Контакт

Македонија

(Видео) Со филм за Македонци кои бараат жени во Русија, Владиката Петар ја започна програмата на телевизијата

Објавено пред

Телевизијата „Вистел“ на Владиката Петар односно Петар Каревски, почна да зрачи во етерот. Една од првите содржини пуштени на програмата утринава е филм со Македонеци кои отишле во Русија да бараат жени. Во еден дел од филмот се појавува и самиот Владика Петар, во сцена од црква. На одјавната шпица од филмот во делот на соработници стои Преспанско-пелагониската епархија, додека во делот на „посебна благодарност“ е пишано: „до неговото Високопреосвештенство митрополит Австралиски и Новозеладски г. Петар“.

dobivaj vesti na viber

„Ќе идеме до Рио Де Жаинеро, таму било уште поинтересно. И последни ни е Албанија, нема кај да бегаме, таму ни е сигурна работата. Мислам по 500 евра и со здравје да си го носиме“, вели маж од Македонија во фулмот, емитуван на „Вистел“.

„Ако не ќе најдеме од Македонија“, вели еден од протагонистите во филмот, а друг враќа: „Јас дојдов тука во Русија да најдам девојка, не од Македонија“, реплицира другиот, па заедно ја пеат „Македонско девојче“.

Откако имале средба, мажите си раскажуваат за средбите со девојките кои ги имале.

„И овие што беа не беа лоши. Јас им кажав сакам да створам фамилија. Пак има надеж“, вели возрасен маж.

Се појавува и Владиката Петар, на сцена снимена во црква.

„Секогаш треба да се бара духовната криза. Се тежнее кон една глобализација која го притиска целиот свет, имаме масовна миграција село-град. Проблемот е во битолскиот крај, одамна. Големата миграција од земјата кон дијаспората – односно печалбарството. Тоа допридонесе да дојде до ова до кое дое. Нашиот македонскиот народ може да го спаси исклучиво жената“, рече Владиката Петар во филмот.

Потоа сцените се од Македонија. Мажи си го раскажуваат животот.

„Не ми се свиѓаат Македонките. На некој начин не се ни домаќинки, воопшто не ми се свиѓаат за живот со нив“, раскажа маж кој себеси се претстави како лик кој живеел во Англија па се вратил во Македонија.

„Мајка ми и татко ми се доста стари, потребна ми е жена со која ќе можам понатаму во животот да не бидам сам, да бидам среќен, да имам со кого да споделувам и тешки и радосни моменти. Ако е среќата да се најде жена што ќе ме поштува и јас ќе ја поштувам и да имаме среќен живот“, вели друг протагонист.

Design space paper textured background

Во филмот зборуваат и жените од Русија. Раскажуваат како на работа, шефицата им кажала дека ќе дојдат бизнисмени од Македонија и дека ќе прават средби. Според одјавната шпица, филмот е поддржан од Филмски фонд на Македонија.

На телевизијата се емитува и музика, програма за тоа што значи терминот туризам, црковна програма.

Телевизијата „Вистел“ е сопственост на фирмата „Преобразба ДООЕЛ Скопје“, чиј сопственик е Петар Каревски односно Владиката Петар. Начинот на нејзино финансирање засега е тајна. Ќе емитува целодневна програма.

Македонија

Сиљановска-Давкова во базиликата „Сан Клементе“ во Рим присуствуваше на молебенот во чест на Свети Кирил

Објавено пред

Претседателката Гордана Сиљановска-Давкова во базиликата „Сан Клементе“ во Рим присуствуваше на молебенот во чест на Свети Кирил и се поклони на гробот на сесловенскиот просветител.

dobivaj vesti na viber

Молебенот, на којшто присуствуваа членовите на државно – црковната делегација, претставници од дипломатскиот кор и други гости, го отслужија владиката Јосиф и владиката Јаков со претставници на Македонската православна црква — Охридска архиепископија.

Поклонението на гробот на Свети Кирил во базиликата „Сан Клементе” во Рим, првпат е организирано во 1969 година по повод 1100 години од неговата смрт. Оттогаш секоја година, на 24 мај, со највисоки почести се одбележува во присуство на македонска државно – црковна делегација.

