Утрово во вооружен грабеж се обиени банкоматите пред Point Retail Park со користење за нас непознати средства. За време на настанот обезбедувањето постапило според процедурите и претходно дадените упатства, кои се применуваат во вакви случаеви. Никој од вработените не е повреден, ниту за време на настанот имало надворешни клиенти на трговскиот центар, се вели во соопштението од компанијата Point Retail Park.

„Банкоматите се во сопственост на 4 деловни банки сместени во метален објект во сопственост на Point Retail Park и истиот е разнесен, а причинета е материјална штета. Безбедносните камери јасно ги лоцираат ограбувачите и очекуваме брзо разрешување на овој немил настан. Благодариме на службите на МВР и ЈО кои веднаш излегоа на местото на настанот и преземаа професионални оперативни мерки за откривање на сторителот на овој немил настан. Ја известуваме јавноста дека Point Retail Park продолжува со редовна и непречена работа. Благодариме на медиумите кои известија професионално за настанот“, наведуваат од компанијата.

Поштата не стигнала на време, па Управниот одбор на Академијата за судии и јавни обвинители, во последен момент, дозна дека има и четврти кандидат за директорската позиција.

Андреј Димовски, судија од граѓански суд и единствен национален судија со меѓународно искуство влегува во трката за раководење со оваа значајна институција од која излегуваат идните обвинители и судии.

Негови конкуренти остануваат Наташа Габер Дамјановска, која досега ја водеше Академијата, Емилија Шопар Јованова од скопскиот Граѓански суд и Ненад Савевски од Кривичниот суд во Скопје.

Кој од нив ќе биде нов прв човек на Академијата, ќе треба да се знае во петок, за кога е закажана новата седница.

„А1он“ исконтактира со судијата Димовски. Тој меѓудругото го водеше предметот каде бизнисменот Орце Камчев бараше Катица Јанева, Боки 13 и државата да му го вратат милионот од „Рекет“, па го одби барањето со образложение: „Странката која дејствувала несовесно (Камчев), не може да го бара назад она што го дала на странката (Бојан Јовановски, Катица Јанева) која дејствувала исто така несовесно“.

Димовски веќе има искуство со Академијата, тој претходно бил и ментор на слушатели на почетна обука.

„Јас негувам визија и амбиција за себе во фелата, независно од општествените неприлики. Сметам дека поседувам како што и досега сум покажал елан, план, енергија, знаење. Сето тоа потврдено преку меѓународното искуство со скоро 13 месечен престој во ЕСЧП, повеќенеделен работен престој во Кралството Холадија, како и во СР Германија, итн. Посветен сум на професијата, немам афери зад себе“, посочува Димовски за „А1он“.

В.д. директорот Бесир Алиу, кој е и член на Управниот одбор на Академијата и јавен обвинител на Основното јавно обвинителство Тетово, кажа дека кандидатурата на Димовски е испратена по пошта во рамки на временскиот рок. Посочи дека поштарот ја згрешил адресата, па документите стигнале денеска и истите мора да се разгледаат.

Во салата беа присутни скоро сите членови на Управниот одбор, освен, Беса Адеми, претседателка на Врховниот суд чија снаа е слушател на Академијата.

Претседателот Стево Пендаровски денеска во Брисел учествуваше на Самитот ЕУ – Западен Балкан во организација на аналитичкиот центар (тинк – тенк) Пријатели на Европа.

На сесијата во рамки на Самитот, претседателот истакна дека историски момент и значаен исчекор за Северна Македонија е отворањето на преговорите за членство во ЕУ оваа година, но дека почетокот на овој процес истовремено имаше висока цена за нашата земја, имајќи го предвид противењето на преговарачката рамка, која сепак на крајот беше усвоена. Тој посочи на истражувањата на јавното мислење и падот на евроентузијазмот, односно поддршката за интеграција во Европската Унија во последните 18 месеци.

Претседателот Пендаровски рече дека одговорното политичко лидерство треба да покаже дека ова е најдобрата алтернатива за нашата држава, за просперитетот и за вистинска трансформација во виталните области на нашето општество, нагласувајќи дека ова е патеката од која нема да се откажеме. На тој пат, додаде тој, очекуваме целосна поддршка од страна на ЕУ и ја потенцираше неопходноста Западниот Балкан постојано да биде во фокусот на Унијата, не само кога Европа се соочува со предизвици како што е војна, или мигрантска криза.

Во дискусијата, претседателот посочи дека се потребни промени како во нашиот регион, така и во Брисел, додавајќи дека сè додека Унијата не го промени начинот на одлучување, не може да се очекува голем прогрес во однос на проширувањето, но и на другите политики. Понатаму, тој истакна дека колку помалку ЕУ е присутна во нашиот регион, толку повеќе ќе се даде простор за Русија и за разни тоталитарните модели на управување.

На прашање во однос на улогата на младите во евроинтеграциите и како да се зголеми нивното влијание и улога во процесот на одлучување и креирање политики, претседателот Пендаровски рече дека тој секогаш го поддржувал младинскиот активизам и иницијативи, посочувајќи го и формирањето на Претседателскиот центар за политичко образование, во насока на јакнење на демократските политички вредности и придонес на младите за позитивен развој на општеството.

Тој ја потенцираше важноста од нивната улога во севкупниот напредок на општеството, додавајќи дека е невозможно да се усвојуваат легислативи кои ќе бидат во корист само на младите, или само на постарата генерација, туку потребни се промени од кои ќе имаат бенифит сите генерации. Воедно, тој го посочи иселувањето и негативната демографија како сериозна закана за нашите општества.

На Самитот, покрај претседателот Пендаровски, учествуваше премиерот на Република Албанија, Еди Рама и премиерот на Црна Гора, Дритан Абазовиќ.