Македонија
(Видео) Богоевски до ВМРО-ДПМНЕ: Вие стоите на патот за Димовски да ја докаже невиноста

Ние не го ставаме Димовски во притвор, туку дозволуваме судот да работи непречено, смета пратеникот Павле Богоевски, на што реагираа пратениците на ВМРО-ДПМНЕ коментирајќи „Немој Павле, што збориш“.
„Ќе ја поздравам дисциплираноста на Димовски, но ние не сме тие што ја ценат дисциплината на колегата туку да видиме дали се исполнети условите за одземање на имнитетот. Судот е оној кој ќе одреди дали некој ќе се брани за слобода или не“, рече Богоевски.
Тој истакна дека денеска не е како во времето на ВМРО-ДПМНЕ кога притворањето се правело спекталуларно.
„Судот самостојно треба да одлучи за притвор. Јас мислам дека неговиот имунитет треба да биде одземен оти условите се исполнети“, додаде Богоевски.
По говорот на Богоевски, пет пратеници од редовите на ВМРО-ДПМНЕ се јавија за реплика.
„Ова што вие го кажавте не е реалноста што се случува. Нашите пратениците не се против судот да си ја води постапката онака како што треба. Но, вие барате судот веднаш да го стави Димовски во притвор. Со покренување на постапката вие сакате поголема регресија. Вашата намера е да започне процес да започнете со купување гласови пред изборите“, рече Невенка Стаменковска од ВМРО-ДПМНЕ.
Богоевски ги обвини ВМРО-ДПМНЕ дека тие стојат на патот за Димовски да си ја докаже невиноста.
Собраниската Комисија за деловнички и мандатно-имунитетни прашања денеска одлучува во однос на барањето за одобрување притвор на пратеникот и поранешен министер за земјоделство, шумарство и водостопанство Љупчо Димовски, поднесено од скопскиот Кривичен суд, Одделение за организиран криминал и корупција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Од денес пуштен во употреба магистралниот пат Охрид-Св.Наум, најави Владата

Македонија се гради. Денес официјално ќе биде пуштен во употреба магистралниот пат Охрид-Св.Наум во должина од 24,3 километри, најавуваат од Владата.
Вредноста на проектот за реконструкција на овој патен правец, како што е појаснето во официјалното соопштение изнесуваше 11,7 милиони евра.
„Ова значи дека по речиси 4 децении, не само охриѓани, туку голем број на граѓани ширум државата, но и туристи ќе можат да патуваат од Охрид до манастирскиот комплекс Св. Наум, но и до соседна Република Албанија, по нов патен правец.
Овие капитални проекти го подобруваат не само туристичкиот, туку и економскиот напредок и развој во Македонија.
Владата работи и создава дела за просперитет на Македонија“.
Македонија
Без вода дел од Кисела Вода

Регионалниот центар за управување со кризи на Град Скопје, по добиеното известување од ЈП Водовод и канализација, информира дека денеска поради изведување на водоводен приклучок на водоводна мрежа со пречник од Ф-150 мм на улицата Христо Татарчев бр. 47, прекинато водоснабдување ќе имаат корисниците од истата улица и кулите – Расдник, oпштина Кисела Вода.
Водоснабдувањето ќе биде прекинато од 09:00 часот до завршување на работните активности.
Македонија
Сончево и топло, максималната температура ќе достигне до 34 степени

Времето денеска ќе биде сончево и топло со мала локална облачност. Ќе дува слаб до умерен, а наместа долж Повардарието повремено засилен ветер од северен правец. Минималната температура ќе биде во интервал од 9 до 19, а максималната ќе достигне од 27 до 34 степени.
Во Скопје, сончево и топло. Ќе дува умерен, во делови од котлината повремено засилен ветер од северен правец. Минималната температура ќе се спушти до 17, а максималната ќе достигне до 34 степени.
Времето во наредните денови
Во следните денови времето ќе биде стабилно, претежно сончево и топло. Ќе дува умерен, во сабота наместа долж Повардарието повремено засилен северен ветер.