Прикажи повеќе...

Македонија

Вицепремиерот Фетаи за одлуката на пратеничката Мимоза Муса: Tи остана цврста во своите убедувања, лојална на дадениот завет

Објавено пред

Заменик-претседателот на Владата, Арбен Фетаи, ја поздрави одлуката на пратеничката Мимоза Муса да остане дел од пратеничката група на коалицијата ВЛЕН, оценувајќи ја како храбар чин со висок политички интегритет.

dobivaj vesti na viber

Во објава на Фејсбук, тој напиша:

„Почит и благодарност за твојот непоколеблив став, драга Мимоза. Во едно предизвикувачко политичко време, кога многумина избираат молк или компромис, ти остана цврста во своите убедувања, лојална на дадениот завет пред 107.000 наши избирачи и на идеалите за промена. Ти си најдобриот пример за чесно претставување, каде што зборот, ставот и делото одат заедно. Ти си инспирација за младите генерации кои треба да научат дека политиката не само што може, туку и мора да биде чесна. Честитки за твојот интегритет и храброст. На Албанците им се потребни гласови како твојот!“

Пратеничката Мимоза Муса, од своја страна, јавно ја потврди својата посветеност кон политичката мисија со која беше избрана за пратеничка, пишувајќи:

„Пред една година, на 8 мај, ја добив довербата на над 107 илјади Албанци како пратеничка на Алијансата за Албанците, на листата на коалицијата ВЛЕН. Јас сум пратеничка на Алијансата за Албанците. Довербата што ми ја дадовте нема да ја изневерам. Не сум тука за лични интереси, туку да им служам со достоинство и одговорност на сите гласачи што веруваа во оваа мисија. Промената започна и ние ќе ја продолжиме понатаму.“

Прикажи повеќе...

Македонија

Мицкоски: Владата ќе продолжи со поддршка на влашкиот јазик, културните манифестации и книжевноста

Објавено пред

Претседателот на Владата на Република Северна Македонија, Христијан Мицкоски се обрати на настанот 23 Мај, Национален ден на Власите, во Македонски народен театар.

dobivaj vesti na viber

„Денес, стојам овде пред вас со длабока почит, одговорност и чувство на благодарност. Благодарност кон една заедница која со векови е дел од срцето на оваа земја, која со својата истрајност, трудољубивост и љубов кон татковината оставила неизбришлива трага во нашата историја, култура и идентитет“, рече претседателот на Владата Христијан Мицкоски на денешниот настан по повод 23 мај, Денот на влашката заедница.

Премиерот Мицкоски посочи дека влашката заедница е нераскинлив дел од македонската државност.

„Денес е 23 Мај – денот кога ја славиме влашката заедница како нераскинлив дел од македонската државност. Денот кога не само што оддаваме признание, туку и си ветуваме: дека никогаш нема да ја заборавиме вредноста што Власите ја имаат за оваа земја“, истакна тој и додаде:

„Историјата на Власите во Македонија е историја на достоинство. Историја на луѓе кои, и кога било најтешко, не се повлекле. Историја на луѓе кои секогаш работеле – за своети семејство, за својата заедница, и за Македонија. Не смееме да заборавиме и на улогата на Власите во прогласувањето на Крушевската Република. Не смееме да ја спомнуваме борбата за слобода без да го изговориме со почит името Питу Гули. Не смееме да го игнорираме огромниот придонес на влашките интелектуалци, уметници, просветители. Денес и понатаму, тие се присутни во науката, уметноста, медицината, правото, образованието.

Благодариме за сè што сте вложиле во оваа земја. Благодариме за тоа што, во времиња на промени, на кризи, на неправди, вие не се откажавте. Останавте и продолживте – со достоинство, со трпение, со љубов.“

Мицкоски рече дека Власите со својата истрајност, се пример како се чува идентитет без да се затвори срцето.

