Македонија
Алијансата за Албанците: Богојески ги навредува Албанците, а претставниците на „Влен“ ги нарекува „неиживеана стока“
![](https://makfax.com.mk/wp-content/uploads/2020/12/Alijansa-za-Albancite.jpg)
Омразата кон Албанците од страна на оваа моноетничка коалиција не можеше подиректно и појасно од ова да се изрази, истакнуваат од Алијанса за Албанците.
„Еден од коалициските партнери, Петар Бпгојески, пријател на премиерот и претседателката, тешко ги навредува Албанците и тоа поминува како нешто нормално без никому да му пречи. Впрочем, ова е вистинската опасност за тензии, а не правото на Албанците да се бранат и да го кренат гласот против помижувањата и навредите како овие. Премиерот Мицкоски на десното рамо ги има сценаристите на тензиите.
Јавното обвинителство мора да отвори предмет и да го гони за оваа навреда и говор на омраза кон Албанците, како најтежок облик на кривично дело денес.
Што се однесува до албанските вазали во Владата, не очекуваме да ги штитат Албанците, но барем нека си застанат во своја одбрана и нека реагираат на навредите што се посветени, вклучително и кон нив во овој текст, каде што самите нив ги нарекува „неиживеана стока““, пишуваат од оваа партија.
Прашуваат дали се плашат од Богојески како и од Максим и Стоилковиќ?
„Срам, потчинување, сервилност. Повлечете се и ве уверуваме дека никој повеќе нема да може вака да ве навреди или деградира, ниту вас, ниту Албанците воопшто“, велат од Алијанса за Албанците.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Работна средба на министерот за правда, Игор Филков, со директорот на УИС, Александар Пандов, и директорите на затворите во земјата
![](https://makfax.com.mk/wp-content/uploads/2024/09/NAD_1763-1.jpg)
Во тренинг-центарот на КПУ „Идризово“, министерот за правда Игор Филков одржа работна средба со директорот на УИС, Александар Пандов, директорите и со заменик-директорите на сите затворски институции во државата.
Состанокот беше фокусиран на согледување на фактичката состојба и проблемите со кои се соочуваат затворските институции. Проблемите се детектираат, пред сѐ, во просторните услови на институциите, недостигот на вработени како од безбедносните служби така и во делот за ресоцијализација на осудениците. Предочен беше и проблемот со недостигот на финансиски средства за затворање на 2024 година, кој останува и покрај ребалансот на буџетот, недостигот на возила за спровод на обвинети лица и потребата од дигитализација на институциите.
Се дискутира и за извештајот на Комитетот за превенција на тортурата при Советот на Европа за 2023 година, при што беше укажано да се земат предвид нивните забелешки за надминување на недостатоците што се констатирани.
На средбата беше договорено да се интензивираат ваквите состаноци со цел да се изнајдат решенија за брзо надминување одредени проблеми користејќи меѓународна помош, но и јакнење на буџетот на УИС заради непречено функционирање на затворските институции, како и користење на пробацијата и другите алатки за условен отпуст на затворениците.
Министерот за правда Игор Филков ја искажа заложбата и посветеноста на Владата за надминување на сите проблеми и подигнување на капацитетите на затворските институции со цел подобрување на условите водејќи грижа за правата на затворениците и нивна ресоцијализација во општеството.
Македонија
Телефонски разговор Муцунски – Сибиха: реафирмирана поддршката за Украина
![](https://makfax.com.mk/wp-content/uploads/2024/09/tel.jpg)
Министерот за надворешни работи и надворешна трговија, Тимчо Муцунски, попладнево оствари телефонски разговор со својот украински колега Андриј Сибиха.
„За време на разговорот Муцунски ја реафирмира нашата поддршка за Украина, која ќе продолжи и во иднина. Тој потенцира дека како земја членка на НАТО остануваме посветени на обезбедување силна политичка и практична помош за Украина додека таа ги брани својата независност и територијалниот интегритет.
Теми на телефонскиот разговор беа и актуелни билатерални прашања, при што двете страни изразија уверување дека добрата соработка помеѓу двете земји ќе продолжи и во наредниот период“, соопшти МНР.
Во таа насока, договорена е работна средба помеѓу двајцата министри, која ќе се одржи на маргините на Генералното собрание на Обединетите нации во Њујорк.
Македонија
Откриен канабис во Тетовско – пронајдени 107 гранки со лисја, поведена истрага
![](https://makfax.com.mk/wp-content/uploads/2020/08/канабис3.jpg)
Основното јавно обвинителство Тетово донесе Наредба за спроведување истражна постапка против 22-годишник осомничен за кривично дело – Неовластено производство и пуштање во промет наркотични дроги, психотропни супстанции и прекурсори од член 215 став 1 од Кривичниот законик.
Истрагата е поведена бидејќи полициски службеници на 9 септември кај осомничениот во селото Јажинце пронашле 107 гранки со лисја и вршунки во делумно свежа состојба од растението канабис сатива.
До судија на претходна постапка од Основниот суд во Тетово доставен е предлог за определување мерка притвор на осомничениот. Судот го прифати предлогот на обвинителството и на осомничениот му определи притвор во траење од 30 дена.