Македонија
(Видео) Нови скандали кај сметководителите, седница зад заклучени врати во „Континентал“, закани со полиција и обвинувања за непотизам
Долгонајавуваното самораспуштање на сите тела на Институтот на сметководители и овластени сметководители со цел да се справат со непотизмот утврден во речиси сите органи не се случи ни на денешната седница иако било ставено како точка на дневниот ред. Сметководителите обвинуваат дека нивните колеги кои се против самораспуштање кренале тензија и ги исклучиле од седницата сите оние кои се согласиле да си поднесат оставки.
Пред да стигнат до точката за оставки претседавачот ја прекинал седницата и најавил пауза, а по паузата седницата ја продолжиле само дел од членовите на Собранието. На другите, меѓу кои и членови на Управниот одбор кои го подготвиле дневниот ред и материјалот за седницата, не им било дозволено да влезат. Седницата продолжила зад заклучени врати.
„Требаше Собранието да донесе одлука Управниот одбор да објави оглас за именување нови членови на Управен одбор, Надзорен одбор и членови на Собрание. Меѓутоа, Собранието, откако Верификациската комисија го констатира бројот на членовите, почна да се одвива во други насоки. Беше најавен прекин од 30 минути, за по тоа и на членовите на Управниот одбор и на другите наши колеги од цела Македонија како јавност да не им биде дозволено присуство на тоа Собрание. Собранието сега се одвива во некоја сала, заклучени се и ќе се настојува, и тоа беше најавено на почетокот на состанокот, членовите на подружниците да не си дадат оставка. Тоа значи, таквите нетранспарентно избрани членови на подружници да останат и да го водат Собранието на Институтот. И така избраните членови на подружниците да изберат Надзорен одбор, а таквиот нетранспарентно избран надзорен одбор да избере нов Управен одбор. Некој упорно сака нетранспарентно избраното Собрание во 2016 година да остане и натаму“, вели Јован Златевски, член на Управениот одбор на Институтот.
Тој заедно со уште триесетина сметководители, иако поканет на седницата, остана надвор бидејќи по паузата не му бил дозволен влез во салата, а обезбедувањето се заканило дека ќе викне полиција ако инсистира да влезе.
Самораспуштање на Собранието и на сите тела на Институтот и избор на нови членови и лица на раководни позиции сметководителите договараат од минатата година. До ова решение дошле откако Министерството за финансии по извршен надзор во органите кои управуваат со Институтот утврди непотизам и нетранспарентна постапка при изборот на членовите. Состаноците со главна тема самораспуштање биле интензивирани од почетокот на годинава.
„На претходните состаноци што ги имавме од почетокот на годината досега, подружниците имаа состаноци низ цела Македонија, едногласна беше одлуката сите самоиницијативно да се разрешат. Правната служба требаше да каже точно како тоа да биде. Тука настана проблемот, уште на почетокот на седницата. Претседавачот, најстариот член на Собранието, почна да реагира дека не е возможно, немало закон за разрешување на членовите на Собрание и тука настана револт, а потоа беше прогласена пауза“, вели сметководителката Билјана Премуш од скопската подружница на која не ѝ беше доволено да се врати во салата по паузата.
Оставки на денешната седница не се случија. Откако обезбедувањето ја отклучи вратата во хотелот „Континентал“ зад која се одвиваше седницата, сметководителите кои беа внатре соопштија дека изгласале нов дневен ред на кој немало точка за самораспуштање на Собранието.
