Ќе иницирам основање фонд преку кој ќе обезбедиме маска за секој штипјанец додека трае ковид-19, изјави денеска Сашко Николов, кандидат од СДСМ за градоначалник на општина Штип.

Тој рече дека како доктор лично ги сведочи натчовечките напори кои ги прават неговите колеги во борбата против пандемијата, а на здравствените работници повеќе од било ким е потребана поддршката од граѓаните.

„Како иден градоначалник на општина Штип се обврзувам да направам се да го заштитам јавното здравје и сите капацитети на општината да бидат ставени во функција на борбата против коронавирусот. Ќе иницирам основање фонд преку кој ќе обезбедиме бесплатни заштитни маски за сите штипјани, за полесно справување додека трае кризата со Ковид-19 и ќе апелирам до сите компании, граѓани и донатори да учествуваат со свој придонес во оваа наша заедничка цел. Во рамки на Кризниот штаб и натаму ќе продолжиме со редовна и навремена дезинфекција на сите јавни установи кои се под надлежност на општината. Во време на криза потребна е солидарност и целосна грижа за ранливата катeгорија на граѓани. Во таа насока, ќе ја зацврстиме соработката со приватниот сектор за донации кои ќе бидат доделени до овие граѓани, како и соработка со Црвен Крст и сите волонтери за достава на лекови и намирници во домовите до сите штипјани кои од различни причини се спречени сами да ги обезбедат“, рече Николов.

Како што доодаде, изборниот процес е организиран безбедно, со безбедна изборна кампања и со строго почитување на сите протоколи за заштита.

Николов рече дека 13 декември, денот кога Штип го бира својот градоначалник ќе биде целосно здравствено безбеден ден зошто секој еден учесник во процесот и гласачите ќе ги почитуваат здравствените мерки.

Мицкоски, доста плачеш и доста лажеш, народот не те сака, на твоите лаги не ти веруваат ниту во твојата партија, порача владејачкиот СДСМ до претседателот на ВМРО-ДПМНЕ, Христијан Мицкоски, по неговото обраќање на денешниот протест.

„Со сите лаги што ги изнесе денеска на таканаречениот протест, Христијан Мицкоски само ја потврди студијата на ЕУ дека тој и неговите профили на социјалните мрежи е извор на дезинформации и лажни вести.

Мицкоски, доста ги малтретираш твои приврзаници со кои си организираш таканаречени протести кои служат единствено да си ја спасиш фотелјата во белиот дворец.

Мицкоски, доста лажеш и глумиш загриженост, факт е дека за идентитетот македонски, за македонскиот јазик ниту се преговара ниту ќе се преговара.

Мицкоски, доста плачеш, граѓаните на 15 јули ти го покажаа патот на изборите, во опозиција каде уште долго ќе останеш.

Граѓаните одбраа државата да продолжи напред кон развој и интеграција, Мицкоски останува сам, изолиран во сопствениот очај, во сопствената хистерија“, наведе СДСМ во реакцијата.

Придавката „македонски“ е употреблива насекаде низ светот. Таа е идентитетска, и нема дилеми во нејзината употреба. Ова го изјави премиерот Зоран Заев одговарајќи на новинарски прашања во Штип.

„Законот за ратификација на Преспанскиот договор прави јасни динстикција кога заборуваме за Владата на Република Северна Македонија, за Министерството за здравство, и таа динстикција е јасна. Но, кога зборуваме за македонската историја, македонската политика, македонскиот народ, Македонец, македонска и македонско – придавката е идентитетска и јасно дефинирана“, изјави Заев.

Тој изрази надеж дека Бугарија ќе направи позитивен исчекор во однос на нашите евроинтеграции.