавено во август 2015 година.

Оригиналната трилогија на Ларсон за новинарот Микаел Бломквист и хакерката Лизбет Саландер е продадена во повеќе од 75 милиони примероци во светот, а според неа во Шведска и во САД се снимени филмови.

„Донесовме одлука да му дозволиме некому да ја продолжи приказната и напише што натаму се случило“, изјави Ева Гедин од издавачката куќа „Norstedst“.

Лагеркранц, кој е коавтор на книгата за фудбалерот Златан Ибрахимовиќ, веќе почнал да го пишува продолжението, што, како што вели, е „многу забавно“. Новата книга ќе ја следи приказната за убиството, корупцијата и семејните тајни од првите три книги и ќе се концентрира на главните ликов, но се очекува дека Лагеркранц ќе даде и свој печат на книгата, пишува BBC.

Партнерката на Стиг Ларсон, Ева Габриелсон за шведскиот дневен весник Aftonbladet изјави дека смета оти „невкусно е на неговите книги да се прават обиди да се згрнат уште повеќе пари“. Стиг Ларсон ги доврши книгите кои станаа светски бестселери веднаш по нивното објавувањето на првата во средината на 2005 година, насловена на шведски „Човекот кој ги мрази жените“, но кога книгата беше објавена англиски насловот беше променет во„Девојката со тетоважа на змеј“, „Девојката која си играше со оган“ и „Кули во воздух“ или „Девојката која ги удираше осилата“, пред да почине од срцев удар на 9-ти ноември 2004 година, една година пред објавувањето на првиот од серијата романи „Милениум“

Ева Габриелсон, којашто живееше со Ларсон триесет години, уште во 2011 година објави дека тој почнал да го пишува и четвртото продолжение и имал 200 страници за четвртото продолжение во неговиот лаптоп, коишто таа може да ги заврши ако дозволи семејството. „Веројатно станува збор за неповрзани делови. Стиг пишуваше спонтано, ќе ги напишеше прозорите, но дури подоцна ги поврзуваш. Тоа не може да се нарече роман“, рече тогаш за BBC Габриелсон. Таа сега тврди дека издавачот немал пристап до делумно довршениот ракопис, па Лагеркранц ќе мора да почне од нула.

Според други извори, Ларсон напишал 120 страници од четвртата книга, кои навистина се наоѓаат во неговиот лаптоп. Габриелсон, беше инаку, во правен спор со семејството на писателот за неговата оставина Таа предложи да ја доврши четвртата книга, но сепак семејството на Ларсон не се согласи. „Нема да откријам за што се работи во четвртата книга, и што е уште поважно, нема други примероци“, напиша таа во автобиографската книга „Милениум, Стиг и јас“чиј коавтор е француската новинарка Мари-Франсоа Коломбани.

Шведскиот новинар и писател Стиг Ларсон е роден 1954 година, израснал во северниот дел од земјата во местото Норсјое. Го воспитувале бабата и дедото, сѐ до смртта на дедо му во 1962 година. Тогаш го завршил образованието и го отслужил воениот рок, се вработил како новинар, а една од првите задачи му било известување за граѓанската војна во Еритреја. По враќањето од Африка, каде што бил заразен од маларија, почнал да работи како графички дизајнер и уредник во новината агенција Tidningarnas Telegrambyr, каде што се задржал дваесет години.

Важеше како еден од најдобрите светски познавачи на десничарските екстремистички групи и силно се спротиставуваше на нивното влијание. Во средината на 1980-те го покрена проектот „Stop the Racism“. Фондацијата Expo ја основа во 1995 година и стана главен уредник на истоимениот весник кој беше под постојани закани од десничарските екстремисти.

Трите книги од серијалот „Милемниум“ станаа светски феномен и најпродаваните европски книги последните децении. Првата и третата беа наградени со најреномираната награда за криминалистички романи во Скандинавија – Glasnyckel, додека втората ја доби наградата на Шведската академија за уметност за детективски романи./крај/мф/сн