„Живееме во време на тешкотии. Време кога економијата се бори со глобални притисоци. Кога социјалната правда сè уште не ја достигнува секоја фамилија. Кога младите често бараат шанса во туѓина. Кога недовербата, поделбите, разочарувањата го разјадуваат ткивото на нашето општество.

Но токму во вакви времиња, се покажува силата на еден народ. Се покажува кои сме – не по имиња, туку по карактер. Не по декларации, туку по дела.

Власите, со својата истрајност, се пример како се чува идентитет без да се затвори срцето. Пример како се сака Македонија без да се заборави својата посебност. Пример како се живее во заедништво, а не во поделба. Време е сите заедно – Македонци, Албанци, Турци, Роми, Срби, Власи и Бошњаци – да го направиме следниот чекор. Да создадеме општество што не само што зборува за еднаквост, туку ја живее. Да создадеме држава во која секој граѓанин – без разлика на јазикот, религијата или етничката припадност, ќе се чувствува свој на своето“, вели Мицкоски.

Мицкоски порача дека Владата ќе продолжи со поддршка на влашкиот јазик, поддршка на културните манифестации и книжевноста.

„Власите со векови живеат со другите – не покрај, туку заедно. Тоа е училиште за соживот. Тоа е модел кој денес на сите ни треба. И затоа, како Влада, кажуваме јасно:

– Ќе продолжиме со поддршка на наставата на влашки јазик.
– Ќе ги помагаме културните манифестации и книжевноста.
– Ќе вложуваме во младите Власи – нивното образование, нивните идеи“, изјави тој.

Премиерот Мицкоски нагласи дека Власите се составен дел од ова општество и додаде дека секој јазик е мост, а секоја традиција богатство.

„Да се бориме заедно за заеднички живот и заеднички победи. Власите се составен дел од ова општество. Вашиот глас е потребен. Вашата приказна е заедничка приказна. Вашите обичаи се наше културно наследство. Секој јазик е мост. Секоја традиција е богатство. И тоа го знаеме и чувствуваме денес, гледајќи како се веат и македонското и влашкото знаме – не еден спроти друг, туку еден покрај друг. Тоа е Македонија што ја сакаме! Затоа, денес од ова место упатувам порака до сите:

Да не дозволиме да нè разделат! Да не дозволиме да се заборави кој сме и што сме. Да не дозволиме ниту еден граѓанин, ниту еден млад човек, да се чувствува како туѓ во сопствената земја.

Младите Власи – вашето место е тука. Вашите идеи, вашите соништа, вашата енергија – и тоа како ни се потребни. Помогнете ни да ја изградиме Македонија што ќе остане, не само за нас – туку и за идните генерации“, заврши Мицкоски.

Прикажи повеќе...

Најново

Топ2 часа

Двајца загинати во тешка сообраќајна несреќа во Скопје: мотоцикл излетал од коловозот и удрил во бетонски столб

Во тешка сообраќајна несреќа што се случи денеска на крстосницата меѓу булеварите „8 Септември“ и „Никола Карев“ во Скопје две...

Македонија2 часа

(Фото) Република Македонија во Рим го одбележува денот на Свети Кирил и Методиј

Министерот за култура и туризам, Зоран Љутков, денеска и утре престојува во Рим, Италија, како член на државно-црковната делегација предводена...

Свет3 часа

Реакции на заканата од Трамп: Американските производители на виски, француската козметика и германската хемиска индустрија повикуваат на ублажување на тензиите

Откако Доналд Трамп повторно се закани дека ќе ја ескалира трговската војна и препорача воведување царина од 50 проценти за...

Македонија3 часа

Временска прогноза за викендов: дожд, грмежи, засилен ветер и пониски температури

Времето утре ќе биде променливо облачно и нестабилно со повремени врнежи од дожд, проследени со грмежи и засилен ветер. Пообилни...

Македонија4 часа

Силно одбранбено партнерство и целосна усогласеност со заедничката надворешна и безбедносна политика, Мисајловски и Калас ги посетија Балканските медицински наменски сили

Министерот Владо Мисајловски и високата претставничка на Европската Унија за надворешни работи и безбедносна политика, Каја Калас денеска (23 мај)...

