Контакт

Македонија

(Видео) Мицкоски: Станавме рекордери во порази и параметри а за тоа е виновен Заев

Објавено пред

Сведоци сме дека нема ниту едно суштинско ветување кое оваа влада го исполни, или мерка која дава резултати. Владата докажува дека нема концепт ниту визија. Во економијата нивните купи ден политики внесуваат несигурност и хаос. Така е во енергетиката, образованието, здравството, во секоја сфера од општественото живеење, соопшти лидерот на ВМРО-ДПМНЕ, Христијан Мицкоски.

„Нивниот принцип тргни па застани, е доказ дека наместо искусни луѓе кои треба да водат држава, имаме аматери кои експериментираат со животите на илјадници луѓе и нивните судбини. Зборот на Зоран Заев не е збор до кој тој држи. За секој неуспех на политиките кои ги водат имаме по едно извини. Извини коешто за народот не важи ништо зошто последиците од таквите политики ги плаќаат граѓаните. Нивното извини не е решение, туку последица на нивните погрешни политики.

Нивниот „прав пат“ завршува во слепа улица. И не поради тоа што не дојде живот за сите туку затоа што станавме рекордери по поразите и неславните резултати. Зоран Заев ја направи државата рекордер по бројот на сиромашни граѓани. Сиромашни граѓани кои живеат на прагот на егзистенцијалната издржливост.

Ја направија државата рекордер по загадениот воздух. Ја направија државата рекордер по нивото на корупцијата и криминалот. Заев ја направи Македонија рекордер по одливот на инвестиции, наспроти приливот кој е евидентен во соседните земји. Станавме рекордер по бројот на затворени медиуми 1ТВ, Независен, Утрински, Дневник, Вест и др. Станавме рекордер по јавниот долг и степенот на кој Заев ги задолжува граѓаните. Рекордери во иселувањето и лошиот живот. Станавме рекордери во поразите и лошите параметри. А, за сето тоа е виновен Зоран Заев. За да работите станат појасни почнуваме со рецензија на најголемата политичка лага наречена „Живот во Македонија“.

И оваа лага е составена од многу други лаги, неоправдани и изневерени надежи и очекувања.

Јас ќе се обидам неколку такви проекти кои што Зоран Заев и СДСМ ги ветија пред граѓаните за време на предвремените парламентарни избори во 2016-тата да ги презентирам.

Имено, ќе започнам со можеби за мене но и за голем број познавачи не само во Македонија, туку и надвор од Македонија е чудната дефиниција за пренамена на термоелектричната централа Неготино во енергетско земјоделски комбинат. Таков ниту во литературата, ниту во праксата постои. Но еве за СДСМ и Зоран Заев постоел и која е суштината на овој проект? Суштината на овој проект е да се пренамени и да се модернизира термоелектричната централа Неготино, така што отпадната топлина во процесот на производство на електрична енергија ќе се користи за затоплување на пластеници, каде што ќе се одгледуваат земјоделски раноградинарски производи.

Можете да поминете во Неготино и да видите дека не само што нема намера туку нема ни одблиску визија за исполнување на ова ветување.

Понатаму, ќе поминам на уште еден проект кој што толку време го критикуваа и толку време го промовираа дека кога тие ќе дошле во Владата ќе го реализирале. А, тоа е проектот за Чебрен и Галиште хидроцентралите. Ќе ве потсетам дека во 2016-тата година министерството за животна средина имаше распишано тендер за избор на оптимално техничко решение по должината на реката Црна од највисоката до најниската долна кота, на која што инвеститорите им беше оставено слобода да проектираат, а потоа доколку бидат избрани и изведат техничко решение хидроцентрали како што тие мислат дека оптимално е најдобро.

Но затоа во програмата и најголемата политичка лага наречена „Живот за Македонија“ стручњаците и експертите на СДСМ предвиделе изградба на Чербен и Галиште така што ќе ја подобреле физибилноста и со сопствени средства на ЕЛЕМ, ќе го изграделе Чебрене и Галиште. Можете да појдете по должината по течението на река Црна, ќе видите дека ниту нешто се гради ниту пак дека некој има намера да гради.

