Македонија
(Видео) Милошоски: Ковачевски и Ахмети преговараа амнестија за Груевски со цел поделби во ВМРО-ДПМНЕ и уставни измени

Власта на чело со Ковачевски и Ахмети преговара амнестија за Груевски со цел тој да влијае на поделби во ВМРО-ДПМНЕ и евентуално да им помогне да се изгласаат уставните измени, истакна на прес-конференција Антонијо Милошоски, член на ИК на ВМРО-ДПМНЕ и пратеник.
Измените во Кривичниот законик, вели тој, не се случајни, имаат двојна цел, првата е да се амнестираат функционери од актуелната власт, кои во изминатите години, за жал, ја ограбуваа државата и, второ, да се влијае на процесите што се однесуваат на Груевски.
Според него, измените во Кривичниот законик ги договарале СДСМ, ДУИ и лица од помали политички партии, кои сакаат поделби во опозицијата.
Додава дека оваа констатација, намерно или случајно, јавно ја кажа и Али Ахмети во едно интервју.
„Во изјавата на Ахмети беше потенцирано дека ВМРО-ДПМНЕ на чело со Мицкоски ниту преговарала за измените во Кривичниот законик ниту се согласила дека е против измените во Кривичниот законик и исто така е против менувањето на Уставот под бугарски диктат.
Сакајќи или не сакајќи, со ова најистакнатиот експонент на власта направи јасна разлика помеѓу оние што тргуваат со амнестија за да стигнат до уставни измени и своја правна заштита и ВМРО-ДПМНЕ, која ја слуша волјата на народот и е против уставни измени и трговија со правосудниот систем за политички материјални цели.
Со оваа акција на СДСМ и ДУИ целта им е да се амнестираат двајца поранешни премиери, а од друга страна, менуваат правосудни закони, кои би создале лична корист и заштита на актуелните функционери на СДСМ и ДУИ. Споменатите преговарачи на амнестијата нема да застанат тука. Во моментот разговараат за нов закон за амнестија, со кој би се спасиле од затвор лица блиски до власта, но имаат несогласувања кои дела да ги опфаќа тој закон за амнестија во Министерството за правда и Владата има разни позиции“, потенцира Милошоски.
Милошоски истакнува дека агендата на СДСМ и ДУИ во периодот што следува е со две примарни политички цели. Едната цел, како што појаснува, е да се спасат функционерите и да има амнестии за оние што краделе и ја злоупотребиле функцијата, а втората е да го искористат Груевски за фрагментација во ВМРО-ДПМНЕ и со тоа да си олеснат евентуално олеснување на уставните измени.
Им порачува и на СДСМ и на ДУИ и на нивните клиенти да не ја потценуваат ВМРО-ДПМНЕ, да не го потценуваат народот.
„Партијата е обединета, пратеничката група е сплотена и ВМРО-ДПМНЕ под ниеден услов нема да гласа за уставни измени под бугарски диктат, а овие политички пазарења со амнестии во Кривичниот законик нема да ги спасат од одговорност актуелните функционери доколку сметале дека ова им е некаков политички аванс“, нагласува Милошоски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Николоски: Омилената фирма на власта, Марковски, ќе заработува 63 илјади евра на ден од само 10 булдожери од РЕК Битола

