Книги
Промоција на книгата „Бродот. Кознархија“ од Томислав Османли

Во среда, со почеток во 20 часот, во галеријата на Младинскиот културен центар ќе се одржи промоцијата на најновиот роман на Томислав Османли „Бродот. Конзархија“.
Во среда, со почеток во 20 часот, во галеријата на Младинскиот културен центар ќе се одржи промоцијата на најновиот роман на Томислав Османли „Бродот. Конзархија“.
Промотор на книгата ќе биде академик Ферид Мухиќ, поздравната реч е на Владимир Јанковски, а извадоци од романот ќе чита Бисера Бендевска.„Бродот. Конзархија“ е роман во кој авторот кој се обидува да ги открие својствата на новото прагматично време полно со симулакруми, со лажни стварности, кое во крајна линија и самото ќе се покаже како време на омасовени илузии и општи и лични прелаги. Дејството на романот се случува во 2039 година. Во тоа време, покрај отуѓените карактери на својата негативна утопија, Османли го открива носталгичниот човек проектиран во блиската, отуѓена и хипер-меркантилна иднина.Жанровски, романот може да се опише како антиутопија, универзално тематизирана реплика на негативно-утопискиот жанр, втемелен во романот „Ние“ на Јевгениј Замјатин, жанр кој својот врв го достигнува во „1948“ на Џорџ Орвел. Романот е лоциран во препознатливиот простор на нашиве координати и со мноштво футуристички ремарки ја гради хипотетичката слика на идното време. Колку атомизирано, испарцелизирано и отуѓено да е општествената средина која Османли ја доловува во својата нова прозна книга, неговата нарација – чии фантастички својства тука добиваат нов и технолошки израз – ни тука не е лишена ниту од карактеристичниот ироничен хумор, сега и сатира кои без анестезија удираат по сопственичките, меркантилните и алиенациски својства на идното време и единка. Неговиот „Брод“ открива една заедница, дозаринкана во реката на времето, па трансцендирајќи ја нашата денешна позиција на прикрајокот од скаменетото море на континентална Европа, гради критички став кон историски проектираната хипокризија на клучни не само „домицилни“, ами и кон највисоките, мирски и верски институции и на „Старата дама“. Романот ја открива ентропијата што ги овладува корпоративните заедници и системи засновани на мали самосвојни, меркантилни региони и апсолутизираните вредности кои ги претставуваат пред сè финансиските, профитерски и меркантилни, не веќе и човечките солидаристички, емпатиски, финансиски безусловни филантрописки мерки…Во време на зголемената понуда на идеолошките утопии, Томислав Османли го создава својот дистописки „Брод. Конзархија“ со кој книжевно уверливо: релјефно, фабуларно, духовито и критички запловува во својата визија на иднината на овој дел од еден футуристички свет.Томислав Османли (1956) диломирал право на Правниот факултет во Скопје, но 38 години работи како новинар, уредник во доменот на културата и уметноста. Автор е на над дваесет книги проза, теорија, публицистика, драмски текстови, сценарија. Неговата студија „Филмот и политичкото“ (1981) е првата македонска теоретска книга посветена на Седмата уметност, првично промовирана во институтот за филм во Белград. Трудот насловен „Стрип, запис со човечки лик“ (1987, 2002), пак, е првата македонска теоретска книга посветена на Деветтата уметност. Книгата јудео-балкански раскази и новели „Светилка за Ханука“ (2008) стана лауреат на наградата „Прозни мајстори“. Романот „Дваесет и првиот“ беше прогласен за Роман на годината (2010), а потоа и изабран за македонски претставник во книжевниот натпревар за наградата „Балканика“. Негови преводи се објавени во Загреб, Цетиње, Белград и Москва, а наскоро ќе се појават преводите на арапски и бугарски јазик. По „Дваесет и првиот“ (2009) и „Зад аголот“ (2012), ова е негов трет роман.Автор е на повеќе наградувани сценарија за играни телевизиски филмови./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Книги
Промоција на книгите „Историја на човештвото“ од Џани Родари и „Визуализација на современата македонска книжевност“ од група автори