Понатаму ќе го споменам проектот каде што експертскиот тим на СДСМ во енергетиката ветува дека ќе набави сопствена механизација во РЕК Битола и нема повеќе да користи услуга на надворешни кооперанти. На тој начин ќе заштеделе во македонскиот буџет околу 120 милиони евра. Имаа пари, имаа тендер кој што претходното раководство им го остави во АД Електрани на Македонија, јас бев тогаш претседател на управниот одбор и директор на АД Електрани Македонија, го поништија и еве веќе трета година по ред си врткаат камионите на фамилијата.

Така што не само што се одлеваат тие 120 милиони евра туку имаме основани индиции и сомневања за сериозно крупен криминал кој што веќе трета година по ред се случува во Битола.

Понатаму ќе го издојам проектот имплементација на најсовремени еколошки стандарди во ТЕЦ Битола и ТЕЦ Неготино. Тоа што подразбира? Подразбира, вложување во животната средина, вложување во еколошките стандарди преку вградување на филтри, десулфуризација итн. Се сеќавате, голем дел од членовите на Владата предводени лично од Зоран Заев се прошетуваа и во Осломеј и во Битола и велеа тука ние ќе вложиме во подобрување на еколошките стандарди, ќе вградиме филтри за да тендерот после многу перипетии и внатрешни превирања во СДСМ не успеаја да се договорат па го поништија. Така што и единствениот тендер кој што во овие три години го направија во РЕК Битола, а се однесуваше во делот на изградба на филтер за десулфуризација им пропадна.

Понатаму ќе го споменам проектот отворање на јагленокопот Поповјани. За јавноста да биде појасно, станува збор за ново јагленово наоѓалиште кое се наоѓаа во околината на термоцентралата Осломеј во Кичево. Не само што овој коп не е отворен туку ни одблиску не се почнати ниту ни административните подготвителни работи, а камо ли пак да стане збор за отворање на новиот јагленокоп Поповјани. Така што термоцентралата Осломеј и натаму останува без соодветен ресурс за да може да биде синхронизирана во електроенергетскиот систем на Македонија. Уште една лага, уште едно неисполнето ветување.

Ќе продолжам во делот на гасификацијата. Еден од проектите е приклучување на Македонија на Трансадриатик цевководот. Не само што немаме изведено приклучок, туку ниту пак се планира нешто такво да се направи. Понатаму ќе го споменам проектот за интерконективно поврзување со соседна Бугарија и Грција, истата судбина како и претходните лаги. Немаме ниту пак административна подготовка за овие проекти да бидат реализирани и за волја на вистината доколку денеска и најспособната Влада ја имаме, а не оваа најнеспособна која што некогаш функционирала во Република Македонија нас ќе ни требаат неколку години за да ги изведеме овие два интерконектори со кои што Македонија ќе се поврзе со националните гасоводни системи на соседна Бугарија и соседна Грција кои што морам да признам се исклучително добро развиени.

Понатаму ќе го споменам проектот, природен гас за цела Македонија, односно изградба на секундарната и терцијалната мрежа. За на јавноста да и биде појасно тоа се оние гасоводи кои што треба да го донесат гасот до домовите на нашите граѓани и до индустријата. Имаше еден таков јавен повик за јавно приватно партнерство кој што беше распишан во минатото, но во 2017-тата година оваа Влада го поништи тој повик иако морам да признам дека за мене и тогаш и сега од неразбирливи причини се одлучи на ваквиот чекор. Односно тоа подразбираше практично прекинување на постапка која што доколку се реализираше во тој момент ние денеска можевме да зборуваме за почеток на теренската имплементација на проектот за гасификација целосна на Македонија и достапност до овој еколошки енергенс на сите домаќинства и индустријата. За жал тоа не се случи, го слушнавме Зоран Заев во Собранието како вели дека дал наредба до градоначалниците од 2020-тата да почнеле да градат.

Повторно ќе се вратам на коментарот за претходната лага. И најспособните градоначалници да ги имаме денеска, да отпочнат со планирање, а потоа геолошко и геодетско снимање на теренот, техничко дефинирање на проектната задача, изготвување на тендерска документација, успешно спроведување на тендерот, под услов тој тендер да не биде обжален под услов да тендерот практично биде успешен, нас од овој момент за жал ќе ни требаат најмалку од 24 до 30 месеци за да почнеме било што да правиме во делот на гасификација на Македонија.

