Македонија
(Видео) Г.г. Стефан за жените: Не сакаат лажни права и еднаквост, во црквата ја живеат вистинската слобода
Жените не сакаат лажни права и еднаквост со мажите, посочи Архиепископот Охридски и Македонски г.г. Стефан на денешниот протестен собир. Тој смета дека светот го окупира идеолошка пропаганда. Г.г. Стефан ја искритикува и Истанбулската конвенција, со која посочи дека се повредува жената, наместо да се заштити.
„Црквата стои со свештен трепет пред жената. Таа не само што не е немоќна, туку таа го држи оној што ја одржува во постоење сета вселена, семоќниот Бог. Велат дека ќе ја ослободат жената од стегите на црквата, а во реалност ја сведуваат на поткатегорија, изедначувајќи ја со мажи кои никогаш нема да бидат жени во вистинска смисла на зборот. На тој начин му даваат легитимитет на насилството врз жената. Жените во Македонија верувам дека не сакаат таква лажна еднаквост и такви лажни права и не сакаат да бидат ослободувани од црквата бидејќи од таму ја живеат вистинската слобода. Во мајката црква гледаат сигурно засолниште од овој заразен бунт против поредокот востановен од Создателот. Впрочем голем дел од жените и сега сте тука, дојдени од сите краеви на Македонија за да посведочите дека не го сакате ропството кое некој го нарекува слобода – ниту за себе, ниту за своите деца“, кажа тој.
Се осврна и на поимот „род“, кој кажа дека во намерите на родовите теоретичари не носи ништо добро за светот. Тука сме за да ја кажеме вистината, посочи г.г. Стефан.
„Светот го окупира и покорува една нова идеолошка пропаганда на која еве и овде ѝ го гледаме вистинското лице. Ни се подметнува поимот ‘род’, кој е свесно избран, кој во нашето сфаќање има убав контекст, но во намерите на родовите теоретирачи тој не носи ништо добро. Вистината, секогаш ослободува. Таа никогаш не покорува и заплашува. Вистината нема потреба да граби за морална супериорност искористувајќи ги жената и децата за да биде прифатена како што тоа го прават некои современи конвенции, како Истанбулската, кои под плаштот на заштита на жената, сакаат да ни подметнат нешта кои ќе ја загрозат и повредат токму жената која е столб на семејството, а со тоа и столб на општеството“, кажа г.г. Стефан.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Грчкото МНР реагира на заклетвата на Силјановска: „Европскиот курс зависи од употребата на уставното име“
Грчкото Министерство за надворешни работи упати реакција по денешна заклетва во Собранието на новоизбраната претседателка на државата, Гордана Силјановска-Давкова.
Од грчкото МНР велат дека и покрај тоа што во официјалниот текст на заклетвата што и’ беше диктирана, земјата се нарекува „Северна Македонија“, новата претседателка одлучи да ја нарече својата земја „Македонија“.
Со овој чин, велат од Министерството, грубо се крши Договорот од Преспа како и Уставот на соседната земја, кој е усогласен со нејзините меѓународни обврски.
„Грчката влада, и покрај приговорите што ги искажа како противење при ратификацијата на договорот, го почитуваше како ратификуван меѓународен договор кој има предност над која било друга законска одредба. Грција, во овој контекст, категорично наведува дека натамошниот напредок во нејзините билатерални односи со Северна Македонија, како и европскиот курс зависат од целосното спроведување на Договорот од Преспа и пред се од употребата на уставното име на земјата“, се вели во реакцијата.
За време на давањето заклетва, грчката амбасадорка во земјава ја напушти пленарната сала во знак на протест, а грчкиот весник „Катимерини“ напиша дека тоа било под директива на грчкото Министерство за надворешни работи.
Македонија
Лога: Непочитувањето на уставното име на државата ја прави ништовна заклетвата на Силјановска
Непочитувањето на уставното име на државата ја прави ништовна заклетвата на Гордана Силјановска-Давкова, реагира министерот за правда, Кренар Лога.
„Или повторување на постапката или функцијата претседател на државата треба да ја преземе Јован Митревски (претседател на собрание), како В.Д.“, порача Лога.
Гордана Силјановска-Давкова денес положи заклетва во Собранието за претседател на државата без да употреби Северна Македонија, по што грчката амбасадорка ја напушти пленарната сала во знак на протест.
Македонија
Силјановска-Давкова ја презеде претседателската функција од Стево Пендаровски
Гордана Силјановска-Давкова со највисоки државни и воени почести ја презеде функцијата претседател на државата од Стево Пендаровски во „Вила Водно“.
Таа претходно беше во Собранието каде што даде свечена заклетва за совесно и одговорно извршување на должноста.
Силјановска потоа се обрати пред пратениците, каде повика на единство, истакнувајќи дека ќе биде претстедателка на сите партии и сите граѓани, а говорот им го посвети на жените, сугерирајќи дека ќе биде инспирација за нивно учество во политичкиот живот.
Од денес почнува нејзиниот петгодишен претседателски мандат. Таа е шести претседател, и прва жена која се здобила со оваа функција од осамостојувањето на државата.