Со пакети вода, на жешкото време, пациенти со дијабет излегоа на протест за да ја побараат терапијата која Министерство за здравство треба да ја набави преку тендер. Меѓу нив имаше и деца. Со трансапренти му посочија на ресорниот министер за здравство, Фатмир Меџити: „Да им го олесниме детството“.

Тие посочуваат дека имале средба на која се информирани дека е потпишан договорот за глукомери и ленти.

Димче Велев, претседателот на Сојузот на здруженија на дијабетичари  по средбата во Министерството за здравство рече дека денес се среќни и задоволни бидејќи е потпишана одлука после пет години, децата до 18 години да добијат сензори во месец август и денес е потпишан и договорот после 7 месеци за добивање на глукомери и ленти.

„Задоволни сме од средбата. Терапијата повторно ќе си ја добиваме преку докторите без каснење, сите хронични болести не смеат да зависат од рокови, бидејки 45 000 луге не можат да чекаат дали министерот ќе потпише или не. Инсулини ќе се добиваат најиновативни и се ќе зависи од докторите. Апелираме и ги потсетуваме надлежните дека ние ќе бидеме будни. Следната недела е доволно да почне да се дели ленти барем за дијабетес тип 1“, вели Велев.

Дијабетичарите, излегоа на предупредувачки протест оти немаат терапија и со месеци се оставени без ленти и глукомери. Сојузот на здруженијата на дијабетичарите на Македонија се одлучи за протест по долго трпение, конструктивност и соработка.