Контакт

Македонија

Ако само еден пратеник од ВМРО-ДПМНЕ ме изневери и гласа за уставните измени, ќе се повлечам од политиката, порачува Мицкоски

Објавено пред

Лидерот на ВМРО-ДПМНЕ, Христијан Мицкоски, синоќа, од Кичево, со порака дека доколку само еден пратеник на партијата ја изневери неговата доверба и гласа за уставните измени, тој ќе се повлече од политиката.

dobivaj vesti na viber

„Тоа го кажав и пред нецела година и стојам зад тоа. Ќе го слушнете Димитар Ковачевски дека јас сум се борел за фотелја. А јас кажувам дека ако само еден пратеник ме изневери, заминувам од политиката. Па кој тогаш се бори за фотелја. Нема некој што повеќе од него се бори за фотелја“, изјави Мицкоски.

Оценува дека македонскиот народ денеска е исправен можеби пред најголемиот егзистенцијален предизвик, а тоа е, како што рече, да се избори за себе и за својата Македонија.

„Дали тоа ќе го направиме? Да! Ќе се избориме сите заедно затоа што ја чувствувам поддршката на народот каде и да одам во Македонија. Во таа борба има многу предизвици, и однатре и однадвор. Многумина ќе дојдат до вас, ќе ви ја стегнат раката и ќе ве погледнат в очи и ќе ви кажат сè што сакате да слушнете. Но, внимавајте, истите тие што ќе ви кажат сè што сакате да слушнете, зад завесата се договараат со своите стопани. Кои се нивните стопани? Сите тие што не сакаат овој народ да успее и оваа држава да успее“, рече Мицкоски.

Истовремено, потсети на периодот кога тогашната власт бараше гласови за менување на името на Република Македонија.

„Трчаа по ВМРО-ДПМНЕ и најдоа осум гласа. Тоа беше голем срам за партијата“, истакна тој.

„И не беа само осуммина пратеници, беа повеќе, имаше неколкумина што беа на резервната клупа. Да, тоа е вистината. Додека не ѝ погледнеме на вистината в очи, нема да бидеме подобри. Така беше. И, затоа, ви повторувам, ако еден пратеник ја изневери мојата доверба, јас заминувам од политиката“, потенцира лидерот на ВМРО-ДПМНЕ.

„Колку да ви кажуваат какви било романтични предлози и идеи дека ќе направиме вака и така, верувајте – тие ве мамат“, нагласи Мицкоски.

Македонија

(Видео) Спасовски: Каде што има големи ветувањата, одете со мала торба, предлогот за влада е без план во економијата и стратешките цели

Објавено пред

Од она што денеска беше соопштено во јавноста при поднесувањето на предлогот за работа и состав на новата влада јасно е дека не постои јасен план во делот на економијата, нема јасни правци за стратешките интереси, а кадровскиот потенцијал што се нуди не одговара на очекувањата на граѓаните, рече денеска во изјава за медиумите координаторот на пратеничката група на СДСМ, Оливер Спасовски.

dobivaj vesti na viber

 

„Од поднесениот предлог за состав на новата влада може да се констатира дека се продолжува во насока на големи ветувања и напразно кревање на очекувањата на граѓаните. Во суштина, важи народната: каде што имаат големи ветувања, одете со мала торба“, рече Спасовски.

Не постои јасен план во делот на економијата, додаде тој.

„Не постои јасен план во делот на економијата. Како и на кој начин ќе се заштити минималната плата? Како ќе расте просечната плата во државата? Нема детален план како ќе растат пензиите и кој ќе биде системот на гарантирање на растот на пензиите. Како ќе се стопираат зголемувањата на цените, што ќе се прави во делот на здравството како еден од клучните сегменти“, посочи Спасовски.

За жал, немаме ниту јасни правци за исполнување на нашите стратешки интерери, членството во ЕУ, освен декларативните, потенцира Спасовски.

Кадровскиот потецнијал што се нуди не може да одговори на очекувањата на граѓаните ниту, пак, на ветувањата што беа дадени во предизборниот период, додаде тој.

