Македонија
(Видео) Арсовски: Лидија Димова да си даде оставка веднаш – ЈО да го истражи случајот за проневера на пари
Со денешната прес-конференција на Лидија Димова, единствено позбунет од јавноста е самата Лидија Димова. Изгледаше збунето како да крие нешто. Наместо објаснувања и одговори, Лидија Димова ја искористи прес-конференцијата за да напаѓа адвокати, новинари и политички неистомисленици. Нормално, кога не сака вината да ја види во себе и во своето работење, ги напаѓа сите други, изјави портпаролот на ВМРО-ДПМНЕ, Димче Арсовски.
„Ја уверувам Лидија Димова дека воопшто не сме разочарани што нема да даде оставка, што е и очекувано за нас како политичка партија, нормално е за толкави огромни сомнежи за проневера на пари да знаел и Заев, кој патем ја штити Лидија Димова и го штити нејзиното директорско место.
Во врска со грантовите на ‘ВЕЗ трејд’, правен субјект што се води како фризерница, Лидија Димова должи објаснување кои биле квалификациите на правниот субјект ‘ВЕЗ трејд’, патем фризерница е правниот субјект во 2018 за таа да добие грант во две комплетно различни области? Преку фризерница да се обучуваат луѓе за медиумска писменост е неверојатно.
Во апликацијата клучно прашање е прашањето за професионална биографија на фирмата за кое нема одговор. Каква врска има фризерница со младинска работа и медиумска писменост?
Во тој случај, ако тоа е можно, фризерница да добие грантови за медиумска писменост, зошто, на пример, постои Националната агенција како институција за да ги доделува грантовите, зошто, на пример, грантовите не ги доделува некој правен субјект, кој не е за таа намена, туку е ресторан?
Дали квалификација за добивање на грантот се можеби кафеанските седенки на Димова со сопственикот на „ВЕЗ трејд“? Димова не одговори ни дали во исто време сопственикот на фризерницата „ВЕЗ трејд“ е и стручен соработник за хонорар и грантист на Националната агенција? На пример, која е дефиницијата за надворешен соработник според Лидија Димова?
Не слушнавме ни одговор за документите и дописите на соработници на проекти дека активностите се сомнителни и има наводи за криминал.
Практично, во самиот момент кога имало такви дописи, кога имало такви наводи, требало веднаш да биде известено ЈО, во спротивно Лидија Димова, доколку не го известила, самата таа е соучесник и прикривале какво било сторено кривично или какво било дело што е противзаконско.
Димова не одговори ни на нашите наводи пред неколку месеци за возилата набавени во износ од 100.000 евра, кои не се употребуваат за потребите на Агенцијата, туку за лични потреби. Вработени во Националната агенција известуваа дека дел од овие возила е сериозно оштетен затоа што се несоодветно користени во ноќните часови.
На денешната прес-конференција немаше ниту одговори за кеш во износ од над 20.000 евра, кои недостигаат во благајната на Националната агенција. Постои изјава дека парите биле користени со знаење на Лидија Димова, а за нивно подигање бил користен нејзиниот факсимил.
Она што застрашува е молкот на државните институции – Министерството за образование и наука, Финансиската полиција, МВР и Обвинителството, кое по обичај спие и не ги истражува сите сомнителни случаи каде што Зоран Заев ги штити инволвираните.
Исто така, на дејствување ги повикуваме Мисијата на ЕУ во Скопје и другите амбасади на европските држави сериозно да се заинтересираат, и се извинувам однапред што ќе го кажам овој жаргонски збор, за магарешкото работење на политичари од страна на СДСМ и власта што трошат европски пари.
А Лидија Димова дали ќе си даде оставка или не тоа не е прашање што треба да биде поставено како дилема, туку треба уште веднаш да си оди и да си даде оставка, не смее ниту една минута повеќе да биде директор на таа позиција и за тоа директно е одговорен и Зоран Заев, кој треба да ја разреши затоа што таа институција не ѝ оставена на Лидија Димова во наследство од мајка ѝ и татко ѝ, туку институција создадена и изградена од парите на граѓаните и даночните обврзници на Република Македонија. Затоа, оставка треба да си даде веднаш, а не да отвора дилеми дали ќе си даде или нема да си даде оставка бидејќи секој ден поминат во таа институција е простор да прикриват документи и да кријат докази што може да бидат неопходни понатаму во каква било постапка што ќе биде отворена“, порача Арсовски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Меџити-Спиропали: во фокусот актуелните случувања
Градоначалникот на Општина Чаир, Изет Меџити ја пречека Елиса Спиропали, министерка за Европа и надворешни работи на Република Албанија, која престојува во официјална посета во Скопје.
Средбата се одржа во пријателска и конструктивна атмосфера, при што беа разгледани актуелните регионални случувања, улогата на албанската дипломатија во зајакнувањето на сеалбанските врски, како и значењето на продлабочувањето на меѓуинституционалната соработка во функција на заедничките интереси на двете држави.
Спиропали и Меџити положија цвеќиња пред споменикот на националниот херој Ѓерѓ Кастриоти Скендербег, во знак на почит кон визијата на овој историски водач за европската ориентација на Албанците, соопштија од кабинетот на Меџити. По тој повод, беше повторно нагласено дека иднината на Албанците е во Европската Унија, како заедница на демократски вредности и успешен модел на институционална, културна и политичка интеграција на сите народи.
„Присуството во Чаир дополнително испрати јасна порака на политичка блискост, институционална поддршка и директно внимание на државата Албанија кон Албанците во Северна Македонија.
Оваа средба го потврди заедничкиот интерес за зајакнување на соработката и институционалната координација, со фокус на развојот, интеграцијата и зачувувањето на вредностите што нè поврзуваат како држави и како народ“.
Македонија
Ѓорѓиевски: Подаривме радост на 100 дечиња од згрижувачките семејства од Скопје и од организационите единици при ЈУ Детски дом „11 Октомври“
Вечерва, срцето на градот чукаше најсилно токму таму каде што се најчистите насмевки.
Со организација на кино-проекцијата на филмот „Биби и Боби“, им подаривме радост на 100 дечиња од згрижувачките семејства од Скопје и од организационите единици при ЈУ Детски дом „11 Октомври“, истакна скопскиот градоначалник Орце Ѓорѓиевски, откако беше организирана посебна вечер наменета за децата од згрижувачките семејства и од ЈУ Детски дом „11 Октомври“.
„Сала исполнета со смеа, возбуда и детска искреност, моменти што нè потсетуваат колку малку е потребно за голема среќа, а колку многу значи вниманието.
По завршувањето на филмот, поделивме новогодишни пакетчиња за сите дечиња.
Како градоначалник, но пред сè како човек, останувам цврсто посветен на создавање можности, поддршка и сигурност за најмладите, особено за децата кои се дел од системот на социјална заштита.
Нивната радост е нашата најголема обврска.
Секое дете заслужува внимание, љубов и убави празнични денови“.
Македонија
Намалена видливост поради појава на магла на неколку патни правци
Сообраќајот на државните патишта се одвива непречено, по наместа влажни коловози.
Намалена видливост поради појава на магла од 50 – 70 метри има на патниот правец Дебар – Струга, од 100 – 150 метри на патниот правец Куманово – Крива Паланка и од 50 – 100 метри на патниот правец Велес – Катланово.
Од 15.11.2025 година започна законската обврска за задолжително поседување на зимска опрема во возилата, без оглед на моменталната временска состојба. Оваа обврска ќе трае до 15.03.2026 година. Повеќе информации може да прочитате на овој линк.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Фото: депозитфотос