Македонија4 часа

Прв Дијалог за безбедност и одбрана меѓу Европската Унија и Северна Македонија

Денеска, во рамки на официјалната посета на високата претставничка на ЕУ за надворешни работи и безбедносна политика, Каја Калас, во...

Македонија6 часа

Собрани околу 2,5 милиони евра за настраданите во Кочани, од Црвениот крст велат во неколку наврати вршеле исплата

Во рамките на апелот на Црвениот крст за поддршка на настраданите од катастрофалниот пожар во Кочани од 16 март, досега...

Македонија7 часа

Мицкоски: Прифативме билатерална средба со Бугарија на маргините на НАТО, со присуство на претставници од ЕУ и САД

Премиерот Христијан Мицкоски откри дека прифатиле да седнат на маса со Бугарија на маргините на НАТО самитот со присуство на...

Македонија7 часа

Мицкоски повика на фер третман: Уморни сме од постојаните блокади поради билатерални прашања

Премиерот Христијан Мицкоски и високата претставничка на ЕУ за надворешна политика и безбедност, Каја Калас имале отворен разговор за македонските...

Македонија8 часа

Сè уште се надеваме дека планот А ќе функционира, рече Калас прашана зошто за Украина има, а за Македонија нема план Б

Високата претставничка на ЕУ за надворешни работи и безбедносна политика, Каја Калас, вели дека во случајот со Северна Македонија сè...

Македонија9 часа

Британската амбасада по договорот: Почнува нова ера во односите со Северна Македонија

Почнува нова ера во односите меѓу Обединетото Кралство и Северна Македонија по потпишувањето на договорот влада со влада, соопшти британската...

Македонија9 часа

Муцунски ја пречека Каја Калас: Ќе разговараме за недвосмислената европска перспектива

Министерот за надворешни работи Тимчо Муцунски ѝ посака добредојде на високата претставничка на ЕУ за надворешни работи и безбедносна политика,...

Македонија9 часа

Предложен притвор и мерки на претпазливост за обвинетите во предметот „Онкологија“

Основното јавно обвинителство Скопје, заедно со поднесените обвиненија во предметот „Онкологија“, до Основниот кривичен суд Скопје вчера поднесе и предлог...

Македонија11 часа

Даниловски за мајмунските сипаници: Болеста не се пренесува лесно, претпазливост, но не и паника

Откога Институтот за јавно здравје вчера потврди два случаја на monkeypox – мајмунски сипаници во Македонија, епидемиологот Драган Даниловски на...

Македонија12 часа

Сиљановска-Давкова во посета на Ватикан на манифестацијата „Македонија во чест на свети Кирил“

Претседателката Гордана Сиљановска-Давкова од денеска ќе престојува во посета на Италија и на Ватикан и ќе ја предводи македонската државно-црковна...

Македонија12 часа

Мицкоски продолжува и на јавната сцена да демонстрира одбивност кон Албанците, велат од ДУИ

Јавното понижување на градоначалникот на Тетово пред сите камери, пред целата јавност, всушност преставува логична последица на моноетничката доминација во...

Свет13 часа

Европол разби огромна хакерска мрежа: „Го погодивме самиот извор на нападот“

Меѓународната операција против сајбер криминалот, наречена Операција „Endgame“, силно ги погоди глобалните мрежи за хакирање. Во периодот од 19 до...

Свет14 часа

Шефот на СЗО го повика Израел да покаже милост во Газа: Замислете како луѓето страдаат

Шефот на Светската здравствена организација (СЗО) го повика Израел да покаже милост во војната во Газа. Во емотивно обраќање на...

Македонија15 часа

Каја Калас денеска во Скопје ќе се сретне со Мицкоски

Високата претставничка на Европската Унија за надворешни работи и безбедносна политика, Каја Калас, денес доаѓа во Скопје. Калас ќе се...

Македонија23 часа

Два случаи на мајмунски сипаници во Македонија: потврди Институтот за јавно здравје

Денес во ЈЗУ Институт за јавно здравје од Клиниката за кожни болести биле упатени двајца пациенти суспектни за Monkeypox –...