Под влијание на топла и нестабилна воздушна маса од Медитеранот од утре до сабота следува период на топло време со значителен пораст на температурата на воздухот. Претпладне ќе биде сончево, а во попладневните и вечерните часови наместа ќе биде нестабилно со пороен дожд и грмежи, информира УХМР.

Локално процесите ќе бидат во форма на невреме и ќе има појава на град и засилен ветер. Особено поинтензивни процеси на повеќе места ќе има во сабота.

Извор: УХМР

Денеска ќе биде сончево со мала до умерена локална облачност. Попладне во западните планински предели е можна појава на краткотраен дожд. Ќе дува слаб, а вдолж Повардарието умерен ветер од југоисточен правец. Максималната температура ќе биде во интервал од 18 до 24 степени.

Управата за финансиска полиција денес добила пријава со барање за финансиска контрола во Исламската верска заедница(ИВЗ). Од Управата демантираат дека веќе направиле увид во ИВЗ.

„Управата за финансиска полиција во целост ги демантира објавените информации во одредени медиуми дека на ден 23.04.2019 година од страна на овластени лица на Управата е извршен увид и контрола во просториите на Исламската верска заедница. Управата за финансиска полиција нема преземено никакви дејствија и активности со цел контролирање на финансиското работење на ИВЗ. Воедно ве известуваме дека на ден 24.04.2019 година примена е писмена пријава со барање за финансиска контрола во ИВЗ“, соопштија од Управата.

Барањето за контрола на финансиското работење е по вчерашниот обид за преземање на власта во ИВЗ од страна на Скендер Бузаку. Тој тврди дека има правосилно решение врз основа на кое од денес е поглавар на ИВЗ. Бузаку најави дека денес ќе влезе во просториите на ИВЗ.

Кандидатката на Христијан Мицкоски, Гордана Сиљановска, е пример за транзициски профитер и симбол на непотизам, изјави денеска портпаролот на СДСМ, Костадин Костадинов.

Како што кажа тој, во нејзиниот мандат како министерка во првата влада по независноста, сопругот на Сиљановска добил бизнис со фри-шоп, што според портпаролот на владејачката партија, во тоа време бил еден од најдоходовните бизниси.

„Таквиот чин на непотизам, судир на интереси и злоупотреба на функцијата, во тоа време наидува на жестока критика токму од пратеници од ВМРО-ДПМНЕ. Собраниските архиви говорат дека Силјановска за ВМРО-ДПМНЕ воопшто не била ‘симбол на правото и правдата’, туку узурпаторка на функцијата и транзициска профитерка, како што била опишувана во Собранието во 1994 година токму од пратеници на ВМРО-ДПМНЕ“, посочи Костадинов.

Тој истакна дека дури и самата Сиљановска во интервју за „Сител“ телевизија признала дека фри-шопот постоел.

„Единствениот кој го игнорира доделениот фри-шоп и очигледниот конфликт на интереси на Сиљановска како министерка во транзициската влада е Христијан Мицкоски. Јасно е лицемерието на Сиљановска и ВМРО-ДПМНЕ. Затоа загубија во првиот круг и затоа ќе загубат уште поубедливо во вториот круг“, кажа портпаролот и додаде дека граѓаните нема да дозволат нечесни и неискрени личности да застанат на чело на државата.