„Дневниот ред што ни беше понуден од страна на претседателот на Управниот одбор на ИСОС беше без никакви материјали, без никакви подготовки, без никакви претходни согледувања од страна на Надзорниот одбор за да можеме ние да одлучуваме. Го отфрливме тој дневен ред и прифативме нов дневен ред со две точки. Втората нормално секогаш е разно, а првата е третпат поднесување иницијатива за разрешување на претседателот на Управниот одбор, меѓутоа сега и на Управниот одбор на Институтот. Ние сакаме сè што е во овој институт да си поднесе одговорност, да се тргне и нормално потоа да си дојдат нови лица на овие одлучувачки функции, а потоа дали има правен начин, и кој е правниот начин да се сменат и овие 50 членови на Собрание. Или, пак, ако сакате изберете ги или не ги избирајте, меѓутоа ти да донесеш цел институт од 8 000 членови со огромни финансиски средства на ниво небаре е ова сега некое здружение на љубители на птици па ќе се распуштаме, ќе се самораспуштаме. Кој го знае правниот начин го знае, кој не го знае ќе треба да го научи“, рече Златко Митрески во име на сметководителите кои расправаа зад заклучени врати.
Членовите на Управниот одбор кои биле разрешувани на денешната седница тврдат дека материјалите за самораспуштање на Собранието на сите им биле уредно доставени, а ги донеле и на денешната седница. Обвинувањата за претседателката на Управниот одбор велат дека се беспредметни бидејќи таа сама утрово поднела неотповиклива оставка од функцијата кај министерот за финансии, па немало потреба од нејзино разрешување. Тие тврдат дека за да може Институтот професионално да функционира, неопходно е сите членови во Собранието да си дадат оставки и на нивно место да се изберат нови, па дури потоа да се избираат нови органи. Сегашните членови, како што велат, посебно оние кои денеска останале на седницата, сите биле роднински поврзани.
„Ние имавме состаноци по подружниците каде што, во подружницата во Скопје, на четири состаноци дојдоа само четири претставници од Собрание, значи останатите 11 не ги видовме. Ќе ве замолам да проверите колку од нив се роднински исповрзани и во какви функции се. Во Битолскиот регион беа присутни сите претставници, во Прилеп беа присутни сите претставници, во Велес беа сите претставници, во Штип беа присутни сите претставници, во Куманово беа присутни сите претставници, во Тетово немаше претставници од Собранието, таму се членови мајка и син, братот близнак е член на Надзорен одбор, претседателот на Надзорниот одбор си има своја вработена во Собранието, синот на еден претставник од Собранието каде што се пет члена е член на Надзорен одбор, бившиот претседател си има двајца во Собранието. Ова е вторпат како нè разрешуваат. Првиот пат беше нелегитимно разрешување, ако малку се распрашате ќе дојдете до сознание дека таму се потпишуваа луѓе кај ќе стасаа, по патишта, а нашето Собрание и министерот оценија дека така не се разрешува, но ако ги прашате нив ќе ви речат дека не треба за нас мислење од министерот, требало само за претседателката. Не е проблем, ние во секој случај одлучивме да ѝ дадеме шанса на професијата, не да си дадеме лична шанса, своја, ние секако поднесуваме оставка“, рече сметководителот Тихомир Мурџоски, член на Управен одбор.
Сметководителите на кои денес не им беше дозволен влез на седницата велат дека ќе ги сметаат за нелегитимни одлуките донесени зад заклучени врати. Голем дел од поканетите сметководители, пак, воопшто и не го чекале резултатот од седницата. Си заминале по паузата откако увиделе дека бробата против непотизмот во нивните редови е невозможна.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Костовски: Усвоен рекорден буџет од 848 милиони денари, Левица, ДУИ и ВЛЕН против развојот на општина Бутел
Денес на седницата на Советот на Општина Бутел беше изгласан и донесен најголемиот, рекордно проектиран буџет кој некогаш го имала општина Бутел, извести градоначалникот Дарко Костовски.
„Усвоивме развоен буџет, буџет кој е наменет и исклучиво во служба на граѓаните. Буџет кој значи реализирање на барањата на граѓаните.
За жал советниците од ДУИ, ВЛЕН и ЛЕВИЦА не го поддржа буџетот, не го поддржаа проектот за вода во Љубанци и Љуботен, нова поликлиника, не поддржаа нови улици во Љуботен, Визбегово, Скопје Север, Бутел, не поддржаа нови проекти и не го поддржа развојот на Општина Бутел“, вели Костовски.