Има уште многу други проекти коишто беа дел од најголемата политичка лага, како што е да речеме делот за обновливите извори, како што е новата 10 мегаватна фотонапонска електрана која што за волја на вистината распишаа тендер, истата треба да се гради во поранешното јагленовонаогалиште во близина на термоцентралата „Осломеј“ и истата требаше да започне со градба во септември оваа година, а на почетокот на 2020 година да се отпочне со производство на електричната енергија. Денеска сме ноември, не само што оваа постапка нема завршница, туку нема јавноста информација каде се потрошени парите на граѓаните, за што се потрошени, а ќе потсетам за оваа постапка е подигната кредит од Европската Банка за обнова и развој во висина од 6 милиони евра.

Имаме уште многу проекти коишто се ветени, но за жал не се реализирани. Ќе повторам на самиот крај на оваа наша денешната рецензија, на првиот дел од најголемата политичка лага наречена „Живот во Македонија„ степенот на реализација на проектите ветени за време на предвремените парламентарни избори во 2016 година заклучно со 1 ноември 2019 години не надминува повеќе од 2% .

98% од ветеното не е испорачано. Нека оценат граѓаните дали зборот е збор и дали зборот важи или зборот лажи. Со вакви и слични ветувања по принципот на „all-in“ ,по принципот на примитивизмот „мало сутра“ „тепсијата и баклавата“ и слично ќе се изнаслушаме на следните предвремени парламентарни избори и во кампањата.

Јас верувам во исклучителната голема мудрост на граѓаните и верувам во довербата која што ќе ја добие „Обновата на Македонија“ на 12 Април 2020 година“ рече Мицкоски.

Македонија

Мицкоски се сретна со претставници на ММФ

Објавено пред

Претседателот на ВМРО-ДПМНЕ, Христијан Мицкоски, се сретна со претставници на Меѓународниот монетарен фонд (ММФ) предводени од Берглјот Бјорнсон Баркбу, шефица на мисијата на ММФ за Македонија, и Стефани Ебл, висок резидентен претставник на ММФ за Западен Балкан и шеф на Канцеларијата на ММФ во Скопје.

На средбата се дискутираше за актуелната политичка и економска ситуација во Република Македонија, предвремените парламентарни избори кои следат во април и стратешките приоритети клучни за напредокот на државата.

Претседателот на ВМРО-ДПМНЕ го потенцираше недостатокот на реформи од страна на власта, поради што Македонија не доби датум за почеток за преговори со Европската Унија, како и уназадувањето на македонската економија поради високиот криминал и корупција од страна на функционерите на власта.

Мицкоски посочи дека поради катастрофалното работење со економијата на актуелната власт граѓаните сè повеќе осиромашуваат, што доведе до тоа половина милион граѓани едвај да преживуваат, а бројката на блокирани сметки ближи до 100 илјади.

Претседателот на ВМРО-ДПМНЕ истакна дека впрочем власта со враќањето на рамниот данок само ја потврди својата неспособност, но со досегашните погрешни даночни политики направија голема штета врз стопанството, како и одвраќање на идните инвеститори во Македонија.

Мицкоски на крајот додаде дека по изборите во април, на кои ќе победи ВМРО-ДПМНЕ, ќе следат итни реформи за да може што побрзо да закрепне македонската економија и да почне да чекори кон европските стандарди.

Прикажи повеќе...

Македонија

Мицкоски се сретна со Хајко Мас

Објавено пред

Претседателот на ВМРО-ДПМНЕ, Христијан Мицкоски, заедно со потпретседателот Владо Мисајловски и секретарот за меѓународна соработка Тимчо Муцунски се сретнаа со министерот за надворешни работи на Сојузна Република Германија, Хајко Мас.

На средбата беше потенциран интересот за продлабочена соработка и јакнење на политичката и економска соработка.
Претседателот на ВМРО-ДПМНЕ, Христијан Мицкоски, истакна дека претстојат промени во државата, пред сè поради економските, но и политички потфрлања на Владата кои влијаат врз животот на граѓаните и немањето концепт и визија на актуелната власт. Мицкоски истакна дека со оваа влада евроагендата завршува во слепа улица, иако интеграцијата во ЕУ претставува врвен стратешки интерес на Република Македонија.

Тој посочи дека на загрижувачки високо ниво се корупцијата и криминалот против кои мора да се реализираат одлични чекори, а наместо тоа имаме гол популизам без резултати.

Мицкоски посочи дека новата влада на ВМРО ДПМНЕ ќе води отворена политика и ќе вложува силен ангажман во подобрувањето на стандардот на граѓаните, а првите разлики ќе се почувствуваат во првите 100 дена по формирањето на владата.

