Контакт

Македонија

(Видео) Едно тенџере за сарма и фотографија од Иванов успеале да спасат од „Македонија блокира“

Објавено пред

Два леба, тенџере за сарма и фотографија од претседателот Ѓорге Иванов – толку успеале да спасат организаторите на „Македонија блокира“ кога утринава камион на комуналните служби ги собирал остатоците од кампот што до вчера беше поставен во паркот Жена борец. Граѓаните кои денеска ги затекнавме во паркот се жалат дека кампот бил отстранет без претходна најава. Тие тврдат дека во текот на ноќта имало луѓе кои биле исфрлени од шаторите од страна на полицијата.

„Две такви фотографии од нашите обраќања до претседателот ги најдовме во камиончето на ‘Паркови и зеленило’ со останатото ѓубре. Како што го најдовме моето тенџере од славата за Свети Никола, која је чествувавме тука, два леба и 2-3 кисели води кои беа за луѓе да ги консумираат тие во ѓубре…“, изјави Ана Бобинкова.

Од Град Скопје велат дека постапиле законски со отсранувањето на шаторите, а таква одлука следувала по редовните комунални инспекции.

„По редовните комунални активности на градот, во паркот Жена борец е затекнат лом, шут, предмети што не припаѓаат никому. Според Законот за комунален ред, ние имаме обврска парковите и зелените површини да ги држиме чисти и уредни. Со оглед на тоа што никој од нас не побарал дозвола да го користи паркот, а го користи веќе неколку месеци, вчера Град Скопје заедно со другите институции, меѓу кои главно е МВР, ги отстранивме не луѓето туку предметите што ги најдовме во паркоте. Луѓе таму немаше”, изјави Никола Наумовски од Град Скопје.

Од „Македонија блокира“, пак, се заканија дека ако не им ги вратат шаторите ќе поднесат пријави и тужби против надлежните, но и дека ќе се вратат на улиците со блокирање на најфреквентните крстосници во повеќе градови.

„Доколку не бидат вратени сите работи на своето место и доколку не бидеме обештетни, ќе блокираме најмалку 40 градови. Од сабота ќе почнеме со максимално вклучување на блокадите, досега бевме колегијални да не страдаат многу градот и граѓаните“, изјави Драган Угриновски.

Активистите кои велат дека се залагаат да го одбранат уставното име на државата и да го спречат имплементирањето на преспанскиот договор, изминатиот период зачестија со блокадите на крстосниците во Скопје. На ова бурно реагираа возачите и граѓаните со часови заглавени во сообраќајниот метеж, а најчестите реакции беа и поради малиот број демонстранти, што го отвори прашањето дали се исполнуваат законските норми за право на протест со помалку од 20 луѓе.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

Шведската министерка за надворешни работи во посета на земјава

Објавено пред

Mинистерката за надворешни работи на Кралство Шведска, Ан Линде ќе престојува во посета на Република Северна Македонија.

Линде ќе биде пречекана од својот домаќин, министерот за надворешни работи Никола Димитров, додека во рамки на посетата ќе биде примена и од претседателот Стево Пендаровски, а ќе се сретне и со вицепремиерката и министерка за одбрана Радмила Шекеринска Јанковска и со вицепремиерот задолжен за европски прашања Бујар Османи.

На средбите се очекува да бидат разменети мислења за домашните случувања, реформската агенда и следните чекори поврзани со европската перспектива на Северна Македонија по октомврискиот Европски совет, потоа за регионалната динамика и други актуелни меѓународни прашања, како и за севкупните билатерални односи и соработка меѓу Северна Македонија и Шведска.

Прикажи повеќе...

Македонија

Приватните специјализанти на протест, бараат повисоки плати

Објавено пред

Кофинансираните приватни специјализанти најавија протест за денеска пред Министерството за здравство за да побараат повисока плата и поради тоа што нивните специјализации не се вклопуваат во Законот за здравствена заштита.Во најавата за протестот велат дека нивната плата изнесува колку просечна плата во државата, која е пониска од минималната плата на лекар од општа медицина со 360 кредити образование.

