Македонија
(Видео) Мицкоски: Име со копче не се брише, Заев со името тргува како на тезга на пазар

Име со дугме не се брише, име со хартија не се менува, тоа е она што сме и она што сме биле и ќе продолжиме да бидеме. Секој што тргнал против народот свој, народ ќе му се случи, рече лидерот на ВМРО-ДПМНЕ, Христијан Мицкоски, на протестот пред Собранието од импровизирана бина поставена на неколку метри од онаа на Јанко Бачев и неговите поддржувачи.
Тој порача дека сега е потребно масовно обединување. „Срцето се кине кога се витка кичмата на татковината. Главите горе, ова не е крајот, ова е почеток на нивното заминување“, рече Мицкоски.
Меѓу нас има несогласувања, додаде тој, но сите имаме иста цел и таа се вика Република Македонија.
За осумтемина независни пратеници од ВМРО-ДПМНЕ и коалицијата рече дека не треба да заборават дека му слугуваат на Заев и рече дека му е тешко кога ги гледа, но не може да им прости.
„Седнати во скутот на Заев, ќе вршите валкани работи, тие што се скрпија и се притиснати се фолираат и пенават, тешко ми е кога ги гледам, ама не ги оправдувам. Оние што одбраа да му слугуваат на Заев можам да ги разберам, тешко ми е кога ги гледам, но не можам да им простам. Само не заборавајте дека му слугувате на Зоран Заев. Но, единствен политички противник се Зоран Заев и СДСМ, а вие ќе останете обични слуги што ќе пишувате писма и статуси на ‘Фејсбук’“, рече Мицкоски алудирајќи на исклучените пратеници од ВМРО-ДПМНЕ.
За барањата на Беса, тој рече дека се отвора Пандорината кутија со етнички барања на Албанците. Тој рече дека нема некој што не уценува затоа што знаат дека си имаат работа со најголемиот уценувач и блефер, а неговото име е Зоран Заев.
„На Заев му е јасно дека драматично губи кај македонскиот народ и другите етнички заедници, па се обидува преку игра не помагајќи им на Албанците, Ромите, Бошњаците, Турците, Власите и другите се обидува да протне барање со кое ќе им се додвори зашто избори надоаѓаат и ќе мора да тргува со нивните гласови“, рече тој.
Мицкоски го обвини Заев дека ги злоупотребува имињата на амбсадорите во контекст на притисок за уставните измени.
Тој рече дека ВМРО-ДПМНЕ ќе стори сè за договорот за името да не се реализира. „Тоа е моја заложба, ова прашање ќе го отварам во секоја пригода, при секоја средба, не знам дали ќе успеам, но ќе сторам сè заедно со вас да си го вратиме името назад“, рече Мицкоски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
ЦУК: Спасувачка акција на повредено лице при превртување на теренско возило на планинскиот пат над село Јеловце

Центарот за управување со кризи денеска попладне добил пријава за едно повредено лице при превртување на теренско возило на планинскиот пат над село Јеловце, општина Врапчиште.
Веднаш за настанот биле известени полициските станици Гостивар и Галате.
„Пријавата е добиена преку Едиствениот број за итни повици. Бидејќи теренот е тешко пристапен за возило на Итна медицинска помош, по барање на директорот на ЦУК, Мухамед Али, ДОЦ достави барање до Министерството за внатрешни работи за ангажирање на хеликоптер и специјални единици (алпинисти) за спасување на повреденото лице“, информираат од ЦУК.
Оттаму додаваат дека лицето ќе биде транспортирaно до Клинички центар за укажување на понатамошна медицинска помош.
Македонија
Андоновски: Македонија прва од регионот ќе ги исполни условите за „роаминг како дома“

Земјите од Западен балкан на претстојниот Дигитален самит кој ќе се одржи на 1 и 2 октомври во Скопје ќе усвојат заедничка изјава со повик кон Европската Унија да се забрза процесот „роаминг како дома“ и нула трошоци за интернет за нашите граѓани во ЕУ.
Унијата пред еден месец излезе со патоказ што треба да го исполниме како држави за да пристапиме кон оваа зона, но потребна е активност и од нејзина страна.
Министерот за дигитална трансформација, Стефан Андоновски, вели дека Македонија ќе ги заврши своите обврски до декември годинава и очекува наредната година први да го потпишеме договорот за роаминг со нула трошоци за македонските граѓани.
„Главна беше измената на Законот за електронски комуникации за исполнување на клучните регулативи и директиви на ЕУ што ние веќе го направивме летово. Остануваат уште неколу подзаконски акти што треба да ги завршиме до крајот на годинава и со тоа ќе ги исполниме условите. Во напредна фаза сме, го изработивме нашиот Акциски план и мислам дека ќе бидеме први од регионот“, кажа Андоновски.
Македонија
Дигиталниот Самит на Западен Балкан 2025 повторно во Скопје – 1 и 2 октомври во Музејот на современата уметност

Министерот за дигитална трансформација, на прес конференција, ја најави организацијата на Дигиталниот Самит на Западен Балкан 2025, кој повторно ќе се одржи во Скопје, на 1 и 2 октомври 2025 година, во Музејот на современата уметност.
Ова регионална платформа ги поврзува владите од регионот, деловната заедница, академијата и меѓународните партнери со цел забрзување на дигиталната трансформација во регионот.
Самитот ќе биде организиран на две сцени – главна и технолошка, со три носечки приоритети:
• Дигитален паричник – сигурен и препознатлив пристап до јавни и приватни услуги.
• Интероперабилност – поврзување на системи и регистри за прекугранични електронски услуги.
• Сајбер-безбедност – заштита на личните податоци и критичната инфраструктура.
На технолошката сцена ќе бидат отворени теми за вештачка интелигенција, 5G и оптичка инфраструктура, дигитални вештини и пристапот на регионалните компании до единствениот европски дигитален пазар.
Министерот подвлече дека се очекуваат повеќе од 800 учесници и говорници, меѓу кои: претседателот на Владата Христијан Мицкоски, министри од Црна Гора, Албанија, високи претставнци од Србија, Косово, Босна и Херцеговина, високи претставници на Европската комисија, Регионалниот совет за соработка (RCC), ITU, бизнис секторот од регионот и други меѓународни организации. Меѓу најважните гости и говорници ги очекуваме и Ренате Николаи (DG CONNECT), генералниот секретар на RCC Амер Капетановиќ, заменик-генералниот секретар на Меѓународната телекомуникациска унија (ITU) Томас Ламанускас, видео-обраќање од Томас Јарзомбек (Парламентарен Државен секретар на СР Германија), како и од приватниот сектор Свјатослав Сењута од VISA, Марк Васич од Дојче Телеком и Кејт Марш од British Council.
Министерот Андоновски, подвлече дека самитот има исклучително значење затоа што ќе го продолжи „Нашите напори за понатамошно намалување на роаминг трошоците WB6–ЕУ со патека кон „роаминг како дома“, за 0 трошоци за интернет за македонските и граѓаните од Западниот Балкан кога патуваат во ЕУ.“