„Ова ќе биде влада која е составена, од една страна, со кадри што креираа политики во еден период на вледеењето на режимот на ВМРО-ДПМНЕ до 2017 година, кои не може да понудат ништо ново или подобро од она што било во тој период. Од друга страна, кадри што не биле на позиции и за кои не можеме да кажеме како ќе постапуваат. Има предложени кадри за кои самата ВМРО-ДПМНЕ имаше многу негативни ставови и мислења како опозиција. Се сеќавате на изјавите за кандидатот за министер за здравство, така што сето тоа уште еднаш потврдува дека нема реалност во ветувањата. Детаљно ќе ја анализираме програма и на седницата за избор на влада ќе дебатираме со факти и аргументи“, рече пратеникот Оливер Спасовски денеска во изјава за медиумите во македонското Собрание.

Прикажи повеќе...

Македонија

Мицкоски на средба со амбасадорот на УНДП, Григоријан: Констатирани континуираната поддршка и можноста за уште повеќе заеднички проекти со владата на ВМРО-ДПМНЕ

Објавено пред

Претседателот на ВМРО-ДПМНЕ, Христијан Мицкоски, заедно со предлог-министерот за локална самоуправа, Златко Перински, денеска оствари средба со амбасадорот и постојан претставник на УНДП, Армен Григоријан, и Билјана Цветановска-Гугоска, раководителката на секторот за демократско владеење во УНДП.

dobivaj vesti na viber

На средбата се разговараше за идните чекори на владата предводена од ВМРО-ДПМНЕ, како и за проектите што би се реализирале во рамките на Министерството за локална самоуправа, а би ги опфатило локалните самоуправи.

Воедно, беа констатирани добрата соработка, како и помошта и поддршката на УНДП, кои во континуитет ги дава во Македонија, и нивната исклучителна важност во земјата.

Претседателот Мицкоски се заблагодари на досегашната соработка и потенцира дека во иднина со владата на ВМРО-ДПМНЕ постои можност за нивно продлабочување и реализирање уште поголем број заеднички проекти.

Прикажи повеќе...

Македонија

(Видео) Мицкоски: До Собранието поднесени програмата и составот на новата влада, очекувам на дневен ред да бидат ставени викендов

Објавено пред

„Штотуку во архивата на македонското Собрание ја поднесов предлог-програмата за работа на идната влада предводена од ВМРО-ДПМНЕ како мандатар, а исто така заедно со програмата за работа на идната влада е поднесен и списокот на членовите на идната влада. Како придружен дел на тој список се и нивните биографии“, изјави претседателот на ВМРО-ДПМНЕ, Христијан Мицкоски.

dobivaj vesti na viber

„Очекувам тие да биде ставени на дневен ред пред пратениците за време на викендот, односно 22 и 23 јуни, колку што би требало максимално да трае дебатата во рамките на македонското Собрание.

Граѓаните очекуваат брзи резултати. Јасно е дека оваа влада, како и очекувањата на граѓаните се да го испорачува она што го ветуваше. Не ветувавме многу за време на кампањата, ветивме дека Македонија ќе биде повторно на граѓаните, односно државата, која изминативе седум години беше заробена од страна на мала група властодршци што доаѓаа од досега владејачките партии, конечно, е слободна и ќе им биде вратена назад на граѓаните.

Имаме група на луѓе кои ќе бидат дел од идната влада, која е исклучително мотивирана веднаш да ги постигне резултатите. И јас очекувам дека секој од нив максимално ќе се заложи, ќе даде и повеќе од својот личен капацитет да направиме нешто за нашите граѓани. Тие тоа го заслужуваат бидејќи тие своето го направија, а сега е на ред ние да направиме нешто за нашите граѓани. Очекувам бескомпромисна борба со криминалот и корупцијата од секаков вид, не само политички, за политичкиот не сакам ни да зборувам. Нема да има толерирање, без разлика од која политичка партија доаѓа каква било злоупотреба и овластување на кое било именувано лице доколку тоа биде дел од какви било криминални или коруптивни скандали за кој постојат докази, се разбира.

Истовремено, сериозно планираме да расчистиме со сомневањата, информациите, кои особено изминатиов период, како и доказите, стигаат до нас за многу злоупотреби што се случувале изминативе 7 години, тоа им го должиме на граѓаните и лично тука ќе се заложам.

Исто така, очекувам брзи резултати на полето на економијата, бизнисот може да се чувствува сигурен, ќе имаме цврста влада, стабилна влада, која ќе испорача реформи, влада што го охрабрува бизнисот да вложува во проширувањето на своите капацитети, да вработува што е можно повеќе наши сограѓани, а ние како влада, се разбира, ќе продолжиме, односно ќе бидеме нивен сервис за остварување на нивните права и зголемување на нивното бизнис-портфолио.

Младите ќе бидат наш главен акцент, исто така сведоци сме дека имаме класичен егзодус на млади луѓе кои ја напуштаат Македонија и својата иднина ја бараат некаде далеку од овде, за жал, 8 од 10 мои студенти, кои по дипломирањето ќе ги прашате каде понатаму, велат – одлучивме да ја напуштиме Македонија бидејќи овде нема перспектива, нема иднина. Тоа треба да се промени, таа состојба и таа перцепција треба да се променат. Како? Само со напорна работа, да го оставиме срцето на терен, да немаме поделба на граѓани од прв и граѓани од втор и трет ред, односно сите да се чувствуваат еднакво, да нема политичка каста која ќе биде привилегирана, а сите други да бидат граѓани од втор, трет ред, па и понизок ред, тоа јас го гарантирам лично дека нема да се случува.

Зборував и вчера за време на роденденот на ВМРО-ДПМНЕ дека привилегиите што ги носат позициите, костумите и вратоврските не треба да ги направат поинакви луѓе сите оние што ќе ја добијат привилегијата да му служат на народот и да бидат дел од институциите на идната влада. Тоа треба да е мотив и инспирација да работат за ова да го остварат. Верувам во секого од оние што се предложени дека ќе ги следи овие насоки и дека нема да излезе надвор од овие принципи.

Доаѓаат подобри времиња за нашите сограѓани, за земјоделците, за пензионерите. Она што е ветено, а тоа е уште во првата година дека ќе имаме линеарно зголемување на пензиите од пет илјади денари, ќе се случи. И понатаму планираме на иновативен начин да ги зголемуваме пензиите. Бизнис-околината да генерира додадена вредност и поголеми приходи во буџетот, а со тоа и со поголеми и робусни капитални инвестиции.

Општините, од оние општини од кои имаме информација, можам да кажам дека се подготвени за оној дел од програмата кога реков дека ќе реалоцираме средства за реализација на многу капитални проекти. Нешто што е многу значајно за секој обичен граѓанин, за секој од нас да не гази кал во 21 век, да има вода за пиење, да има организиран систем за одведување на отпадните води. Да нема повеќе листи за чекање во градинките, учениците да бидат во пристојни услови, да бидат во затоплени училници.

Да не се прашуваат земјоделците дали и кога ќе ги добијат своите субвенции, да не се грижат за својот род дали ќе има откуп и по која цена. За пензионерите веќе кажав. Да немаме егзодус на медицински персонал и доктори и да не ги полниме клиниките во Западна Европа, Америка, Канада и во светот, туку да овозможиме пристојни услови да останат тука и да творат и работат овде. И уште многу, многу убави работи што ќе следуваат.

Почнуваме офанзивно и мислам дека, да бидам по прецизен, сигурен сум дека нема да ја изневериме довербата што оваа коалиција ја доби од повеќе од 600 илјади граѓани, кои гласаа за неа, но истовремено сигурен сум дека нема да ги изневериме и очекувањата на сите граѓани, без разлика дали гласале за нас или не гласале за нас и за оваа коалиција. Знам дека тие сега имаат големи очекувања и убеден сум дека ќе ги испорачаме, односно ќе го испорачаме сето она што го ветувавме“, изјави Христијан Мицкоски.

Прикажи повеќе...

Најново

Топ56 минути

Залутан куршум заврши во грбот на Скопјанец додека возел велосипед низ Чаир

Додека 35-годишниот А.Ф. од Скопје се возел со својот велосипед во Чаир, почувствувал болка во грбот. Бил пренесен во болница,...

Македонија2 часа

(Видео) Спасовски: Каде што има големи ветувањата, одете со мала торба, предлогот за влада е без план во економијата и стратешките цели

Од она што денеска беше соопштено во јавноста при поднесувањето на предлогот за работа и состав на новата влада јасно...

Македонија3 часа

(Видео) Мицкоски: До Собранието поднесени програмата и составот на новата влада, очекувам на дневен ред да бидат ставени викендов

„Штотуку во архивата на македонското Собрание ја поднесов предлог-програмата за работа на идната влада предводена од ВМРО-ДПМНЕ како мандатар, а...

Македонија4 часа

„Тарифата на нотарите енормно зголемена – партиите на власт со нов удар по џебот на граѓаните“, велат од партијата Левица

„Министерот за правда во заминување, Кренар Лога, неколку дена пред напуштање на функцијата, која ја извршуваше катастрофално и со секојдневни...