„20 години без никаков интерес за граѓаните на општина Бутел!
63% од овој Буџет за капитални проекти!
Со овој буџет одвоени се рекорден број на финансии за капитални проекти.
Со овој буџет издвоени се финансии за реализација на:
-Нова поликлиника
-Доизградба на водоводот за Љубанци и Љуботен
-Детска градинка во населеното место Бутел 2
-Изградба на пливачки базен во ООУ “Ацо Шопов”
-Нови мостови на река Серава
-Уредување и чистење на речното корито на Река Серава
-Финансиска помош за новороденчиња
-Реконструкција на клучните сообраќајници во општина Бутел
-Реконструкција и ревитализација на голем број на помали сервисни улици
-Изградба на нова и реконструкција на постоечката атмосферска и фекална канализација
-Изградба на нови спортско рекреативни центри
-Нови детски игралишта
-Нови спортски игралишта
-Нов пешачки и пристапни патеки
-Поддршка на спортски клубови
-Спортски стипендии
-Парична помош за пензионерите
-Зголемен број на финансиски средства за помош на социјално загрозени семејства
-Финансии за културни и спортски настани
Како и изминатите години така и во овој буџет предвидени се 0 средства за репрезентација, патни трошоци, како и непродуктивни трошоци.
Парите на граѓаните мора и исклучиво ќе се користат за нивни потреби!
2026 година ќе биде година на развој, на многу нови значајни проекти во сите населени места!
Продлжуваме за модерна, стабилна и просперитетна Општина Бутел!“, соопшти Костовски.
Македонија
Општина Карпош го изгласа буџетот и програмите за работа за 2026 година
Градоначалникот Сотир Лукровски и Советот на општина Карпош го изгласаа општинскиот буџет и програмите за работа за 2026 година.
Советот на Општина Карпош заседаваше по шести пат, при што советниците расправаа и полноважно одлучуваа по околу триесетина точки кои се најдоа на денешниот дневен ред. Првенствено, мнозинска поддршка доби Предлог – Решението со кое беа именувани претседател и членови на Комисијата за изработка на Програмата за работа на Советот за 2026 година. Советот ја изгласа и Одлуката за утврдување надоместок на членовите на Општинска изборна комисија – Карпош и избирачките одбори на подрачјето на општина Карпош, за извршената работа во подготовката и спроведувањето на Локалните избори 2025 година, известува Општината.
Со истата динамика беа поддржани и 17 годишни Програми за работата на Секторите и Одделенијата од Општина Карпош за 2026 година. По детално разгледување на компонентите од кои е составен, беше изгласан и Буџетот на Општина Карпош за 2026 година. Имено, според образложението, Министерството за финансии ја извести локалната самоуправа дека максималниот износ на сопствените приходи на основниот буџет за општина Карпош за 2026 година ќе изнесува 608.436.000 денари. Притоа, средствата кои општината ќе ги добие како приход од ДДВ за 2026 година изнесуваат 28.978.000 денари, а средствата доделени од Владата на РСМ изнесуваат 615.020.279 денари. Планираниот пренесен вишок на приходи од претходната година изнесува 80.000.000 денари, така што висината на вкупниот износ на основниот Буџет на општина Карпош ќе изнесува 1.332.434.279 денари.
Земајќи го сето ова во предвид, Консолидираниот Буџет на Општина Карпош за 2026 година ќе изнесува 2.159.676.279 денари и истиот ги содржи планираните извори на приходи од кои ќе се финансираат расходите за 2026 година. Поточно, од трансфери и донации ќе се финансираат 1.478.975.279 денари или 69%, од даночни приходи 569.500.000 денари или 26%, додека пак од неданочни приходи ќе се финансираат 88.551.000 денари или 4% и од капитални приходи 22.650.000 денари или 1%. Планираните расходи на Општината се во поглед на развојна компонента на јавните услуги кои се надлежност на локалната самоуправа. Оттука, за изградба на инфраструктурни објекти во насока на подобрување на јавните услуги на граѓаните се обезбедени средства во износ од 790.930.279 денари или 36,60%. За стоки и услуги се планираат да се потрошат средства во износ од 399.997.000 денари или 18,51 %, каде што се трошат најголем дел од средствата за комунални услуги за греење, комуникација и транспорт. Социјалните бенифиции учествуваат со 7.800.000 денари или со 0,34%, субвенциите и трансферите со 118.978.000 денари или со 5,60%, додедка пак каматните плаќања со 1.000.000 денари или со 0,04% и отплата на главница за земени кредити со 6.400.000 денари или поточно со 0,28%.