Владата руши рекорди во крадење, омилената фирма на власта, Марковски компани, ќе заработува 63 илјади евра на ден од само 10 булдожери од РЕК Битола, изјави на прес-конференција, потпретседателот на ВМРО-ДПМНЕ, Александар Николоски.
Од опозициската партија велат дека договорот во суштина е рамковна спогодба за ангажирање на 10 булдожери гасеничари од „Марковски Компани“ кои треба да бидат ангажирани во РЕК Битола во период од 18 месеци за 16.253 денари по час.
„16.253 денари по час или вкупната вредност на оваа рамковна спогодба е 9 милиони и 200 илјади евра кои Марковски Компани треба да ги добие за ангажирање на само 10 булдожери гасеничари во рамките на РЕК Битола. Овој договор кој го презентирам и кој кажав дека чини неверојатни 16.253 денари по час, значи дека Марковски Компани за само еден ден од РЕК Битола ќе наплаќа 6.300 евра, или за сите 10 булдожери ќе наплаќа 63.000 евра“, рече Николоски.
Тој праша: колку нови булдожери може да се купат со договор од 9.2 милиони евра и тие да бидат во сопственост на државата, а не на омилената приватна компанија; дали можеби можат да се купат 15 или 20 булдожери кои ќе бидат во сопственост на државата, а не во сопственост на Марковски Компани; кој поединец, кој граѓанин заработува по 16.253 денари за работа за само еден час или 6.300 евра дневно?; кој заработува 6.300 евра дневно или 253 евра по час за сопствената работа, дали има втор случај во Македонија или во регионот или во Европа со вакви цени.
Од партијата велат дека ваков договор треба да е предмет на опсервација и на проверка од обвинителството и сите надлежни институции.
Македонија
ВМРО-ДПМНЕ и СДСМ продолжуваат со препукувањата околу платите на министрите и градоначалниците

И утрово ВМРО-ДПМНЕ и СДСМ продoлжија со соопштенијата во кои меѓусебно се обвинуваат за високите плати на грбот на граѓаните.
Откако вчера се осврнаа на платата на министерот Оливер Спасовски, од ВМРО-ДПМНЕ утрово велат дека власта на премиерот Димитар Ковачевски намерно го осиромашила народот за да се обиде да го поткупи со 1000 денари месечно, а за себе обезбедиле дополнителни 50 евра повисоки дневници.
„Додека Ковачевски пробува да ги поткупи граѓани со 1000 денари, тој за себе и за своите функционери си обезбедува 78% повисоки плати, кои дополнително треба да пораснат после Нова година. Со други зборови Ковачевски направил за себе да зема 50 евра повисока дневница од таа која што ја земал до сега, а народот го убедува дека 1000 денари или 15 евра месечно му се доволна помош. Ковачевски очигледно водел политика целиот овој период за осиромашување на народот, со цел да се обиде потоа со 15 евра месечно да го купи“, велат од ВМРО-ДПМНЕ.
Владејачкиот СДСМ, пак, утрово преку соопштение вели дека градоначалникот од ДПМНЕ, Бобан Стефковски зема 1.500 евра плата додека ги задолжува граѓаните на Гази Баба со нови 5 милиони евра.
„Градоначалниците на ДПМНЕ земаат 1.500 евра плата, додека удираат по џебот на граѓаните со поголеми сметки за данок на имот и до 300%, но и за ѓубретарина, вода, комуналии. Додека земаат 1.500 евра плата градоначалниците на ДПМНЕ им наплаќаат поскапи комуналии, вода и паркинг на граѓаните а такви се примерите во општините Прилеп, Гевгелија, Битола, Велес, Радовиш, Зрновци, Охрид и во други општини раководени од ВМРО-ДПМНЕ“, се вели во соопштението на СДСМ.
Од оваа партија вчера објавија дека во Ѓорче Петров сметките за комунални услуги се зголемени за 300, во Бутел за 150 отсто, додека градоначалниците на ДПМНЕ земаат 1.500 евра плата, одат на ексклузивни крстарења, носат рачни часовници од 8.000 денари, порачуваат хибридни бричеви со народни пари.
Македонија
132 санкционирани возачи во Скопје

Секторот за внатрешни работи Скопје во текот на вчерашниот ден (02.12.2023) продолжи со контролите во областа на сообраќајот. На територија на град Скопје изречени се вкупно 132 мерки, меѓу кои за возење повеќе од дозволената брзина 25 санкции, 11 мерки за возење без возачка дозвола, 11 санкции за возење под дејство на алкохол…
Сообраќајните контроли продолжуваат и во наредните денови. Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта.