Контакт

Македонија

(Видео) Пожарот во Кисела Вода, најверојатно, настанал од електрична инсталација

Објавено пред

Пожарот во станот на улица Народни херои во Кисела Вода, најверојатно, настанал од електрична инсталација во кујната, изјави командирот на Противпожарната бригада, Владимир Симоновски. Тој рече дека во интервенцијата се повредени тројца пожарникари.

„Спасени се сите жители што беа на шестиот и на седмиот кат, вкупно седум лица, од кои две малолетни. Сите се во добра состојба. Имаме и тројца повредени пожарникари. Едниот има изгореница на десната рака и е однесен на клиника, другите двајца вдишаа чад, горе нема доволно простор и воздух за да отвориме прозорци. Пристапот беше тежок. Сè уште не сме утврдиле од што е настанат пожарот, ама по мое видување, најверојатно, е од кујната, од
електрична инсталација“, рече Симоновски.

Командирот информира дека со пожарот биле зафатени три стана и дека пристапот до нив бил исклучително тежок поради конструкцијата на зградата.

„Од топлината пробиен е и другот стан што гледа од другата страна на зградата. Со помош на скалите влеговме од оваа страна за да го локализираме пожарот од другата страна на зградата. Интервенцијта траеше два и пол часа со 11 возила. Тежок пристап имавме внатре во влезот, но сепак успеавме. Опфатени се три стана“, рече Симоновски.

Тој апелира до граѓаните да ги остават пожарникарите да си ја работат работата, без да им се врши притисок.

„Ги замолувам сите граѓани да ни остават простор за работа за да се организираме за што побргу да пристапиме да гаснеме. Послесно ми е да гаснам отколку да се расправам со граѓаните. Знаеме сè, се обидовме од другата страна да влеземе преку покривот. Ние наоѓаме најсоодветна опција што побргу да ги симнеме граѓаните“, рече Симоновски.

Македонија

Филмскиот фестивал „Џифони патува“ во Кавадарци на 19 и 20 јуни

Објавено пред

Фестивалот „Џифони Македонија“ продолжува да патува низ нашата земја. Кавадарци е шеснаесетта општина, каде што на 19 и 20 јуни ќе се одржи Филмскиот фестивал за млади „Џифони патува во Кавадарци“ во Домот на култура „Иван Мазов – Климе“.

„Џифони патува“ е проект наменет за младите од нашата земја, кој преку ширење на идеите на најголемиот фестивал за млади во светот „Џифони експириенс“ од Италија активно ги вклучува младите вљубеници во филмот и културата.

Во текот на двата дена младите учесници ќе го гледаат филмови и ќе дискутираат за темите на филмовите со актерот Роберт Ристов, кој ќе биде ментор на актерската работилница. Младите од Кавадарци ќе ја развиваат својата креативност и преку работилница за фотографија под менторство на професорот Роберт Јанкулоски, а ликовната работилница ќе ја води Моника Мотеска.

Фестивалската програма „Џифони патува“ во Кавадарци се одржува со финансиска поддршка на Агенцијата за филм и Фестивалот „Џифони експириенс“ од Италија, во соработка со Општина Кавадарци, Домот на културата „Иван Мазов – Климе“ и италијанската амбасада во Скопје.

Прикажи повеќе...

Македонија

Усвоен нов, поефикасен и поевтин систем за заштита од град

Објавено пред

Владата денеска го донесе новиот текст на уредбата за доделување на техничката поддршка во земјоделството и руралниот развој, во која е додадена нова подмерка „Услуги за авионско засејување на облаците за превенција од природни непогоди и неповолни климатски настани врз земјоделски посеви “.

Со овој вид на заштита, велат од Владата, од природни климатски непогода како што е градот се постигнува најефикасен систем за превенција и неколку кратно поекономичен систем од старите ракетни системи.

„Проценетата вредност за набавка на услугите е 90 милиони денари, што е неколкукратно поекономично од инвестициите во ракетен систем чија проценета вредност за инсталација и одржување е еднократна инвестиција од една милијарда и 200 милиони денари и дополнителни трошоци за одржување и набавка на материјали од 300 милиони денари на годишно ниво“, велат од Владата.

Прикажи повеќе...

Македонија

Заев очекува формален почеток на преговорите со ЕУ до крајот на годинава

Објавено пред

Задоволни сме од денешниот заклучок на Советот на министри, но тој ќе значи целосен успех во октомври, кога ќе се круниса со конечна одлука за почеток на преговорите и практичен почеток до крајот на годината, напиша премиерот Зоран Заев на „Фејсбук“.

Тој наведува дека со заклучоците на Советот на министрите од Луксембург, Северна Македонија добила силно и недвосмислено признание за достигнувањата во изминатата година.

„Добивме јасна потврда за реформите кои ги спроведовме и за сите резултати остварени на домашен план, но и пофалби за Договорите со Грција и Бугарија. Тоа за нас и за граѓаните е многу значајно и ни укажува дека заедничките напори не беа попусто. Исто така, со заклучоците на Советот ни е одредена точна временска точка во која ќе се донесе и потврди одлуката за почеток на преговорите за членство ЕУ, а тоа е не подоцна од октомври оваа година“, вели Заев.

За нас, додава тој, беше клучно оваа одлука да биде донесена оваа година, а овој заклучок токму тоа го потврдува.

„Ние во меѓувреме продолжуваме со работа и реформи. Нашиот резултат е одржлив и незапирлив. Продолжуваме со интензивните подготовки за формален почеток на преговорите до крајот на оваа година“, пишува Заев.

Премиерот претходно изјавуваше дека очекува почеток на преговорите во јуни или јули, но Советот денеска не одреди датум. Министерите за надворешни работи на земјите-членки на Европската Унија се договорија најдоцна до октомври да се навратат на ова прашање.

Претходно, германската канцеларка, Ангела Меркел, на средба со Заев во Берлин рече дека Бундестагот во септември ќе одобри старт на преговорите на Европската Унија со Северна Македонија.

Прикажи повеќе...

Најново

Македонија11 час

Заев очекува формален почеток на преговорите со ЕУ до крајот на годинава

Задоволни сме од денешниот заклучок на Советот на министри, но тој ќе значи целосен успех во октомври, кога ќе се...

Свет12 часа

Трамп на „Твитер“ најави масовни апсења на мигранти

Претседателот на САД, Доналд Трамп, на „Твитер“ најави масовни апсења на мигранти. Иронично за објавата на Трамп е дека големите миграциски...

Топ14 часа

Маж и жена од Тетово сексуално експлоатирале 15-годишно девојче

Жена од Тетово и нејзиниот сосед сексуално експлоатирале 15-годишно девојче. Тие договарале сексуални услуги на интернет и го носеле девојчето...

Македонија14 часа

ЕУ не определи датум за почеток на преговори со Северна Македонија

Министрите за надворешни работи на Европската Унија на Советот за општи работи на Унијата во Луксембург не се согласија околу доделувањето...

Европа16 часа

(Видео) Меркел, поради дехидрација, неконтролирано се тресеше на пречекот на Зеленски

Германската канцеларка, Ангела Меркел, изгледаше како да не ѝ е добро и нејзиното тело неконтролирано се тресеше додека денеска во...

Македонија18 часа

Грујевски наредил опремата за прислушување да се сече на парчиња

Ни беше кажано од Горан Грујевски дека опремата за следење на комуникациите ќе ја исечка на парчиња од 5 сантиметри,...

Македонија18 часа

УБК прислушувала од аероклубот во Центар

Сведокот Сашо Трајковски во продолжението на сведочењето за предметот за масовното прислушување на СЈО – „Таргет – Тврдина“, рече дека,...

Свет19 часа

ОН: Светското население ќе порасне на 9,7 милијарди до 2050 година

Населението во светот старее и иако бројот на жители расте со побавно темпо, сепак се очекува негово зголемување од сегашните...

Регион19 часа

(Видео) Тројно убиство во Белград, жртвите биле мачени и фрлени во септичка јама

Во текот на изминатата ноќ по пријава на граѓани, српската полицијата открила три тела во септичка јама зад шопинг-центар во...

Македонија21 час

Сведок на СЈО: Знаевме каде и како Мијалков и Грујевски се логираат за да прислушуваат

Сашо Трајковски, инженер во поранешната УБК, сведок на СЈО во предметот „Таргет – Тврдина“, во исказ пред судот рече дека...

Спорт21 час

Мишел Платини уапсен за доделување на СП во 2022 на Катар!

Поранешниот претседател на УЕФА и легенда на францускиот фудбал, Мишел Платини, е уапсен во Нантер, предградие на Париз, поради одлуката...

Свет22 часа

(Видео) Во земјотресите во Кина загинаа 12, а повредени се 134 лица

Бројот на загинати во двата силни земјотреса во Кина се искачи на 12, а бројот на повредени на 134. Спасителите...

Свет22 часа

(Видео) Четворица повредени, пукотници и стампедо на прослава во Торонто

Четири лица се ранети при пукање на прославата на првата шампионска титула во НБА-лигата на Торонто репторс на плоштадот „Нејтан...

Македонија22 часа

Судир во ЕУ за почетокот на преговорите со Северна Македонија и Албанија

Членките на ЕУ во понеделникот се судрија во однос на почетокот на преговорите за членство на Албанија и Северна Македонија,...

Македонија23 часа

Необезбедена јама демне во школски двор во Хиподром – родителите стравуваат за децата

Необезбедена јама веќе неколку месеци стои без заштитна ограда во дворот на основното училиште „Вера Јоциќ“ во населбата Хиподром (општина...

Hitech1 ден

„Хуавеј“ со загуба од 30 милијади долари

Основачот и директор на „Хуавеј“, Рен Женгфеи, потврди дека приходите на овој телекомуникациски гигант ќе бидат 30 милијарди долари помали...

Крвав четврток2 дена

Пресудата за 27 април е на 1056 страници, адвокатите се жалат на рокот

Пресудата за 27 април кога се случи насилниот упад во Собранието е напишана на 1056 страници и веќе им се...

Македонија2 дена

Поплавени подруми, непроодни улици и затнати шахти од невремето во Куманово

Oпштинa Куманово денес од 14,45 до 15,40 часот ја зафати пороен дожд кој направи проблем за собирање на водата во...

Македонија2 дена

Анкета на „Макфакс“: Шилегов направил најмалку за градот Скопје

Во онлајн-анкетата што ја спроведе истражувачкиот центар на „Макфакс“, на прашањето „Кој градоначалник на Скопје направи најмалку за градот?“, најголем...

Македонија2 дена

(Видео) Жителите на населбата Јака се жалат – живееме во кал и мрак, без јавен превоз

Седум години по почнувањето на изградбата на населбата Јака во Илинден, состојбата е непроменета – очајна, а општинската власт не...

Досие