Македонија
(Видео) Јанушев: СДСМ ништо не сработи за овие две и пол години, доказ за тоа е незавршениот пат Крупиште – Пробиштип
Денес, носителот на Изборната единица 3, Игор Јанушев, при посетата на општина Пробиштип рече дека власта предводена од СДСМ ништо не направи во изминативе две и пол години. А тоа народот го гледа и затоа на 15 јули СДСМ ќе си ја добие својата казна и ВМРО-ДПМНЕ ќе победи на изборите.
„Денес сме во посета на Пробиштип. Само што завршивме со посетата на Градскиот пазар, каде што имавме можност да разговараме со огромен број луѓе, да ги слушнеме нивните маки и да чуеме што очекуваат и како ја гледаат државата во следните четири години. Она што нè охрабрува, она што ни дава мотив е да продолжиме уште посилно во овие неколку дена до крајот на кампањата. Она што ни дава уште поголем мотив по формирањето на владата на ВМРО-ДПМНЕ е да се вложиме максимално, да ги исполниме сите ветувања што им ги даваме на граѓаните бидејќи, пред сè, македонскиот народ заслужува подобра иднина, извесна иднина“, истакна Јанушев.
Јанушев додаде дека врвот на неспособноста на оваа Влада предводена од Заев и СДСМ, врвот на неспособноста на Љупчо Николовски се гледа и во Пробиштип. Овој проект што го остави претходната влада на ВМРО-ДПМНЕ, патниот правец Крупиште – Пробиштип, буквално не е ништо завршено, СДСМ не мрдна со прст за да го заврши патниот правец.
„Она што го гледам во изминативе две и пол години, сум дошол можеби повеќе од 10-15 пати во Пробиштип, значи немаше ниту една опрема, механизација, што било дека се работи на патот. Сега во овој месец гледаме како се обидуваат нешто да направат, да прикажат пред граѓаните дека, еве, божем работат. Но, тоа е сериозно потценување на народот. А народот памти и народот знае“, нагласи Јанушев.
Јанушев за крај им порача на граѓаните дека ако народот застане на страната на правдата, тогаш секоја битка може да се победи. Затоа, на 15јули граѓаните ќе гласаат за ВМРО-ДПМНЕ, ќе гласаат за обнова на Република Македонија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Агелер по повод 8 Септември: Денес и секогаш, ја почитуваме вашата историја
Амбасадорката на Соединетите Американски Држави, Анџела Агелер упати честитка по повод Денот на независноста на земјава – 8 Септември.
Во видео обраќањето кое го објави Амбасадата на САД во Скопје, Агелер вели „на овој посебен ден се придружуваме на Северна Македонија и на сите вас во прославата на вашата независност и вашите динамични и разновидни заедници“.
Како и нашата независност, вашата беше тешко здобиена, со безброј жртви направени од оние кои верувале во моќта на слободата и демократијата. Денес и секогаш, ја почитуваме вашата историја, вашата сегашност и светла иднина, рече Агелер.
Македонија
Филипче за 8 Септември: Во овие три децении, Македонија ги зајакна своите институции
Денешниот 8 Септември и 33 години независност на нашата Македонија нѐ потсетуваат на силата, единството и храброста што ја имавме кога го избравме патот на суверенитет и самостојност, наведува во постот на Фејсбук лидерот на СДСМ, Венко Филипче.
Во изминатите 33 години, нашата татковина се изгради како независна, суверена држава, одлучна да го заземе своето место на европската и на светската сцена, потенцира тој.
-Овој пат не беше лесен и беше исполнет со предизвици, но и со многу достигнувања. Патот што го избравме пред три децении е потврда на нашата колективна волја за достоинство и просперитет. Во овие три децении, Македонија ги зајакна своите институции, ја обезбеди својата меѓународна позиција и создаде услови за економски и социјален напредок, вели Филипче.
Претседателот на СДСМ потенцира дека нашата држава денес се наоѓа пред многу искушенија, кои бараат од нас да покажеме уште поголема зрелост, сплотеност и одлучност.
-Во ова време на нови предизвици поврзани со понатамошниот пат по кој ќе се движи Македонија, време е нашата сила и способноста на нашите граѓани да ја искористиме за да ја надминеме секоја препрека што стои на патот кон подобро утре. Пред нас е одговорноста да ја продолжиме изградбата на општество каде што секој граѓанин ќе има еднакви можности, а нашата земја ќе биде пример за стабилност, толеранција и напредок. Честит 8 Септември!, стои во честитката на претседателот на СДСМ, Венко Филипче.
Македонија
Мицкоски: Kако нација имаме две големи цели, да го победиме разочарувањето и да го сузбиеме криминалот
Тогаш битката беше како ќе се исправиме на нозе, денеска битката е како ќе направиме големи чекори напред, истакна премиерот Христијан Мицкоски во обраќањето на свечената академија по повод Денот на независноста – 8 Септември под слоганот „Заедно се бориме, заедно ќе успееме!“.
На Свечената академија во организација на Владата, Мицкоски рече дека овој ден нѐ потсетува на нашето долго патување до слободата.
– Денеска сме исправени пред нова борба, еднакво значајна како создавањето на татковината. Тогаш владееше ентузијазам и голема енергија и одобрување на референдумот. Триесет и три години подоцна, многу работи се изменети, а сите ние повеќе искусни. Многу порази, многу неупсеси, потфрлања во системот. Битката не смее престане затоа што патриотизмот постои и денеска, посочи премиерот.
Запрашаша дали после децениските разочарувања, битката треба да престане. -Одговорот е никако. И тоа не е опција. Затоа што патриотизмот постои и денес, и денес со оваа генерација битката мора да се извојува. Патриотизмот е ист, но целите и работите кои мора да ги победиме се различни, истакна Мицкоски.
Тој потенцираше дека како нација имаме две големи цели – да го победиме разочарувањето на секој еден човек напластено од сите неуспеси, а втората, да го сузбиеме криминалот и корупцијата која метастазира во сите делови од општеството.
Нагласи дека, како што рече „ќе се борам со секој атом да докажам дека сме поразлични од сѐ досега и дека го менуваме работите“.
Свечената академија започна со изведба на македонската химна од страна на детски хор во Македонската филхармонија. Беше прикажан видео спотот „Везилка“ која вклучува оригинална изведба на песната од Блаже Конески, како и изведби на дела од македонски автори поврзани со оваа тематика од страна на државниот џез оркестар.
Како што соопштија претходно од владината прес-служба, настанот е дел од пошироката иницијатива на Владата за подигање на свеста за значењето на независноста и заедничката борба на граѓаните за подобра иднина.