Македонија5 часа

Од четврток активно портокалово ниво за опасност од високи температури во Македонија

Од утре до недела нашето подрачје ќе биде под влијание на стабилна и многу топла воздушна маса од југ, која...

Македонија6 часа

Почина Стојан Андов – првиот претседател на Собранието на независна Македонија

Првиот претседател на Собранието на самостојна и суверена Република Македонија, Стојан Андов, почина на 89-годишна возраст. Андов е роден во...

Македонија7 часа

Колку ги чинеше граѓаните театарот за фабриката за електроавтомобили, прашуваат од партијата Левица

„Компанијата за производство на електрични возила од Ахен, Next.E.Go, банкротира и, дефинитивно, оди во стечај. Next.E.Go, или кај нас познати...

Топ8 часа

Познат идентитетот на двете лица што загинаа на Галичица, паднале во бездна длабока 200 метри

Вчера околу 13.00 часот во провалија покрај патот Охрид – Отешево, полициски службеници од Полициската станица Ресен со помош од...

Свет9 часа

Столтенберг: Ако не престане да ја поддржува Русија, Кина треба да ги сноси последиците

Генералниот секретар на НАТО Јенс Столтенберг денеска за Би-Би-Си изјави дека Кина, доколку не го промени своето однесување, треба да...

Македонија9 часа

Мицкоски треба денес да го достави предлогот за состав на влада до Собранието

Мандатарот Христијан Мицкоски, се очекува денеска до Собранието да го достави предлогот за состав на владата и програмата за нејзина...

Свет9 часа

Агент на тајната служба ограбен со пиштол за време на патувањето на Бајден

Агент на американската тајна служба бил ограбен под закана со пиштол за време на патувањето на американскиот претседател Џозеф Бајден...

Свет9 часа

Путин пристигнува во посета на Северна Кореја, првпат по 24 години

Рускиот претседател Владимир Путин денеска во Пјонгјанг ќе се сретне со севернокорејскиот претседател Ким Џонг Ун, за прв пат по...

Свет9 часа

Најмалку 17 лица загинаа во бегалскиот камп Нусејрат во Газа

Најмалку 17 лица загинаа во текот на ноќта во бегалскиот камп Нусејрат во центарот на Газа, од израелското бомбардирање, јавува...

Свет9 часа

Тројца убиени во престрелка во Торонто, полицијата се сомнева дека меѓу нив е и убиецот

Полицијата во Торонто денеска соопшти дека верува дека напаѓачот кој уби маж и жена е убиен во пукање во канцелариски...

Топ21 час

Возило падна во провалија длабока 200 метри на Галичица, две лица загинаа

Две лица загинаа при пад во провалија со возило на Галичица. Според информациите од ЦУК, несреќата се случила кај местото...

Uncategorized22 часа

Заев и Ципрас му врачија на награда на Нимиц: „Ни порача да го чуваме и целосно да го имплементираме Преспанскиот договор“

Експремиерите Зоран Заев и Алексис Ципрас му ја врачија Наградата за мир Преспа на поранешниот медијатор Метју Нимиц, најавувајќи дека...

Македонија24 часа

Здравство треба да го санира урнатиот ѕид кај Детската клиника, а Град Скопје и Општина Центар да најдат решение за подземните води

Санацијата на Полуурнатиот ѕид кај Детската клиника е во надлежност на Министерството за здравство, а решението за подземните води треба...

Топ1 ден

Приведени криминалци од Прилеп кои со пиштол и’ се заканувале на продавачка, едниот бил бегалец од затвор

Полицијата приведе двајца криминалци од Прилеп, кои претходно денес со пиштол се заканувале на 35-годишна прилепчанка пред продажниот објект каде што...

Македонија1 ден

(Видео) Мицкоски: Подавам рака на СДСМ за суштинските прашања од важност за Македонија, но тоа не значи амнестирање од одговорноста за криминалите

Претседателот на ВМРО-ДПМНЕ Христијан Мицкоски на денешната свеченост по повод 34 години од формирањето на ВМРО-ДПМНЕ насловена „34 години ВМРО-ДПМНЕ,...

Македонија1 ден

„Уште седум нови барања за апанажа – 750.000 евра го чинат народот поранешните функционери на ДПМНЕ, СДС и ДУИ“, велат од партијата Левица

Пред околу две недели собраниската Комисија за прашања на изборите и именувањата им одобри апанажа, во траење од една година,...