„И покрај тоа што земаме пониска плата од нашите колеги кои немаат никаква обврска кон државата (ниту да работат во одредена институција, ниту да враќаат енормни суми на државата), плаќаме одреден дел од нашата партиципација за специјализација сами и годините што треба да ги одработиме за установата се исти како и државните специјализанти, финансиите што треба да ги вратиме се повисоки од тие на државните специјализанти кои се во однос 1:2 а ние кофинансираните се уште остануваме со однос 1:5 (5 пати повисоки од износот кој што е кофинансиран) доколку би се откажале од истата (беше направен обид за коригираање на одност 1:5 во 1:2 со отварање на ЗЗЗ по скратена постапка на 24.07.2019 за кофинансираните специјализанти, но неуспешно и не се спроведува) Тоа е огромна празнина во законот и крајно нефер обврзувачки договор“, велат организаторите.

Покрај ова, забележуваат што на дел од нив не им се исплатени патни трошоци и дежурства.Тие со протестот ќе побараат трансформација на работниот однос од определено во неопределено и решенија за проблемите во најкраток можен рок.

„Договорот за вработување во клиниката на неопределено време после завршување на специјализација има огромна правна празнина и можност за слободна интерпретација, така што после завршување на специјализација немаме загарантирано работно место“, велат специјализантите.

Прикажи повеќе...

Македонија

Министерството за здравство бара решение за кофинансираните специјализанти

Објавено пред

Министерството за здравство соопшти дека има слух за барањата на кофинансираните специјализанти и се бара механизам за подобрување на нивниот статус.

„Во исто време решаваме состојби каде немаше никакво поместување во позитивна насока со години претходно. Нивните колеги кои се приватни специјализанти за првпат се платени за својот труд во 2018 година. Тие дотогаш работеа бесплатно. Фокусот кој прво го ставивме беше на приватните специјализанти, да им овозможиме подобри услови за работа.
Сега, се бара механизам и за кофинансираните специјализанти. Веќе се договорени да почнат работни групи да работат на решавање на оваа ситуација, но затоа треба да биде во соработка со Фондот за здравствено осигурување и најверојатно со пратениците со цел да се види каква е можноста Законот во тој дел да се промени. Откако следната недела ќе ги собереме сите информации ќе имаме и детална динамика како и кога ќе може да се изнајде решение“, се вели во соопштението.

Според Министерството за здравство, покрај наследените куп проблеми кои оваа Влада ги наследи, за две години значително се подобрени условите за работа на здравствените работници.

„Направено е најголемо зголемување на платите во јавното здравство.Вкупно со сите зголемувања, основната плата на лекарот специјалист ја зголемуваме за 40%, на медицинските сестри помеѓу 20 и 23%, на општите лекари 25% и 15% на сите здравствени соработници.Зголемени се и коефициентите за исплата на дежурства и ноќен труд на медицинскиот кадар, а некои типови на дежурства се зголемени за два до три пати.

Владата во изминатиот период ги подобри условите на здравствените работници и нема намера да отстапи од оваа политика којашто требаше да се примени многу одамна, а со години ништо не беше направено на ова поле“, се додава во соопштението.

Прикажи повеќе...

Најново

Економија11 минута

За прв пат во историјата, глобалниот долг надминува 250 милијарди долари

Комбинираните долгови на националните влади, претпријатија и домаќинства на глобално ниво се зголемиле за 7,5 милијарди долари во текот на...

Македонија1 час

Приватните специјализанти на протест, бараат повисоки плати

Кофинансираните приватни специјализанти најавија протест за денеска пред Министерството за здравство за да побараат повисока плата и поради тоа што...

Екологија11 час

Џиновска панда од Вашингтон ќе патува за Кина со приватен лет

Беи Беи, џиновската панда во Националната зоолошка градина Смитсонијан во Вашингтон неделава патува за Кина – и тоа со приватен...

