Македонија
(Видео) Арсовски: Само имотот на АД „Славија“ во Кисела Вода чини над 4 милиони евра

Власта на СДСМ, предводена од Зоран Заев и пионот Димитар Ковачевски, сака да ја продаде АД „Славија“ за 218.535 евра, без никаква процена од ниту една институција, обезвреднета, а целата фирма со својот имот и земјишта чини повеќе од 20 милиони евра, изјави портпаролот на ВМРО-ДПМНЕ, Димче Арсовски.
„Овој имот зад мене се старите магацини на ‘Славија’ во Кисела Вода, кој е во сопственост на АД ‘Славија’, според официјалната процена од 2016 година чини над 4 милиони евра. Ова е еден од објектите кој е една од најкрупните причини за продажба на АД ‘Славија’ како атрактивна локација за градење, каде што во согласност со плановите треба да никнат згради како што може да видите и во околината. Предвидена урбанизација, тоа го насетил некој од власта и сака обезвреднета фирма да купи за 218.535евра и да заработи десетици милиони евра. Ако ги земеме предвид атрактивноста на локацијата и земјиштето, цената на ова земјиште, кое ѝ припаѓа на ‘Славија’, може да скокне многу над 4 милиони евра во наредните години.
Замислете, целата криминална багра во власта предводена од Зоран Заев и сега веќе од пиончето Димитар Ковачевски за 218.000 евра сакаат да го продадат и некој нивни да ги купи овие атрактивни локации како оваа зад мене со магацинските простори, но и управната зграда на АД „Славија“, каде што можевте вчера да забележите за каков имот станува збор, а јавноста во наредните денови ќе дознава и за многу други атрактивни локации на кои им фрлиле мерак“, рече Арсовски.
Уште еднаш апелираме до сите оние што кружат како имиња замешани во целиот овој криминален процес во најава, тука ќе ги споменам – прв Зоран Заев, ќе го споменам Фатон Асани, кој излезе да го брани овој криминал во најава јавно на телевизија, ќе го потсетам Љупче Николовски – Путерот дека треба да лови корупција, а не да ја организира, ќе го споменам од познати причини, а кој се интересира за АД „Славија“, и Рубин Земон актуелен пратеник од СДСМ, кој наоколу уличарски организира продажба, и сите овие луѓе да не си играат, да прекинат со овие криминални глупости и да ја повлечат продажбата, порача портпаролот на ВМРО-ДПМНЕ.
Арсовски потенцира дека „Славија“ вреди над 20 милиони евра, а не 218.000 евра.
Тој ѝ порача ма антикорупциската комисија да не спие бидејќи, како што рече, сите ќе бидат соучесници доколку се случи ваков криминал.
„И по падот на власта, треба да се свесни овие луѓе дека и утре ќе има ден. Тогаш треба да бидат свесни дека ќе одговараат и ќе заглават дебело за овој криминал што сакаат да го направат“, заклучи Арсовски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
АМСМ: Оштетена e оградата на мостот на Вардар, на патот кај селата Орешани – Таор

На патниот правец Р2131 од с.Орешани – с.Таор, на мостот на река Вардар, дел од заштитната ограда на самиот мост е оштетена поради излетано тешко моторно возило. Екипите на Ј.П. Македонијапат на самото место е поставија соодветна сообраќајна сигнализација (насочници), соопшти АМСМ.
Од таму, на учесниците во сообраќајот им препорачуваат крајно внимателно управување со возилата, прилагодување на брзината спрема условите на патот и почитување на поставената сообраќајна сигнализација.
Македонија
(Видео) Превртен автомобил кај Тетово, удрил во заштитната ограда на автопатот

Несреќа се случи пред влезот на Групчин, во близина на Тетово. Автомобил удрил во заштитната ограда на автопатот Тетово-Скопје, по што се превртел. Засега не е познато дали има повредени лица.
Вратата од страна на возачот беше отворена, а екипата на „Макфакс“ јавува дека на местото немало друго возило, ниту повредени лица. На терен веќе имаше полиција
Од МВР посочуваат дека веќе го проверуваат настанот. На терен немаше ниту Брза помош, додека околу возилото имаше повеќе лица меѓу кои и минувачи.
Македонија
По 22 години конечно некој во државата за која се боревме, се сети дека постоиме, велат од Здружението „Бранител 2001“

Здружението на воени ветерани “Бранител 2001” изразува благодарност до Градоначалникот на општина Ѓорче Петров и членовите на Советот за денешниот, како што велат, значаен чекор.
„Усвојувањето на Одлука за ослободување на членовите на семејствата на бранителите од конфликтот во 2001 година од месечна партиципација за градинка, како и од паричниот надомест кој се дава за оброк во основните училишта е чекор кои мора да го поздравиме. По 22 години конечно некој во Република Македонија, во државата за која се боревме и ја браневме да се сети дека постоиме и дека ние Бранителите сме луѓе со чест и достоинство“, велат од здружението на воени ветерани.
Апелираат да не се застанува тука и повикуваат останатите општини да го следат примерот на општина Ѓорче Петров и барем на момент да се сетат дека тие постојат и дека дале значаен придонес во градењето на ова парче земја.