Македонија
(Видео) Богдановиќ за зградите кај „Холидеј ин“: Додека не ги исправиме глупостите од минатото, нема да се гради
![](https://makfax.com.mk/wp-content/uploads/2018/11/46956656_2253086748302487_2786932457931276288_n.jpg)
Нема да се градат висококатниците спроти „Холидеј ин“ додека трае мораториумот за градба на територија на општина Центар, вели градоначалникот Саша Богдановиќ. Тој вети дека за понатамошните одлуки ќе бидат вклучени граѓаните. Лично тој смета дека таму не треба да има висококатници.
„До Општина Центар нема доставено проект ниту барање за градба ниту идеен проект, но знаете дека за 30 планови во Центар има моратоирум. Кој било што е опфатен да се поднесе барање, ќе биде одбиен додека не се ревидира планот. Таму уште претходно се зацртани стокатници, па 60-катници. Од тие причини донесовме мораториум. Ќе си има јавна анкета, без разлика кој е сопственик, државата или приватно лице“, рече Богдановиќ.
Да немало мораториум, додаде тој, планот за градба веќе ќе можел да се спроведува.
Богдановиќ уште еднаш повтори дека по ревидирањето на одлуката за мораториум, ќе се знае што точно ќе се случува со градбите на повеќе локации низ Центар и како пример ги посочи блок 9 на Водно и паркот на Франкофонијата каде во договор со граѓаните може да додје до измени од првичниот план за градба според постоечкиот ДУП.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
(Видео) Полициските хеликоптери исфрлија над 120 тони вода врз пожарите кај селото Тажево и „Јасен“
![](https://makfax.com.mk/wp-content/uploads/2024/07/Screenshot-2024-07-26-203439.jpg)
Денеска Одделот за воздухопловни единици при МВР учествуваше со два хеликоптери во гасење на пожарот во реонот на Јасен.
Во 62 налети исфрлени се преку 120 тони вода со што успеа да се локализираат новите реактивирани краци на пожарот и да се спречи прошорување на пожарот кон селото Брезница , селото Тажево и националниот парк Јасен.
Македонија
Пронајдено детето од Скопје кое беше пријавено дека се оддалечило од домот
![](https://makfax.com.mk/wp-content/uploads/2023/02/policija-5.jpg)
Вечерва околу 19.20 часот полициски службеници од СВР Скопје го пронајдоа осумгодишното дете за кое денеска околу 18.40 часот неговата мајка С.Н. во ПС Карпош пријави дека околу 17 часот се оддалечило од домот.
Веднаш по добиената пријава, полициски службеници од СВР Скопје ги презеле сите неопходни мерки и активности и детето било пронајдено во добра здравствена состојба и ќе биде предадено на родителот, соопшти МВР.
Македонија
На Табановце за влез во државата се чека околу еден час
![](https://makfax.com.mk/wp-content/uploads/2022/07/tabanovce.jpg)
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен. На ГП Табановце за влез во државата се чека е околу 1 час. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани –Делчево.
Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури.
Термините се следни:
– петок од 17:00 – 22:00 часот,
– сабота од 09:00 до 18:00 часот и
– недела од 09:00 до 22:00 часот.
На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали:
– петок од 15:00 – 22:00 часот,
– сабота од 07:00 до 12:00 и од 18:00 до 24:00 часот и
– недела од 07:00 до 22:00 часот.