Свет11 час

Трамп: Бајден е поспан и бавен, но е подобар од бесно куче

„Џо Бајден е нешто подобар од бесно куче“, изјави американскиот претседател Доналд Трамп критикувајќи го неговиот политички ривал. Трамп на...

Европа13 часа

Штетите од поплавите во Венеција изнесуваат околу една милијарда евра

Штетите од поплавите во Венеција изнесуваат околу една милијарда евра.Ова го изјави градоначалникот Луиџи Бруњаро откако плоштадот Свети Марко во...

Свет14 часа

Папата организираше ручек за 1 500 бездомници

Папата Франциско организираше ручек за 1 500 бездомници и лица во неволја. Римокатоличката црква денеска го одбележува денот на сиромашните, а...

Македонија17 часа

Франција е за влез на Балканот во ЕУ, но со нова постапка во седум етапи

Земјите од Западен Балкан треба да влезат во Европската унија, но преку нов, постепен процес на пристапување во седум фази,...

Свет18 часа

Русија ѝ ги враќа запленетите воени бродови на Украина

Русија започна да ги враќа украинските воени бродови запленети на 25. ноември минатата година во Керчкиот проток, соопштија руските власти....

Свет19 часа

(Видео) Бојно поле на улиците на Хонгконг, полицаец погоден со стрела

Полицаец од Хонгконг денеска бил погоден со стрела в нога, отакако полицијата употребила солзавец за да ги растера демонстрантите кои...

Македонија19 часа

Во републичка акција, за една вечер казнети 203 возачи под дејство на алкохол

За откривање на возачи под дејство на алкохол, полициските сектори од цела држава, спровеле акција која траела синоќа од 22...

Регион21 час

Српскиот министер за здравство: Животот на Вучиќ беше во опасност

Српскиот министер за здравство, Златибор Лончар, денеска во изјава за „Танјуг“ нагласи дека претседателот на државата, Александар Вучиќ, имал хронични,...

Европа22 часа

Британскиот принц Ендрју негира дека злоупотребувал малолетничка на имот на осуден педофил

Британскиот принц Ендрју првпат во интервју за Би-би-си, одговори на прашања за наводната поврзаност со осудениот педофил Џефри Епстајн, при...

Македонија22 часа

Десет лица приведени при контроли во седум скопски локали

Викендов, во периодот од 23 до 04 часот наутро од страна на скопската полиција, Управата за јавни приходи, Државниот пазарен...

Европа1 ден

Годишнина од протестите на Жолтите елеци, во Париз приведени 105 лица

Француската полиција денеска употреби солзавец и водени топови за да ги растера демонстрантите кои се собраа во Париз на одбележувањето...

Економија2 дена

Бил Гејтс повторно е најбогат човек во светот

Oсновачот на „Мајкрософт“, Бил Гејтс во петокот го надмина директорот на „Амазон“, Џеф Безос, на списокот на најбогати луѓе во...

Европа2 дена

Градоначалникот на Венеција: Ова што се случува кај нас, ќе се случи во целиот свет

Жителите и властите во Венеција се борат со обилни дождови и поплави поради што во градот е прогласена и вонредна...

Топ2 дена

160 животи згаснуваат годишно во сообраќајни несреќи во земјава

17 ноември е светски ден на сеќавање на жртвите од сообраќајни незгоди, на милионите лица кој изминатите години трагично го...

Топ2 дена

Четворица работници повредени во „Макстил“, еден од нив е хоспитализиран

Четворица работници се повредиле на работно место во „Макстил“, од кои едниот со тешки повреди е хоспитализиран. Како што информираат...

Топ2 дена

Екстелохранителот на Мијалков избегал од куќен притвор

Драганчо Стоименов, познат како Дацо Белски, поранешниот телохранител на Сашо Мијалков, избегал од куќен притвор. Како што велат од МВР...

Топ2 дена

Притворен маж од Арачиново – убил соселанец поради расправија за добитокот

Полицијата приведе арачиновец поради убиство извршено во селото Мојанци. Тој го убил соселанецот поради банална расправија околу напасувањето на добитокот....

Досие