Македонија

(Видео) Мизрахи: Како држава веќе го прекршуваме задолжувањето по Мастрихт, во превод – банкротирани сме

Објавено пред

1 месец

- 16 октомври, 2020

Од

Пратеничката од редовите на ВМРО-ДПМНЕ Рашела Мизрахи на собраниската комисиска расправа за финансирање и буџет истакна дека земјава веќе го прекршува задолжувањето по мастрихтшките критериуми или веќе сме банкротирана држава која има јавен долг над 60% или 3,143 евра задолжување по глава на жител.

„Ќе ми простите што не прифаќам климања со глава и аминувања со неанализиран датум, што ја одлучува иднината на граѓаните на државата, затоа што простете, иако зборуваме на јазикот на финансии, зборуваме за луѓе, а со тоа одлуката за животот на секој граѓанин не треба да се гледа преку бројки или како сува статистика“, вели Мизрахи.

По предложениот ребаланс на буџетот, Мизрахи праша дали има пилот во авионот, па гo посочи следново:

„Во однос на јавниот долг заклучно 30.6.2020 година, кој изнесува 402,6 милијарди денари или 6,5 милијарди евра, бројката на население е два милиони граѓани, па јавниот долг по глава на жител изнесува 193,947 денари или 3,143 евра по глава на жител. Јавниот долг како процент од БДП заклучно вчерашниот ден е 60,3%;

Доколку се ревидираат сите макроекономски проекции на ММФ моментално се прогнозира пад од 4,4% и доколку се прифатат новите проекции на Светка банка за пад од минус 4,1 % од БДП, долгот е далеку над 60%, со што далеку ги прекршивме мастрихтшките критериуми за задолжување на државата или во превод банкротирани сме“ – посочи Мизрахи.
Мизрахи критикуваше дека власта не треба да се повикува на кови-кризата за овој банкрот, туку треба да се навратиме на катастрофално лошите финансиски политики на власта изминативе неколку години кои ја доведоа државата во банкрот“, вели таа.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:

Следно

ВМРО-ДПМНЕ: Власта од земјоделците направи социјални случаи со намера да ги манипулира за избори

Претходно

(Видео) Тоше Проески по 13 години доби достојно спомен-обележје во Крушево

Македонија

Дождливо и постудено, температурата ќе се искачи до 10 степени

Објавено пред

39 минути

- 30 ноември, 2020

Од

Макфакс

Претпладне ќе биде значително облачно, во утринските и претпладневните часови ќе има повремен слаб дожд, на некои повисоки места и на планините слаб снег, а можна е изолирана појава на замрзнат дожд. Ќе дува умерен по должина на Повардарието засилен северен ветер. Во текот на денот облачноста ќе се намалува. Максималната температура ќе биде во интервал од 4 до 10 степени.

Во Скопје претпладне ќе биде облачно, во утринските и претпладневните часови ќе има повремен слаб дожд, на околните планини слаб снег. Ќе дува умерен до засилен северен ветер. Максималната температура ќе достигне до 5 степени.

Прикажи повеќе...

Македонија

Снег на Попова Шапка и Страцин

Објавено пред

45 минути

- 30 ноември, 2020

Од

Макфакс

Сообраќајот на патиштата се одвива по влажни коловози. Врнежи од слаб снег има на Попова Шапка и Страцин, но без проблем во сообраќајот.Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и за излез од државата.

Од 15.11.2020 година започнува законската обврска за задолжително поседување зимска опрема во возилата, без оглед на моменталната временска состојба. Оваа обврска ќе трае до 15.3.2021 година.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има појава на утринска магла и можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Прикажи повеќе...

Македонија

ВМРО-ДПМНЕ ќе протестира во 11 градови

Објавено пред

60 минути

- 30 ноември, 2020

Од

Макфакс

ВМРО-ДМНЕ најави дека денеска ќе протестира во 11 градови.

„Продолжуваме, заедно со народот против продажбата на татковината. Народот се буди и нема назад. Срамот на Зоран Заев не е заеднички. Да не дозволиме Зоран Заев да ја менува историјата, туку да пратиме порака тој да замине во историјата“, се вели во повикот.

ВМРО-ДПМНЕ ги повикува граѓаните во 18:00 часот на протест во 11 градови. „Време е граѓаните на Крива Паланка, Кратово, Свети Николе, Неготино, Струмица, Гевгелија, Струга, Крушево, Кичево, Македонски Брод и Гостивар да се обединат против злото наречено Зоран Заев. Протест сега, за да не биде предоцна! Оставка на Заев, слобода на народот!“, се вели во соопштението.

Прикажи повеќе...