Мицкоски истакна дека во Германија гледа искрен и силен сојузник изразувајќи подготвеност за продлабочена соработка во сферите од заеднички интерес со акцент на придвижувањето на европската агенда.

Прикажи повеќе...

Македонија

(Видео) Пендаровски: Реформите се потребни за да ја вратиме довербата на граѓаните

Објавено пред

Функционалната правна држава е основен услов за опстанок на поредокот и неговиот одржлив развој. Реформите во сферата на владеењето на правото и правната држава не треба да ги правиме за да ги задоволиме формалните критериуми за членство во ЕУ, туку за да ја вратиме довербата на граѓаните во сопствената држава и нејзините институции, остакна претседателот Стево Пендаровски на дебата на тема „Тековни состојби и предизвици во реформите во сферата на правната држава“, што на заедничка иницијатива на министерот за надворешни работи на Сојузна Република Германија, Хајко Мас, и претседателот Пендаровски се одржа во „Вила Водно“.

На дебатата учествуваа претставници на државните власти, на правосудните органи и претставници на надлежни институции во оваа област, се дискутираше за тековните реформи во сферата на функционирањето на правната држава, вклучувајќи ги судските реформи, борбата против корупцијата, а во согласност со дефинираните стратешки приоритети во рамките на евроинтегративниот процес на Република Северна Македонија.

Претседателот изрази поддршка, но и барање од институциите неселективно да се борат против корупцијата, а особено против високата корупција.

„Сметам дека корупцијата кај политичарите треба построго да се казнува бидејќи вршењето јавна функција носи посебна одговорност, а државната власт и ресурсите треба да се користат исклучиво за јавниот интерес, а не за остварувањето на партикуларни или лични интереси“, истакна Претседателот.

Претседателот Пендаровски се осврна и на случајот „Рекет“ за што подвлече дека во очите на многумина ги дискредитирал напорите за обнова на правната држава по клептократскиот систем воспоставен од поранешната влада, додека за случаите врз коишто работеше поранешното Специјално јавно обвинителство, оцени дека е позитивно што се активни и продолжуваат да се процесуираат од редовното Јавно обвинителство. Во тој контекст, претседателот подвлече дека е важно да не се дозволи преку застарување да се случи „скриена амнестија“ на сторителите на тешки кривични дела поврзани со високата корупција.

Претседателот Пендаровски побара новиот Закон за јавно обвинителство да биде изработен според највисоките европски стандарди, образложувајќи дека е подобро темелно да се изработи, отколку да се брза и преку непринципиелни политички компромиси да се компромитира борбата со високата корупција. Тој ги поздрави носењето на новиот Закон за спречување на корупцијата и судир на интереси и транспарентноста на постапката со којашто се конституираше новиот состав на Државната комисија за спречување на корупцијата, изразувајќи очекување за активна и неселективна работа на Комисијата, врз основа на законите и заснована врз докази.

Претседателот Пендаровски повика интензивно да се користи експертската помош што ја нуди Германија во делот на реформите во сферата на правната држава, како преку проекти финансирани од ЕУ, така и преку билатералната соработка.

Министерот Мас посочи дека Сојузна Република Германија ќе продолжи видливо да ја поддржува Северна Македонија на патот кон Европската Унија, бидејќи, нагласи, тоа е вистинскиот пат.

На дебатата, покрај претседателот Пендаровски и министерот Мас, учествуваа министерката за правда, Рената Дескоска, претседателот на Уставниот суд, Сали Мурати, јавниот обвинител Љубомир Јовески, претседателката на Државната комисија за спречување на корупцијата, Билјана Ивановска, директорката на Академијата за судии и јавни обвинители, Наташа Габер-Дамјановска.

Прикажи повеќе...

Најново

Свет1 час

(Видео) Трамп: Се обидуваат да ме спречат

Ова е најголема измама во историјата на американската историја, порача американскиот претседател Доналд Трамп, во врска со почетокот на јавните...

Македонија2 часа

(Видео) Пендаровски: Реформите се потребни за да ја вратиме довербата на граѓаните

Функционалната правна држава е основен услов за опстанок на поредокот и неговиот одржлив развој. Реформите во сферата на владеењето на...

Регион2 часа

Страшна сообраќајна несреќа во Словачка, најмалку 12 загинати и 20 повредени

Најмалку 12 лица, од кои четири деца, загинаа денеска во судир на автобус и камион во западниот дел на Словачка....

