Македонија
(Видео) Богојески: Македонски концепт се залага за 6 часовен работен ден за работниците во Македонија

Лидерот на Македонски концепт Петар Богојески заедно со носителката на изборна листа за ИЕ2, проф. д-р Снежана Костадиноска-Милошеска денеска ги посетија производствените погони на „Чик Куманово“ со што официјално го завршија караванот на Македонски концепт низ републиката. Богојески од Куманово изјави дека е неопходна заштита на домашното производство, овозможување на еднакви пазарни услови, но и воведување на услови за работа според стандардите во ЕУ. Единствена мерка која може да помогне за зголемување на процентот на ефикасност и продуктивност во сите гранки во индустријата во Македонија е намалување на работното време скалесто, почнувајќи прво на 7, за подоцна да се сведе на 6 работни часови.
„ Со оваа мерка од една страна ќе им овозможиме на работниците повеќе време да потрошат на семејството, а од друга страна да бидат попродуктивни и да придонесат за поголем развој на компаниите во кои работат. Во исто време ќе бараме и драстично зголемување на квалитетот на условите за работа и почитување на работничките права како што налагаат ЕУ стандардите. Овие политики се дел од нашата стратегија за поддршка на домашното производство кое е сериозно занемарено од политиките во последните 30 години”, вели Богојески.
Средбата со стопанствениците и вработените даваат едноставна слика за состојбата и причините поради кои македонското производство не може да порасне и не може да дојде до финален производ. Причина за тоа е нелојалната конкуренција наметната од земјите кои се надвор од Европската унија и сивата економија во земјава. Увозот на странски производи го уништува македонското стопанство, а со тоа и можноста за развој и поставување на вистински стандарди за вработените во оваа индустрија. Денес Куманово го потврдува токму тоа, дека традиционалните индустрии како што се чевларската, кожарската и текстилната индустрија се на маргините на нашето општество. Погрешните економски политики не ја заштитуваат домашната индустрија и домашното производство.
„ Денес имавме можност да се сретнеме и разговараме со вистински мајстори во чевларската индустрија, како и вработени кај кои постои невиден ентузијазам, искуство, енергија за да се изборат за вистинското место и да го направат пристојно место за работење на многу граѓани во Македонија. Тие не само што ги познаваат многу солидно европските стандарди, напротив, при либерализацијата на пазарот можат да се носат соодветно со европските партнери и да бидат конкурентни и напредни на европскиот пазар”, потенцираше проф. д-р Снежана Костадиноска-Милошеска.
Мора да ставиме ред на ова нередие во кое живееме цели 30 години. Традиницоналните индустрии во Македонија мора да добијат соодветни поддржувачки политики за да можат конкурентно да се носат со европските производители од овие индустрии. Гласот за Македонски концепт и бројот 10 е глас за овие промени кои можеме да ги донесеме само заедно.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Угина жирафата Тобого од скопската Зоолошка

Направената обдукција на жирафата Тобого, која нанедејно пцовиса во скопската Зоолошка градина, не утврдила физички повреди, а во наредните денови се очекуваат целосните резултати, информираат од управата на Зоолошката.
Со голема тага и болка ве известуваме дека вчера ненадејно не напушти нашиот Тобого💔
Денеска беше направена обдукција…Posted by Skopje ZOO / Зоолошка градина Скопје on Четврток, 14 јануари 2021
„Жирафата Тобого заедно со Каспер и Флопи беше меѓу омилените жители на скопската Зоолошка. Тој им беше миленик на вработените и на посетителите. Роден е во Франкфурт на 9 декември 2010 година, а жител на Скопје ЗОО беше од 5 ноември 2013“, се наведува во кусото соопштение.
„Трчај во небесната савана, Тобого, многу ќе ни недостигаш на сите, но ќе останеш засекогаш запаметен“, порачаа вработените во скопската Зоолошка преку официјалната фејсбук-страница.
Македонија
Поради снежните врнежи, забрана за товарни возила на три патни правци

Сообраќајот на државните патишта се одвива по влажни коловози, а снег вее на целата територија на Македонија, информираат од Авто-мото сојузот (АМСМ).
Од таму додаваат дека поради снежни врнежи, воведена е забрана за движење на камиони на патниот правец крак Маврово – Дебар во 17:50 ч. и на патниот правец Гостивар – Кичево преку планинскиот премин Стража во 18:50 ч, како и на регионалниот пат Велес – Прилеп и обратно, односно превој Плетвар од 20:35 ч. ДЦС МВР известува дека на секои 20 минути ќе се пропушта по едно товарно возило.
Според информација од ЈП „Македонијапат“, сообраќајот на патниот правец А3 Кочани – Македонска Каменица, на делницата од Истибања до браната „Калиманци“, кај местото Ајдучки Камен, е целосно во прекин поради одрон.
За лесните патнички возила сообраќајот се пренасочува преку регионалниот патен правец Кочани – Виница – Бигла – Делчево.
Тешките товарни возила и автобуси се пренасочуваат преку регионалниот патен правец Кочани – Виница – Берово – Делчево.
Од АМСМ ги потсетуваат возачите дека во сила е законската обврска за задолжително поседување зимска опрема во возилата, без оглед на моментната временска состојба. Оваа обврска ќе трае до 15 март годинава.
Македонија
(Видео) Арсовски: Oд МВР се виновни што секој бандит со пиштол пука кај ќе стигне

На МВР поважно им е дали на граѓаните маската им е под носот или е закачена само на едното уво за веднаш да ги казнат, а воопшто не им е важно кој поседува и со себе носи пиштол, вели портпаролот на ВМРО-ДПМНЕ, Димче Арсовски, во врска со денешниот инцидент во центарот на Скопје, пред поранешната Градска болница, а претходно и во селото Батинци.
„Откако дојде СДСМ на власт, изминативе години гледаме само филмски пукотници во центарот на Скопје и граѓаните не се чувствуваат воопшто безбедно. Секој што си зема за право да носи пиштол со себе, се повикува на блискоста со власта и станува опасен за околината, што денеска се виде и во самиот центар на Скопје“, истакна партискиот портпарол.
Според него, голем е сомнежот дека власта крие нешто бидејќи нејасни биле информациите за денешниот настан.
„Најпрвин очевидци за медиуми брифирале дека лице со пиштол се заканувало и пукало пред болницата за потоа експресно МВР и директорот од СДСМ на болницата да демантираат дека немало никакво пукање пред Градската болница, а за што сепак сведочат и автомобилот и пиштолот, кои се најдени на паркингот“, нагласи Арсовски.
Партискиот портпарол порача – дали и зошто полицијата ги крие овие информации од граѓаните, останува нејасно, но дека тоа можеби укажува оти се работи за лица блиски до структурите на власта.
- Книги4 недели
Македонски лекар ја објави последната исповед на Јосип Броз Тито
- Македонија3 месеци
Излезе од затвор Панче Ангелов, напаѓачот на Шекеринска од 27 април
- Македонија2 месеци
МЖСПП: Мечкиното грозје важен ресурс, кој треба грижливо да го собираме
- Црна хроника2 месеци
Млада девојка од Штип пронајдена мртва во нејзиниот дом
- Економија3 месеци
(Видео) Младите од Струмичко порачуваат – ако не проработи рударскиот комплекс, ќе се иселиме сите
- Македонија1 месец
(Видео) Отстранети два нелегално изградени објекта во општина Центар
- Македонија3 недели
Возачот на „бентлито“ што „влета“ на плоштад казнет со 45 евра, објавена фотографија од записникот
- Спорт3 месеци
Гетџи: По мечот со Хабиб, мојата мајка конечно ќе може да се пензионира