Македонија
(Видео) Стоилковски: Зошто ЈО се крие од постапката за Лотарија
![](https://makfax.com.mk/wp-content/uploads/2023/10/Наум-Стоилковски.jpg)
Наместо итна акција на ЈО и институциите за скандалот со Лотарија, тие си ја префрлаат топката меѓу себе оставајќи простор за забошотување, влијанија и скривање на криминалот и корупцијата, вели Наум Стоилковски, портпарол на ВМРО-ДПМНЕ.
„Перпарим Бајрами, директорот на Лотарија, за 2,6 милиона евра изнајмува простор од фирма во која удел има и Шабан Азмовски-Хамза, член на УО на Лотаријата, а двајцата се дојдени од Министерството на Артан Груби!
Чист случај на корупција, чист предмет за ЈО“, истакнува Стоилковски.
ЈО, според него, молчи и бега од темата и е во функција да не падне Владата.
„Зошто ЈО се крие од постапка за Лотарија? Што го спречува ЈО за организиран криминал? Зошто ЈО да чека?
Дали зад чекањето и префрлувањето на топката се фотографиите на Ислам Абази со ДУИ или изборот на Јовески за уставен судија?
Или можеби фактот дека зад фирмата ХЕЈ, која за 6 месеци се основа, купи имот и фати тендер од 2,6 милиона евра, е Армин Машовиќ од тимот партнери на Ерџан Сулкоски, поврзан со семејните бизниси на кланот од Зајас?“, прашува Стоилковски.
Додава дека се ужасни низите криминали и корупција поврзани со ДУИ, Артан Груби, Ахмети, кланот од Зајас, а институциите не смее да писнат.
Злоупотребата на службата, како што вели, се прави и со постапка и со непостапување по опис на службата и за тоа ќе има одговорност по смената на власта.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
(Видео) Полициските хеликоптери исфрлија над 120 тони вода врз пожарите кај селото Тажево и „Јасен“
![](https://makfax.com.mk/wp-content/uploads/2024/07/Screenshot-2024-07-26-203439.jpg)
Денеска Одделот за воздухопловни единици при МВР учествуваше со два хеликоптери во гасење на пожарот во реонот на Јасен.
Во 62 налети исфрлени се преку 120 тони вода со што успеа да се локализираат новите реактивирани краци на пожарот и да се спречи прошорување на пожарот кон селото Брезница , селото Тажево и националниот парк Јасен.
Македонија
Пронајдено детето од Скопје кое беше пријавено дека се оддалечило од домот
![](https://makfax.com.mk/wp-content/uploads/2023/02/policija-5.jpg)
Вечерва околу 19.20 часот полициски службеници од СВР Скопје го пронајдоа осумгодишното дете за кое денеска околу 18.40 часот неговата мајка С.Н. во ПС Карпош пријави дека околу 17 часот се оддалечило од домот.
Веднаш по добиената пријава, полициски службеници од СВР Скопје ги презеле сите неопходни мерки и активности и детето било пронајдено во добра здравствена состојба и ќе биде предадено на родителот, соопшти МВР.
Македонија
На Табановце за влез во државата се чека околу еден час
![](https://makfax.com.mk/wp-content/uploads/2022/07/tabanovce.jpg)
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен. На ГП Табановце за влез во државата се чека е околу 1 час. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани –Делчево.
Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури.
Термините се следни:
– петок од 17:00 – 22:00 часот,
– сабота од 09:00 до 18:00 часот и
– недела од 09:00 до 22:00 часот.
На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали:
– петок од 15:00 – 22:00 часот,
– сабота од 07:00 до 12:00 и од 18:00 до 24:00 часот и
– недела од 07:00 до 22:00 часот.