Македонија3 часа

(Видео) Заев-Мас: Да се изнајде начин што побрзо до позитивна одлука за Северна Македонија

Претседателот на Владата, Зоран Заев и министерот за надворешни работи на СР Германија, Хајко Мас изразија жалење за одлуката на...

Македонија6 часа

„Никофон“ платил 1.800 место 5.000 денари за квадрат за гаражата кај „Аутомакедонија“, Центар бара раскинување на договорот

Заедно со граѓаните до крај ќе се бориме кај „Аутомакедонија“ да не се изгради катна гаража, туку парцелата да им...

Македонија8 часа

(Видео) Зеќир Рамчиловиќ изгласан за потпретседател на Собранието

Со 62 гласа „за“, 16 „против“ и без воздржани, пратеникот Зеќир Рамчиловиќ е изгласан за потпретседател на Собранието. За оваа...

Македонија10 часа

Во Швајцарија уапсени членови на „Пинк Пантер“, меѓу кои и еден Македонец, ограбиле златарница

Швајцарската полиција уапси двајца црногорски државјани, двајца германски државјани, едно лице од Босна и Херцеговина и едно од Северна Македонија...

Македонија10 часа

Груевски нема да одговара за „Траeкторија“ поради застареност на делото

Експремиерот во бегство, Никола Груевски, нема да одговара за кривичното дело во предметот „Траекторија“, кое се однесува на изградбата на...

Македонија11 час

Закажано првото рочиште за „Рекет“

Првото рочиште за предметот „Рекет“, во кој се обвинети Бојан Јовановски – Боки 13, поранешната специјална обвинителка, Катица Јанева, и...

Македонија12 часа

Заев: „Југохром“ ќе биде затворен додека не се стават филтрите

„Југохром,“ додека не се стават филтрите, нема да функционира, истакна премиерот Зоран Заев пред вчерашната владина седница во Тетово зборувајќи...

Европа12 часа

(Видео) Венеција под вода, регистриран вториот најголем бран во историјата

Венеција е погодена од вториот најголем бран на плима во историјата, кој ја поплави историската базилика и многу од градските...

Македонија13 часа

Игор Јанушев ќе биде шеф на изборниот штаб на ВМРО-ДПМНЕ

Извршниот комитет на ВМРО-ДПМНЕ на синоќешната седница едногласно одлучи генералниот секретар Игор Јанушев да биде шеф на Републичкиот изборен штаб...

Македонија13 часа

Заев: Побогатите граѓани да ги сменат системите за греење за да помогнат против загадувањето

Премиерот Зоран Заев во изјава за медиумите пред почетокот на вчерашната владина седница во Тетово даде одговор на новинарски прашања...

Македонија13 часа

Пендаровски во Париз предаде копија од книгата на Глигоров „Македонија е се што имаме“

Претседателот Стево Пендаровски за време на посетата во Париз, во библиотеката на Парискиот мировен форум дал копија од книгата „Македонија е...

Свет14 часа

Хилари Клинтон : Под голем притисок сум да го предизвикам Трамп на изборите

Поранешниот државен секретар на САД и кандидат на последните претседателски избори во САД, Хилари Клинтон, вели дека е „под голем...

Свет14 часа

Жанин Анес и официјално стана наследник на Моралес во Боливија

Уставниот суд го призна решението опозициската сенаторка Жанин Анес да ја преземе функцијата привремен претседател на Боливија. Таа синоќа во...

Македонија14 часа

Шефот на германската дипломатија Хајко Мас во Скопје

Министерот за надворешни работи на Германија Хајко Мас во текот на денешната работна посета на Северна Македонија е планирано да...

Спорт14 часа

Лука Модириќ е „Golden Foot“

Капитенот на фудбалската репрезентација на Хрвтаска Лука Модриќ во Монте Карло доби уште едно големо признание во кариерата, наградата „Golden...

Македонија1 ден

Заев во Тетово: Владата заседава во 10 региони за одблиску да го слушне гласот на граѓаните

Премиерот Зоран Заев во изјава за медиумите пред одржувањето на редовната 165. седница на Владата во Тетово, истакна дека организацијата...

Регион1 ден

Рама: Приштина ја загрозува надворешната политика на Албанија

Албанскиот премиер Еди Рама изјави дека политичарите во Приштина, спротивставувајќи се на заедничката иницијатива за создавање на балканскиот мини шенген,...

Досие