На 29 април во 18 часот во Студентскиот културен центар ќе се одржи промоција на книгите „Историја на човештвото“ од Џани Родари и „Визуализација на современата македонска книжевност“ од група автори.
Двете изданија се резултат на соработката меѓу студентите и наставниот и соработничкиот кадар од Факултетот за ликовни уметности, Филолошкиот факултет „Блаже Конески“ и Машинскиот факултет при Универзитетот „Св. Кирил и Методиј“ во Скопје.
Издавањето на книгите е поддржано од Инситутот „Данте Алигиери“ во Скопје, Здружението Данте Алигиери во Рим и Министерството за култура и туризам.
Книги
Книгата „Мајсторот“ од Димитар Башевски објавена во Софија

Во издание на издавачката куќа „Изида“ од Софија, деновиве е објавена книгата раскази мајсторот од Димитар Башевски. Тоа е трета книга од Башевски објавена во Бугарија. Претходно објавени се неговите романи „Бунар“ и „Круг“. Преводот на книгата „Мајсторот“ од македонски на бугарски јазик е на Тања Попова.
Во текстот кон објавената книга се вели дека „Димитар Башевски го води читателот на книжевно патување низ длабоките слоеви на човечките емоции и вечните потраги. Со екстремна леснотија и чувство за јазични нијанси, авторот слика живописни слики на љубов, страст и копнеж кои се испреплетени со огромните прашања за смислата на животот и човечкото место во светот“.
Димитар Башевски е автор на дваесеттина книги проза и поезија. Добитник е на највисоките книжевни и општествени награди во земјата. Неговите книги се преведувани и објавувани на повеќе европски јазици.
Книги
МАИ ги додели наградите за изданијата меѓу два Саеми на книга

Комисијата за доделување на наградите на Македонската асоцијација на издавачи за периодот меѓу два саема, по разгледувањето на апликациите и на примероците од книгите доставени од издавачите, на состанокот на 15.04.2024 г. донесе одлуки за доделување на наградите на МАИ меѓу двата саема во мај 2023 и април 2024 година.
Признание за најдобра едиција, при што основен критериум бил уредничкиот пристап, концептот на едицијата и унифицираниот изглед/дизајн, со 1. место наградена е едицијата „ПРОаЗА“ („Или-или“), со 2. место едицијата „Бранови“ („Антолог“) и со 3. место едицијата „Современи класици“ („Арс ламина“).
Признание за најдобар оригинален дизајн на корица добија „Не кажувам“ од Петар Андоновски, дизајнирана од Марко Трпески („Полица“), „Базирано врз речиси вистинити настани“ од Ѕвездан Георгиевски, дизајнирана од Наталија Лукомска („Бегемот“) и „Кабинет на чуда со ѕидови од огледала“ од Владимир Јанковски, дизајнирана од Марко Трпески („Антолог“).
Признание за најдобро ликовно-графички уредено издание добија „Варшава го исцртува Скопје“ од Кинга Нетман-Мултановска; автор на дизајнот: Петер Личковски („Бегемот“), „Костимот во Македонија од појавата на фотографијата до денес“ од Зорка Тодорова Младеновиќ; графичко уредување на „Арс ламина“ и „Гени, мени, сени“ од Владимир Лукаш (текст и илустрации), со графичко уредување на „Супрема“.
Признание за оригинални целосно илустрирани книги за деца (сликовници) добија „Си беше еднаш – Најубавите бајки на сите времиња“ (прир. Оливера Ќорвезироска, со илустрации на Наталија Лукомска) („Арс ламина “), „Момчето од зборови / Девојчето од ноти“ од Катерина Николовска („Чудна шума“) и „Рокчето“ од Никола Маџиров, со илустрации на Анета Илиевска („Арс ламина“).
Во категоријата најкреативно издание каде влегуваат оригинални изданија за возрасни или за деца, кои се издвојуваат по својата нестандардност, признанија добија „Момчето од зборови / Девојчето од ноти“ од Катерина Николовска („Чудна шума“), „Шарени ириси“ од Јована Матевска Атанасова, со илустрации на Симонида Филипова Китановска („Арс ламина“) и „Мојата прва библиотека“ од Деспина Мукоска („Арс ламина“).
Признанието за автор на годината го доби Лидија Димковска („Три“).