Советниците ја поддржаа Одлуката за формирање на Штаб за заштита и спасување, како и Просторна единица за заштита и спасување кои ќе функционираат во рамки на Општина Карпош. На предлог на градоначалникот Сотир Лукровски, Штабот и Единицата се формираат со цел спроведување на подготовки и преземање мерки за заштита и спасување на луѓето и материјалните добра од воени разурнувања, од природни непогоди, епидемии, епизоотии, епифитотии и други несреќи, како и отстранувањето на последиците предизвикани од нив, соопшти Општината.
Советниците од Карпош го усвоија и Правилникот за методологија за утврдување на критериуми за распределба на блок дотацијата, наменета за сите десет општински основни училишта на подрачјето на Карпош за 2026 година. Според Правилникот, распределбата на блок дотацијата се спроведува по критериумот – основен трошок по ученик, а блок дотацијата за основното образование содржи две компоненти – Основна компонента и Варијабилна компонента. Средствата за блок дотациите ќе се насочуваат по општини од Буџетот на РСМ, преку Минстерството за образование и наука, месечно или по динамика во договор со Министерството за финансии.
Советот даде „зелено светло“ и за Одлуката за организирање на продолжен престој во IV (четврто) одделение во општинските основни училишта за 2026 година. Имено, со оваа Одлука Советот на Општина Карпош дава согласност за обезбедување финансиски средства за ангажирање на одделенски наставници, за реализирање на настава во продолжен престој за четвртоодделенците кои во претходните учебни години следеле настава во продолжен престој. Инаку, продолжен престој за основците од IV-одделение се организира за хомогени и хетерогени групи од најмалку 15 (петнаесет) ученици.
Со гласовите од советниците од Карпош беше изгласана и Одлуката за прифаќање на донација од КАМ ДОО Скопје во висина од 68.700 денари. Станува збор за донација на околу 300 новогодишни пакетчиња за дечињата од Карпош, кои доаѓаат од социјално загрозени семејства, се додава во соопштението на Општината.
Македонија
Намалена видливост поради магла на неколку патни правци
Намалена видливост поради појава на магла до 100 метри има на планинските превои Стража и Ѓавато, до 30 метри на планинскиот превој Плетвар и во Крушево и од 15 – 20 метри на патниот правец крак Маврово – Маврови Анови, извести АМСМ.
Сообраќајот на државните патишта се одвива непречено, по претежно влажни коловози.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
Намалена видливост поради магла на неколку патни правци
Намалена видливост поради појава на магла до 100 метри има на планинските превои Стража и Ѓавато, до 30 метри на...
(Видео) Британските ракети „Сторм Шедоу“ погодија клучна руска рафинерија
Украина потврди дека употребила британски крстосувачки ракети „Сторм Шедоу“ за напад врз голема рафинерија за нафта во Русија, нанесувајќи нов...
Зоран Трајчевски ќе продолжи да ја води АВМУ и во наредните пет години
Зоран Трајчевски ќе продолжи да ја води Агенцијата за аудио и аудиовизуелни медиумски услуги и во наредните пет години, откако...
Уапсен полицаец за изнуда: поднесена кривична пријава, следува суспензија од работното место
По претходна пријава од граѓанин за сторено кривично дело „изнуда“ од полицискиот службеник Х.З.(48) во Одделението за криминалистички работи Гази...
