Македонија
(Видео) Колони возила кон Блаце поради асфалтирањето, додека чекаат, трупаат ѓубре покрај патот

На семафорите поставени поради асфалтирање на патот кон Блаце се чека подолго отколку на граничниот премин со Косово, “Блаце”.
Долги колони возила се формираат пред секој семафор, а градежниците мака мачат со возачите кои не ги почитуваат привремените правила, излетуваат од колоните и си возат и покрај црвеното светло на семафорите.
Оние, пак, кои остануваат во колоните и ја почитуват светлосната сигнализација, сето ѓубре од автомобилите го оставаат покрај патот.
Лименки, шишиња, ќеси и хартии, има на сите места каде што имало или се уште има семафори поради градежните активности.
Инаку за изградба на втората подделница од автопатот Скопје – Блаце преку договор со ЕБОР беа обезбедени 167,6 милиони евра. Покрај средствата обезбедени од ЕБОР, за проектот беше обезбеден и инвестициски грант од ВБИФ во износ од 20,82 милиони евра, 5,68 милиони евра грант за техничка помош, исто така, од ВБИФ и 0,35 милиони евра грант кои ЕБОР дополнително ги доделува за изработка на е-мобилити национална стратегија и акциски план за патна инфраструктура.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Сообраќајна несреќа на патниот правец Кавадарци – Прилеп, сообраќајот во прекин

АМСМ информира дека сообраќајот на патниот правец Кавадарци – Прилеп е во прекин.
Од таму велат дека прекинот е поради сообраќајна незгода.
Прекинот ќе трае до завршување на увидот.
Македонија
СВР Битола апелира до граѓаните да не палат стрништа и земјоделски површини

Битолската полиција апелира до граѓаните на подрачјето Битола да не се пали оган на отворен простор откако деновиве настанаа неколку пожари како последица од намерно запалени стрништа.
-Апелираме да не се пали оган на отворен простор, да не се палат стрништа, земјоделски површини, отпад и друг горлив материјал и да не се фрлаат отпушоци од цигари и догорчиња. Доколку граѓаните забележат пожар на отворен простор најбрзо што може да го пријават во надлежните институции, апелираат од СВР Битола.
Македонија
Претседателот Пендаровски во Њујорк оствари средба со Јури Ким и Џим O’Брајан од американскиот Стејт Департмент

Претседателот Стево Пендаровски во Њујорк, на маргините на 78. Генерално собрание на Обединетите нации, оствари средба со Јури Ким, заменик помошник државен секретар за Европа и Евроазија и Џим O’Брајан, раководител на канцеларијата за координација на санкции при американскиот Стејт Департмент.
На средбата се разговараше за текот и за актуелните состојби поврзани со европските интеграции на нашата држава, за реформскиот напредок, како и за политичките состојби во земјава и во регионот. Соговорниците се согласија дека е потребно да се одржи фокусот на реформите, како и подготвеноста за водење на преговорите со Европската Унија.
На средбата беа потврдени одличните билатерални односи меѓу Соединетите Американски Држави и Република Северна Македонија, при што претседателот Пендаровски се заблагодари на американската поддршка за членството на Северна Македонија во ЕУ како стратешка определба на македонското општество.