По случајот со починатото новороденче на ГАК, Комисијата за стручен надзор констатирала дека реанимациската постапка е спроведена по протокол
Комисијата за стручен надзор за случајот со починатото новороденче на ГАК констатирала дека реанимациската постапка е спроведена по протокол, соопшти...
Се наплаќале ПАП-тестови и други услуги што ги покрива Фондот за здравство: извршени контроли поради претставки од граѓаните
Денес, директорите на Управата за јавни приходи и Фондот за здравствено осигурување одржаа заедничка прес-конференција на која го презентираа извештајот...
Дислокацијата на цементарницата не е проблем, но не може како на шведска маса да бираме што да анализираме, а што не, вели Мицкоски
Премиерот Христијан Мицкоски смета дека решението за воздухот во Скопје е системско, кое ќе понуди алтернативен начин за загревање на...
Мицкоски: Набавени нови 120 полициски возила за униформираната полиција
Безбедноста и расчистувањето на криминалот и корупцијата во државата се наш врвен приоритет како Влада, а Министерството за внатрешни работи...
Беким Сали ја презеде функцијата министер за европски прашања
Денеска, во Министерството за европски прашања беше извршено примопредавање на функцијата министер за европски прашања по вчерашната одлука на Собранието,...
Пановски предупредува: Се шират лажни видеа со мојот лик, не купувајте такви производи
Микробиологот, професор и доктор Никола Пановски преку објава на Фејсбук предупреди дека повторно се шират лажни видеа и реклами со...
Советот на Град Скопје изгласа иницијатива за дислокација на цементарницата „Усје“
Советот на Град Скопје едногласно ја прифати иницијативата за дислокација на цементарницата „Усје“, поднесена од Зелен хуман град, по 13-часовна...
Уапсен кумановец на Табановце, шверцувал стари монети
Полицијата уапси кумановец на Граничниот премин Табановце, во неговото возило биле пронајдени стари монети. Вчера во 20:18 часот на Граничен...
Филипче да одговори дали има удел во бизнисот на Заев за изградба на 42-катницата во Дубаи, бара ВМРО-ДПМНЕ
СДС продолжува на дневна основа да штанца долги, бесмислени и конфузни соопштенија без никаква суштина, но ги нема збор да...
Полска пресретна руски авион над Балтикот, воздушниот простор е нарушен од Белорусија
Полска испрати борбени авиони да пресретнат руски извидувачки авион што леташе близу до нејзиниот воздушен простор над Балтичкото Море и...
Дали Зеленски ќе го исполни барањето на Трамп: Се разгледува одржувањето на претседателски избори
Првиот заменик-претседател на украинскиот парламент, Олександр Корниенко, го објави почетокот на работата на работната група која ќе се занимава со...
Министерот Стоилковиќ објави видео од канцеларија со импровизирани кревети во кои работеле службеници од ДУИ
Министерот за односи меѓу заедниците, Иван Стоилковиќ, објави снимка на социјалните мрежи на која, според него, е прикажана канцеларија во...
Мицкоски: Лага е дека има договор за мигранти, граѓаните да бидат спокојни
„Јавноста да биде спокојна. Сè додека е оваа влада, нелегална миграција, легална миграција, како резултат на пропаднати апликации за азил,...
„Чичко, прскај нè оти така полесно дишеме“: Николов со потресно сведочење за трагедијата во„Пулс“
На денешното судско рочиште за трагедијата во дискотеката „Пулс“, сведокот Дејан Николов, сопственик на автосервис во близина на дискотеката, во...
(Видео) Филипче до Мицкоски: Граѓаните ли се талог затоа што ја критикуваат власта?
Претседателот на СДСМ, Венко Филипче, на денешната седницата за пратенички прашања во Собранието го праша премиерот Христијан Мицкоски дали кога...
Од водите на Вардар извлечено тело на машко лице
Вчера во 14:20 часот во СВР Скопје е пријавено дека околу 11:00 часот во водите на река Вардар, во атар...
